هلابك اخوي
سوريا بالشتاء ارخص من الصيف واقل زحمه..
وبالعيد ماراح يكون الجو بارد مره
الاسعار ممكن تكون مرتفعه بأول خمس ايام بعد العيد ..
طبعاًَ راح تصادف انواع النصابين في جميع المجلات مطاعم تكاسي شقق
انصحك بسكن بفندق محترم وعندك الماجد اوالخيام او بلال الكبير او احد فروعهم رخيصه وحلوه ومحترمه
والسكن بالفندق انت والمدام ماراح يكون سعره اكثر من ثلاث الاف ليره لليوم.. وراح تفتك من نصابين الشقق
اما اذا بغيت فندق خمس نجوم عندك الشام وسعره لايقل عن خمس الاف ليره لليله الواحده
بس انصحك بالماجد او احد فروعه..
اما تكلفة عشر ايام على حسب برنامجك اليومي بس اذا كنت ماتحب الفشخره والصرف الواجد يعني من 3000 الى 5000 ريال بتكفيك بزياده.. وترجع ومعك حق الطريق
انا ان شاء الله ثاني عيد ماشي للشام واذا تبي اي مساعده انا تحت امرك يالغالي

اسال واتفق على الشي الي تبغ تشترية يعني مثال قبل ما تركب التكسي اتفق معه على المشوار ولا يهمك كلامهم مثل ما راح نختلف و السعر الي يعطيك اخصم ثلاث ارباعة وفي المطعم اطلب المنيوا ترى النصب عيني عينك

هلا فيك اخوي نور البدر...
اعتقد الاخوان كفو ووفو في الاجابات...
طبعا سوريا ارخص من ما ليزيا بكثير... وخصوصا وقت الشتاء...
طبعا ترتفع الاسعار خلال ايام العيد.. وبعد العيد تنزل ... انتبه من النصب...
وفي بوابه سوريا مواضيع كثيره عن النصب تقدر تقراها وتستفيد...خلها سيف في يدك في وجه كل نصاب يقابلك..
تروح وترجع با السلامه...

أكيد أرخص من ماليزيا بكثير
والرحله ما تكلف كثير اذا ما طحت في يدين المستغلين مابي اقول النصابين

الاخ / نور البدر
واللة اذا انت وزوجتك مانصحك تروح على سوريا لان الاماكن السياحية محدودة اذا ماقارنتها في ماليزيا يعني اشوف سوريا تنفع للشباب او للعوائل اللي معاهم اطفال (العوائل الكبيرة) ياخذون لهم مزرعة , لكن انت وزوجتك اول مرة اسمع واحد يروح لسوريا , وهذا الكلام مو معناه سوريا مو حلوة لكن ماتنفع لواحد هو وزوجته وانت القرار بيدك خصوصا ان الخيارات مازالت مفتوحة امامك , وبعدين لازم تسال نفسك ايش الاماكن اللي ممكن تروح لها وتتمشى فيها خصوصا ام الزبداني وبلودان تكون باردة مرة واغلب المطاعم اللي هناك اعتقد تسكر وماتفتح الا بالصيف واللاذقية على البحر واعتقد ان البحر حلاته بالصيف .
ولك تحياتي

الله يعطيكم العافيه على الردود اخ محسن1980 طيب انت وش ترشح من الدول بس شرط رخيصه لان صراحه ماليزيا صلختني صلخ
واشكر اخواني جزيل الشكر على الردود

الاخ نور البدر :
اولا حبيبي لازم تفهم انا مو قصدي سوريا مو حلوة لكن اقولك ممكن تاجله الى الصيف او قبل ماتبدا اجازة الصيف يكون احسن لان حلاوة سوريا وبالذات الزبداني وبلودان واللاذقية تكون خلال الصيف .
اما بالنسبة ماهي الدول اللي انصحك خلال هذة الايام واللة كثير لكن ماعرف وش اهم الاشياء اللي انت تهتم انها تكون موجودة في البلد وكم راح تكون الميزانية المتوفرة .
وانا بالخدمة حبيبي

اخوي شف سوريا حلوه وتصلح للعوائل بس باردة شوي بالعيد والاسعار بالعيد بتكون غاليه كثير مضاعفه واماكن السياحه كثير بس بعيده شوي كل يوم مشاور تعب وانت سبق رحت ماليزيا يعني فرق كبير وشاسع بين الطبيعه بالشام وماليزيا لذا انصحك بتايلند والله روعه جدا وحلوه وفيه اماكن للعوائل وجزر والاسعار ببلاش جد اقولك والله الاسعار بتايند بلاش رخيصه مره
سا م

نور البدر
السلام عليكم ورحمة الله وبركاته
انا مسافر ليلة العيد ان شاء الله وهذي السفرة الثانيه لسوريا في الشتاء
وبما انك بتروح في نفس الوقت فانصحك بسوريا لانها فيها مناطق حلوه وخاصه انه الوقت بيكون الجو فيها حلو وود معاك ملابس ثقيله للبرد وانصحك اتجرب اتروح كسب ولو ليومين وعلى فكره لبنان قريبه وايد اذا بتروحلها يومين انا بروح 18 يوم سياحه عامه يعني بروح كسب مره ثانيه لانها تستاهل انه الواحد ايروح لها وصدقني بترتاح فيها لانه جوها جو عائلة وانصحك انك تاخذ معاك كاش واذا حبيت تسحب افلوس فانصحك انك تسحب من لبنان لانه مكائن الصرف فيها اشويه نصب او يسحبون عليك زياده
واذا كنت تبي سواق ايكون معاك 24 ساعه قولي ولا تستحي عندي لك سواق محترم وطيب والسياره متوفره وعلى استعداد انه يوفر لك السكن النظيف ويستقبلك في المطار وبترتاح ان شاء الله
وشكرا