وعليكم السلام ورحمة الله وبركاته ،،،
الدراسة عامة في ماليزيا رخيصة جداً مقارنة بالسعودية او حتى الخليج كامل....
الجامعات نوعين ماليزية و أجنبية (بيريطانية ....امريكية...استرالية..الخ) والاجنبية كمان نوعين في جامعات فاتحة فروع في ماليزيا و فيه معاهد وكليات متعاقدة مع جامعات عالمية ولو اتخرجت يعطوك شهادتين وحدة اجنبية و الثانية ماليزية
تقدر تدخل موقع وزارة التعليم العالي لدولتك... بس قبل ماتفلسف عليك ممكن تقولنا انت من أي دولة؟

انا من مصر و فآخر سنة فى الثانوية العامة .,فبسأل كمان لو عادى انى ادرس هناك من غير ما يكون معايا شهادة جامعية من هنا؟؟..ولا لازم يكون معايا شهادة جامعية و شهادة الثانوية ماتكفيش؟
شكرا لردك و اهتمامك

طبعا عشان تدرس بالجامعة لازم يكون عندك ثانوية وكمان توفل او IELTS واذا ماعندك راح يدخلوك في جامعات يدخلوك لغة فقط لمدة سنة و بعدين تختبر واذا عديت بتدخل على البكالوريوس علطولارخص الجامعات هيا الجامعات الماليزية و بعدين المعاهد والكليات والكليات الجامعية ...واغلاهم طبعا الجامعات العالمية الي فاتحة فروع هناك
ادخل علموقع studymalaysia وراح تلاقي كل اسماء الجامعات
بس معلومة راح تمر عليك برامج مكتوب عليها مثلا 2+1 او 3+0 او ارقام مشابهة خلينا ناخد 2+1 مثال: هذي غالبا تكون المعهد او الجامعة متعاقدة مع جامعة عالمية بس حتكون دراستك مقسومة مرحلتين 2 سنة في ماليزيا + 1سنة في الجامعة الي متعاقدين معاها في بلدها الام.... اما 3+0 معناها كل الدراسة بماليزيا
وبالنسبة للمعيشة كل ماخرجت عن كوالالمبور كل ماكانت المعيشة ارخص طبعا وبالنسبة للسكن ارخص شي حيكون نظام الغرف يعني ياتسكن بسكن الجامعة يا في شقق تستأجر غرفة فيها بالشهر وغالبا كلها للطلاب...
انت ادخل على الموقع الي كتبتو لك واختار نوع التعليم الي انت عاوزو و التخصص وقلنا انت ايش قررت وراح افيدك اكثر ان شاء الله بالي اعرفو

انا عايزة ادرس اقتصاد فى ماليزيا..مش عارفة الكلية الافضل لكن سمعت عن الجامعة الماليزية الاسلامية العالمية..بس انا ماعنديش اى معلومات عن دراسة الاقتصاد فى ماليزيا و متطلباتها..يعنى انا السنة دى ان شاء الله هاخد التوفل..و هخلص الثانوية..لو فضلت فى مصر بدخل جامعة وبروح الكليه على حسب التنسيق..لكن لو سافرت ادرس فى ماليزيا هل بيشترطوا انى اكون متخرجة من جامعة ولا عادى لو معايا ثانوية مصرية بس؟..
و اهم حاجة اللغة علشان التواصل طبعا فهشتغل على التوفل او ielts
فانا ان شاء الله السنادى هحاول آخد التوفل..
مافيش اى شروط تانية للقبول فى الجامعات؟..و افضل جامعة لدراسة الاقتصاد اية هى؟..
انا آسفة جدا بتعب حضرتك معايا بس دا لقلة خبرتى فى الموضوع والله ماعنديش ادنى معلومات للأسف..
الله يبارك لك

السلام عليكم
المنتدي متخصص سياحه و لن يفيدك بالكثير في مجال التعليم
نصيحه ابحث عن مواقع متخصصه في الابتعاث و الدراسه

Al-Mayar
ويبارلك لك ولا تعب ولا حاجة ...
الجامعة الاسلامية قوية في التعليم والرسوم ارخص بكثير من الجامعات والمعاهد العالمية....
لما تتخرجي من الثانوية ان شاء الله تقدري تقدمي على الجامعة وبالنسبة للشروط كل جامعة لها شروط خاصة... وطبعا اذا درستي بجامعة بمصر وحابة تحولي على جامعة ماليزية بيقبلوا وبيحولو عدد ساعات معين وتكملي الباقي بس في جامعات بيقولوا مثلا انهم مابيحولو اكثر من سنة وفي جامعات مش اكثر من سنتين ....يعني على حسب الجامعة
على العموم انتي اول شي حددي ميزانيتك واذا تناسب الجامعات العالمية أنا اقترح عليكي جامعة Monash او Notingham واذا جامعات ماليزية الاسلامية قوية برضو
دا موقع الاسلامية.iium.edu.my