تمنيت أنني أخدمك ، لكن أتوقع أخونا النشط شامي مبندق سوف يأتيك بالخبر اليقين .

نبض الحرف
هاهاهاه .... ضحكني كلامك أخي ... تمام أنا جاهز للرد ....
الكوتازور ( أو الشاطئ الأزرق ) منتج بحري على شاطئ اللاذقية ... منتجع 5 نجوم .. جميل جدا ومرفه ... كتير بحب أصيف فيه ... فيه شاليهات ... وكباين عالبحر ... وفندق داخلي بيطل عالمسبح .... وفيه تراس ومطعم وقهوة ... ومن جمالو فيه ألعاب مائية ضمن الماء ... مابعرف اذا هي السنة كمان موجودة ...
بيبعد عن مطار اللادقية بحدود 45 دقيقة .... وموفق بالحجز ونتمنى لك إقامة جميلة ...
على فكرة المشي مساءً بساحة المجمع الخارجية جميل جدا ... وهناك دراجات هوائية وأحصنة للإجار ومدينة ملاهي .... كما أنو يوجد الذرة المشوية والمشروبات الباردة ...
يعني بتمنى تنبسط وتتسلى ...
بس عندي استفسارين ... كيف بتحجز أخي وأنت موعارف الفندق اذا منيح ولا لأ ..معقول ...
ثاني شئ جاي لحالك ولا مع العيلة ... لأنو في ملاحظة أنو الجو كتير متحرر بالشاطئ ... كون الناس جايه لتسبح ... وفهمك كفايه

شامي مبندق
اخي شامي مبندق شكرا جزيلاً على الرد الشافي الوافي
وبالنسبة لستفساراتك انا لما عملت بحث عن الفنادق طلعلي هاد الفندق مع كمان 2 ولقيت سعره مناسب وخمس نجوم فتوكلت على الله وبالنسبه لستفسارك الثاني أنا مسافر مع زوجتي صارلي متزوج 4 شهور عقبال العزابيه بس عندي سؤال أنا زوجتي محجبه فهل مسموح الدخول على الشاطىء صباحاً وهي بالزي الإسلامي/COLOR]

أخي المتزوج حديثا
إن شاء الله العمر كلو .... وبالرفاه والبنين
بالنسبة لنزول المحجبات فأنا بتصور أنو المدام ماتخليك تنزل لأنو الوضع متحر ... هاهاها
بعدين بالنسبة للنزول فمابيسمحوا ... وحتى ممنوع النزول على الشط بدون ملابس السباحة ... بس يعني ممكن تقعد عالبحر من بعيد ومن دون ما تنزل المدام عالمي حتى ولو تمشي على الشط الطفيف .... يعني من أو المي ... هيك القوانين ..... بس صرلي سنتين مارحت ... يعني ممكن يكونوا غيروا القوانين ... بس صراحة بتمنالك من كل قلبي تنبسط ... واذا بدك بعملك جولة باللادقية ... يعني جدول سياحة بيملالك كل وقت ... بس بدي تفصلات ... يعني كم يوم ... قديش ممكن تقدر تصرف بالنهار ... سو اللي بتفضل تعملو بزيارتك ... معك سيارة ولا شفير ولا مامعك وسيلة مواصلات ... حابب بحر ولا جبل ولا التنين سوا ... يعني هيك شي ..اسأل وأنا حاضر .... ::

تسلم أخوي على ذوقك ولطفك عموماً انا بالاذقية فقط يومين وبعدين طالع دمشق والمدام أساسا شاميه يعني ماراح نتغلب بدمشق بحكم أنها عارفاها بس حبيت أخدلي يومين في الاذقيه عموما عندي كم سؤال وياريت أكون ما عم أتقل عليك

• انا حاجز من من الاذقيه لدمشق طيران سوري بس لسه ما قصيت التذكره السؤال هل الطريق براً بشجع وفيه مناظر حلوه أم جواً أحسن وشو شركات النقل الممتازه؟
• هل مبلغ 7000 ليره سوري إلى 8000 يوميا كافي للروحه والطلعه والبسطه إذا كانت السكن مدفوع
• هل بدمشق يوجد شركات سياحيه جيده من أجل الرحلات الجماعيه مثلاً إلى حلب وغيرها وكيف أسعارها

وأسف على الأطاله

n_jabri
على عيني أخي ... بس أنا عرضت عليك جولة باللادقية مو بالشام .. المهم بسيطة
الطريق من اللادقية للشام بيجنن ... مناظر روعة .... ولو بتروح بالسفر بسيارة وبتطلع من طريق من اللادقية مختصر لحماة ... بتشوف طريق أكتر من رائع ..... ومنو بتوصل لحماه وبتتغدى وبعدين بترجع للشام ...
اذا بدك تروح للشام مباشرة فأحسن شركتين هنن القدموس و سراج ... وممكن الأهلية
اذا السكن مدفوع ممكن بمنتجع فيو للمطاعم عالكورنيش الجنوبي تصرف بحدود غدا وعشا لشخصين بحدود 2000 ل.س مو أكتر ... واذا حبيت ممكن تشتري كم غرض من الملبوسات بحدود 3000 ل.س لمرة واحدة والمواصلات مابتاخود باليومين أكتر من 1000 ل.س هاد اذا نزلت وطلعت كتير من الادقية للشاطئ الأزرق لأنو التكسي بياخود بالطلعة بحدود 100 لغاية 150 ل.س بس بالنزلة ماتقبل تطلع من دون عداد وممكن تكرمو شوي لأنو المسافة بعيدة ....
الرحلات الجماعية ، بما أنو مدامتك شامية فأكيد بتعرف بالدليل والوسيلة ... وهنن جرائد إعلانية ... اختارو المكتب والرحلة اللي بتعجبكون واحجزوا ...
ودمتم