الطرق كلها والله الحمد سهله
شف الطريقة التي تراها مناسبة واعلمك الطريق
وانا على اتم الاستعداد للمساعدة

الحمدلله الطرق كلها سهلة وميسرة
شف الطريفة المناسبة لاخبارك وانا على اتم الاستعداد للمساعدة

السلام عليكم ورحمة الله وبركاته:
انا ايضا اسكن في دولة قطر وارغب بمعرفة هذه المعلومات والمسافة بالكيلو متر
لانني انوي الذهاب للعمرة في الشهر الخامس باذن الله
الرجاء المساعدة

وعليكم السلام ورحمة الله وبركاته
اخي الكريم اولا مكان موضوعك غير سليم
هناك بوابه اسمها بوابة الحرمين الشرفين واتوقع لو تطرح موضوعك هناك سوف تجد الإجابه
الشيء الثاني يجب ان تحدد مكانك
لأنه ليس دول الخليج كلهم يأتون من طريق واحد
فأهل الكويت لهم طريقهم واهل الإمارات لهم طريقهم واهل البحرين لهم طريقهم لذلك ياليت تحدد مكانك بالضبط حتى نستطيع مساعدتك
وفي الختام حياكم الله في بلاد الحرمين الشريفين وتقبل الله عمرتكم مقدمأ

*عمر قمر*
جزاك الله خيرا ولكني كتبت في موضوعي بانني ساكن في قطر
ولم اكتب هذا الموضوع في قسم بوابة الحرمين لانني اردت ان اعمم اكثر
وخصوصا ان وجهتي الاولى ستكون الى جدة

تطلع إلى الاحساء من قطر (بس للاسف ما جربت الطريق )
تطلع من الاحساء إلى الرياض والمسافة تقريباً 300 كم
وهناك طريقان موصلان إلى الرياض الاول طريق خريص (وانا افضل طريق خريص لأنه اقل في الوقت) والثاني طريق جودة (طريق لا يوجد به محطات من يوم تتعدى مخرج خريص وتمشي مسافة 80 كم إلى ان توصل طريق الدمام السريع بعدها مافي مشكلة)
الرياض إلى مكة المكرمة حوالي 1000 كم والطريق ماعلية خلاف ولا توجد مخاوف كل مسافة تمشيها تشوف قرية أو محافظة فمثلاُ تطلع من الرياض وتمشي مسافة 50 كم وتلاقي محافظة المزاحمية وبعدها ضرما ب80 كم (من الرياض) بعدها القويعية 250 كم(من الرياض)
توصل على اشراف مكة يوجد مخرج مكتوب عليه مخرج لغير المسلمين وإلى جده من الافضل ان لاتروح منه لانه خط واحد ومتعب وخطر بشكل كبير ومافيه إلا الشاحنات والافضل ان تروح من وسط مكة إلى جده لانه خطين وسوق وانت مرتاح
هذا تقريباً الطريق بشكل مختصر جداً وأي تفاصيل انا حاضر للمساعدة

1. السلبيات :

انا نسخت لك رد اخونا سلم الطائره على احد الاعضاء

• الطريق الذي ساسلكة من قطر الي السعودية هل هو سهل ام متعب

سهل ومتعب وشيق وممل في نفس الوقت يعني فيه شغلات كذا وكذا مثال
الايجابيات
1- تمر بمناطق حلوة تونسك مثلا قرى هجر مزارع تغير الجغرافيا تطرد الملل عنك
2-الطريق (سيدين) رايح جاي وهذا شي مريح للمسافر
3-طرق السعودية جميعها آمنة 100% بعد الله
4-في حال لاسمح عطل سيارتك مثلا او شيء من هالقبيل بتلقى الناس اللي تساعدك سواء رجال امن طرق او مواطنين ومقيمين
5-البنزين رخيص اللتر ب 40 هللة سعودي

السلبيات :

1-دورات المياة في بعض محطات الطريق وليست الكل (يعني حاول ماتوقف الا في محطة تشوف انها نظيفة وكبيرة)
2-مطاعم بعض محطات الطريق وليست الكل (حاول انك تأكل في المدن عالطريق مثلا وليس في المحطات لسلامة نفسك ومن معك من ضمن المدن اللي بتمر فيها (الاحساء-الرياض-القويعية-الطائف-مكة-المدينة) واذا اظطريت للأكل في المحطات فخليك على المعلبات (قشطة جبن زيتون ) مجرد نصيحة وللمعلومية اعرف محطات أكلها نظيف والله العظيم بس قليلة
3-أحيان تمر مناطق مملة التضاريس فيها زي بعض مثلا بعد الرياض ب 400 كلم تقريبا الين قرية الموية او قبلها بشوي الطريق فيها ممل نوعاً ما كذلك الطريق بين مكة والمدينة قرابة 200 كلم جبال سوداء زي بعض
×× بأختصار الطريق ممتاز والخدمات متوفرة ولاي مشكلة تواجهك اتصل فقط بأمن الطرق (996) بس حبيت أوضح بعض التفصيلات .
3- المسافة من قطر حتي الوصول لمكة
الدوحة - - منفذ أبو سمرة القطري = 60 كلم تقريبا
منفذ سلوى السعودي - - الاحساء = 195 كلم تقريبا
الاحساء - - الرياض = 360 كلم تقريبا مع طريق الدمام السريع (أنتبه من طريق خريص لانه قديم وخدماته سيئة)
الرياض - - الطائف = 780 كلم تقريبا
الطائف - - مكة = 80 كلم بالظبط مع طريق السيل (الميقات)
××أقتراح : تمشي من الدوحة بعد الظهر أو الصباح وتخلي الرياض أول محطة للنوم وتلقى شقق فندقية فالرياض اسعارها في متناول الجميع.
اليوم الثاني من الرياض الى الطائف واذا حبيت تنام فالطائف او مكة على طول انت براحتك وعلى حسب ظروفك
واقترح عليك ان تتوقف في محطات ساسكو على الطريق فهي من افضل المحطات على سوئها

الله يتقبل منكم الطاعات صراحة ما عندي خلفية بس بالتوفيق وان شاء الله ما تلاقون تعب وترجعون وانتم مبسوطين ومرتاحين يارب
تحياتي لك ,,,