1. من الكاميرون إلى كوالا ... الباص الفخم ( يونيتيتي ) وهو رائع جدآ


2. ملاحظات مهمة :

أهلآ أختنا الكريمة ( نوران )
أسأل الله العظيم أن يوفقكم في رحلتكم القادمة ... وأن تكون رحلة موفقة بأذن الله ..
بصراحة قرار ( زيادة المدة ) إلى 12 يوم قرار ممتاز ... وماليزيا تستاهل والله ..
وبالنسبة للكاميرون فهي ( ساحرة جدآ ) ... وطبيعتها لاتتوفر في أي مكان آخر في ماليزيا ...
هي جنة من جنان الله في الأرض ... الخضرة مد البصر ... والضباب هناك والمطر ... والغيوم لاتفارق النظر ...
وهي تستحق الزيارة ... بكل جدارة ... وراح تعجبكم بأذن الله ...
وعلى العموم أنا رشح لكم هذا البرنامج لمدة ( 12 يوم ) ..
يومين سلانجور ... فندق أمباير
ثلاثة أيام لنكاوي ... فندق البلانجي بيتش
يومين الكاميرون ... فندق أكواتريال أو فندق الدي لافرانس
خمسة أيام كوالالمبور ... فندق رويال شولان
طريقة التنقلات بين المدن :
من كوالا إلى لنكاوي ... طيران ( air asia )
من لنكاوي إلى الكاميرون ... طيران ( air asia ) لكوالا ... ومن هناك تاكسي للكاميرون

من الكاميرون إلى كوالا ... الباص الفخم ( يونيتيتي ) وهو رائع جدآ

ملاحظات مهمة :

• من وجهة نظري ( الكاميرون ) أفضل لكم من ( بينانج ) اللي مافيها شيء بصراحة
• من الأفضل تحجزون رحلة طيران ( لنكاوي - كوالا ) في الصباح بدري ... يعني مثلآ ( 9 صباحآ ) لتصلوا كوالا بدري
• المسافة من كوالا إلى الكاميرون ( 4 ساعات ) لكنها ممتعة جدآ ورائعة ...
• حلاوة الكاميرون في النهار ... لذلك أحرصوا على السفر مبكرآ من لنكاوي ...
• فندق ( أكواتريال ) يملك إطلالة ساحرة جدآ وهو أعلى فندق بالكاميرون ... وموقعه أسطوري

وافي بزمن جافي

واخيرا لقيتك يااخ وافي
صراحه مواضيعك ساحره وكنت احاول ارسل استفساراتي برسائل خاصه وماقدرت
ياليت تفيدني بكيفية التواصل مع شخصك الكريم

ابو هلا ما اعطانا فرصة عشان نتكلم على الساحرة (الكاميرون) ..
فعلاً هذه المنطقة لها طابع خاص واجواء جميلة ... قد لا تناسب الا الرومانسيه ..
اضافة الى ذلك فقد افتتح فندق جديد في الكاميرون اسمه دي لا فرانس
ولكن ميزة الاكواتوريال انه يملك موقع جميل ورائع ..

الأخت نوران ... تروحين وترجعين بالسلامه ان شاء الله
الأخ وافي ... ضيقت خلقي من ضمن التخطيط لرحلتي القادمه بينانق لمدة اربع ليالي . معقوله مافيها شي ؟

nooran2008
أهلآ أختي الغالية ( نوران )
أي أستفسار أختي الكريمة ... وأي سؤال نحن بالخدمة بأذن الله
( أطرحي ) ماتودين السؤال عنه هنا ... وسنوافيكِ بالرد الوافي
وأشكركِ أيتها الأخت ( العزيزة ) على كلماتك الجميلة ... دمتم بحفظ الرحمن
وافي بزمن جافي

FRESNO
هلا بالغالي (فريسنو )
ماعاش والله من يضيق ( خلقك ) ياتاج رأسي ... كله إلا زعلك
ولكنها الحقيقة ياصاحبي ... أربعة أيام كثيرة على بينانج
وافي بزمن جافي

شكرا الاخ فوكس
اوكي اخوي وافي
بالنسبه لبينانق ياليت تقنعني انها ماتستاهل تراني بحذفها من الجدول نهائي على مسوؤليتك ههه
يمكن ماارجع ماليزيا ثانيه (يعني ماراح اتحسف) ترا الشيخ معتمد كليا علي في التخطيط
استفسار ثاني بالنسبه للتنقلات كيف من سلانجور للنكاوي
وقلت من لنكاوي للكميرون طيران كم يكلف ولازم احجز الحين وهل فيه اوفر من الطيران
ثالثا ماتنعطى وجه
بالنسبه للفنادق اللي بمسبح خاص انا حابه هالفكره مره ياليت تقترح لي شي منها طبعا يوم واحد كافي
وفيه مطل لوك اوت اظنه كذا يمدحونه فيه مطعم هل هو بعيد لازم يوم خاص او عادي
والمساج وين يتوفر
وياليت الاخ فوكس ايضا يفيدني مع الاخ وافي لخبرته الواضحه ماشاء الله افادني كثير من خلال مواضيعه
ولاتبخلون علي باقتراحاتكم الذهبيه وياليت تكون بالوقت مثلا الصبح كذا العصر كذا وهكذا طبعا لخبرتكم بتقارب الاماكن وتباعدها وكم تحتاج وقت
وتراني اعتمدت الفنادق اللي ذكرتها اخوي وافي لثقتي فيك
ومعليش تذكرت الباصات والطيران الداخلي الحجز من الحين او بنفس وقت الرحله
وفيه شغله خالتي مع زوجها هناك وذكرت لي انها كانت يوم الخميس في كوالا وكانت في فندق تايم سكوير ب180 مادري ايش رايكم فيه
واسفه جدا جدا جدا جدا على كثر الاسئله ادري المواضيع كثيره لكن وربي لي اسبوعين موقادره اجمع
لكن طمعي في كرمكم جعلني ارجع لكم في اسئلتي ولكم مني اصدق الدعوات
الله يوفقكم ويسعدكم دنيا واخره ويحقق لكم ماتتمنوه

أهلآ أختنا الكريمة ( نوران )
وأبدآ أختي الكريمة ليس هناك أي أزعاج ... الجميع هنا ( أخوانك )
1) أنا نصحتكِ بحذف بينانج لأن المدة قصيرة ... ولأنكم تريدون الكاميرون ...
وبأذن الله تعالى الكاميرون راح تنسيكم ( بينانج ) ... وبالنسبة للبحر لاحقين عليه في لنكاوي ..
2) من سلانجور تطلعون لمطار ( air asia ) بكوالا ... وتسافرون منه إلى لنكاوي
وللعلم : المطار يبعد عن سلانجور ( 40 دقيقة )
3) من لنكاوي تعودون إلى مطار ( air asia ) بكوالا ... وأول ماتصلون المطار تأخذون تاكسي من شركة بدجت في المطار
وسعره ( 350 رنقت ) وتروحون للكاميرون على طول ... المسافة ( 4 ساعات )
4) أكثر المسابح هناك ( عامة ) وليست خاصة للأسف
5) مطل ( لوك أوت ) مارحت له .. لكن تابعي تقرير الأخت ( شموخ ) في قسم التقارير يفيدك أكثر
6) المساج في كل مكان في في ماليزيا ... في كل شارع وفي كل فندق ...
لنا عودة بأذن الله للموضوع .... بخصوص البرامج اليومية وأهم الأماكن
( أبشري ) أختي الغالية ... راح نعطيكم أهم وأجمل الأماكن ... أنتظرونا
وافي بزمن جافي