بسم الله الرحمن الرحيم في البداية احب انصح كل الطلبة والطالبات اللي مايابوا معدل في الثانوية العامه ومعدلهم مايسمحلهم بالدخول الى الجامعات الحكومية يروحون يدرسون في الاردن لان دراستها وايد سهله وبنفس الوقت شهادتها معترف فيها وقويه ,, انا واحد صارلي 3 سنوات ادرس فيها وحولت جامعه الكويت لان صارت مشاكل هناك على ايام الضربه اللي صارت بالكويت المهم انا كنت ماشي ومعدلي كان وايد زين مع اني كنت بجامعه الزيتونه وجامعه الزيتونه مو سهله نفس الاسراء والبتراء لانهم متشددين شوي بالغياب والحمدالله كنت ماشي بس الظروف خلتني احول جامعة الكويت والحين وايد متحسف لاني جربت الفرق بين الدراسه بالاردن والكويت الصراحه الاردن وايد اسهل والواحد يقدر يمشي نفسه (واسطات :P ) بس بالكويت مع انها ديرتي مافيها واسطات وبعدين الاردن حتى حق اللي يبي يحول من جامعه لي جامعه يعادلوله المواد حتى لو كان يايب D بس الكويت مايعادلون الا C+
مابي اقرق عليكم وايد بس نصيحة اللي يبي يروح الاردن لايتردد بعدين فيها مناطق اللي ساكنين فيهم الخليجيين حدها راقيه مثل ديرغبار وعبدون والصويفيه والرابية والشقق سعر معقول ووايد مناسب كمقارنة مع شقق الكويت ,,
ادري طولت عليكم وايد ,, عالعموم اللي يبي اي استفسار عن الاردن انا حاضر ومشكورين وايد
عاد هالله هالله بالردود لا تفشلوني