- بسم الله الرحمن الرحيم..
- دعاء السفر
بسم الله الرحمن الرحيم..
صَلاحُ أَمْرِكَ لِلأَخْلاقِ مَرْجِعُهُ****** فَقَوِّمِ النَّفْسَ بِالأَخْلاقِ تَسْتَقِمِ
لابد لكل المسافر لاي مكان في العالم يحط هذي العبارة امام نصب عينيه خصوصا انه رح يكون سفير لبلده ويكسب احترام الاخرين له،،وماينسى نعمة ربي عليه بالوصول سالما الى اي بقعة حتى لو كانت قريبة منه،، :36_3_11:
طبعا قررنا نسافر الى القاهرة بعد مخططت انا وزوجي ان ناخذ هذه السنه اطفالنا لزيارة القاهرة ولاول مره في حياتهم.. المسافرون على متن الخطوط السعودية انا هلاري،،الزوج كلنتون ابو الشباب،،الابناء تيشيسلي الحالمة،اندروالمتسامح،اليك المغامر،،طبعا الاسماء من قبيل المداعبة لااكثر،،:36_15_17:
بعد ما سمعنا عن داء انفلونزا!!!! اعذروني محب اذكر اسمه اعز الله مقداركم،،سوينا كل الاحتياطات الازمة،،و هم بعد لقينا معارضة شديدة من اسرتي واسرة كلنتون وكله خوف من هالمرض ،، انا وزوجي ضربناه طنش وتوكلنا على رب العباد واخذنا احتياطنا من المواد الصحية الازمة خ(هي معقمات ،ادوية،كلينكس،الخ) والله حاله بجد الشنطة رفضت تتقفل مو مهم اهم شي صحتنا،،
دعاء السفر
"الله أكبر، الله أكبر، الله أكبر، ( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ ) " اللهم إنا نسألُكَ في سفرنا هذا البرَّ والتقوى، ومن العمل ما ترضى، اللهم هون علينا سفرنا هذا واطو عنا بعده، اللهم أنت الصاحب في السفر، والخليفة في الأهل، اللهم إني أعوذ بك من وعْثاءِ السفر، وكآبة المنظر وسوء المنقلب في المال والأهل"
تم الاقلاع في نهار 13/7/2009 ،، وكنت في تواصل مع اخوتي اعضاء المنتدى الى فجر هذاك اليوم ومانسى اني استفدت منهم كثير كثير خصوصا في ازالة الرهبة والخوف من الطيارة،،بجد كانت لحظات تعذيب بس الحمد لله والشكرله الف مرة،،
اصوات المسافرين لعب الاطفال ضحكات تيشسلي مع اخوتها جو مشحون بالفرح طبعا الطائرة مليانة من الاخوة المصرين والاخوة السعوديين،، ناس تزور وناس تتسيح في هالبلد ذو الصدر الرحب،،
اما انا لاتسئلوني بس أعد الدقايق متى نوصل الارض ابي الامس الارض:36_1_10: يمه ..يمه.. كل ماهتزت الطيارة :36_1_25:وكلنتون يتمتم هلاري شفيك اعقلي واثقلي قلت مابي مابي يرد كل مرة نسافر انتي على هالموال قلت لاحد يكلمني،،طيب تغدي مابي،،طيب اشربي لك شي،،مابي،،طيب اقري مجله جريدة،،مابي علا صوته وش تبين،،ابي ابوي ابي امي،،ابي الارض ودمعت عيوني :36_1_4:،،افا ونا ولد الامريكان(مزحة) تخططين وتسوين فيها وانتي هشه!!،، ارد من بين دموعي مدري بس لاتحرجني ،،يرد طيب اذا مو عشاني عشان عيالك ،،هو قال عيالي وكنه غرز دبوس في جسمي:36_1_3: لاني بكرة اذا رجعت بصير علك في افواه خواتي واخواني من مين ياترى؟؟؟ من اندرو !!اخ منك :36_1_42:ادري انك بتنقل الحدث صوت وصورة وانا ياغافلين لكم وشوي الا ينزل فيني تقرير فاضح في العائلة الكريمة،،تعدلت في جلستي وجلست اخز اندرو بعين:36_1_12: يمكن لقط كم كلمة الا اشوفه الفقير(مسكين) حاط السمعات في اذنه ويدندن ولا له في الدنيا:36_2_65:،،اوه اطلقت تنهيدة وحطيت يدي على صدري اردد الحمد لله مالمح شي،،الا ينط علي ماما شفيك خايفه،،يوه كان ارد بعصبيه لا ماني خايفه بس متوترة ،،المعت عينه وهو يبتسم بخبث:016:،، تمتمت .. وانا اطالعه بربع عين:36_1_12: الله يستر مسوي حاله يسمع اه منك،،رجع كلنتون ،،ارتحتي الحين قلت الحمد لله،، طبعا كل الشكر لطاقم الطائرة بجد يستحقون تحية أحترام وتقدير،، من اقلعنا :36_11_3:حتى قبل هبوطنا بدقائق قليلة وهم على قدم وساق،، وجلست انا وبعلي العزيز نتجاذب اطراف حديث بكلمات محدودة عشان مارجع افكر في التوتر لين اضيئت اشارة ربط الاحزمة،، وشفنا من بعيد الاهرامات تلوح بقمتها وصفاء النيل يبتسم لنا والله عليك يامصرتم الهبوط في ارض الكنانة،، بعد التحليق لمدة ساعتين وعشرين دقيقة،،،
يتبع،،،
شنط هلاري،،
الغالي اليك(alik) في المطار قبل الصعود الى الطائرة،،
تبارك الرحمن بينة الروعة والتميز من اول حلقة
كملي ياصاحبة السمو سيدة البوابة الاولى ههه