1. قال اها البيتش


2. قلتله ايه

السلام عليكم ورحمه الله وبركاته
مساكم الله بالخير جميعاً
تبون السالفه من اول ولا الزبده بس؟؟؟
بدايه اشكر كل من ساعدني ورد على استفساراتي وبالخصوص انمباكت
في شهر مايو قلت خلني ادور موعد يكون قريب في القنصليه بالظهران وكان اقرب موعد اغسطس يوم23
توكلت على الله وخذيت الموعد وبعد حوالي شهر جاني ايميل يقول تم تقديم الموعد الي يوم 13 اغسطس
قلنا ماشي وبديت اجهز الاوراق اللي هي
1-156
2-157
3-صوره من الجواز
3-كشف حساب لمده 4شهور (ماخذوه بس احتياط)
4-خاطب من العمل فيه الراتب ومسمى الوظيفه وبدايه العمل وطلبت من الشركه انهم يكتبون اني راح اكون في امريكا في اكتوبر ان شاء الله
5-صوره وحده 5x5
6-دفعت الرسوم عن طريق البنك الامريكي يالنت
وهذا كان كل شي مطلوب .......
ملاحظه كنت مرفق الدول اللي سافرت لها بورقه خارجيه وطلبو مني ان اكتب كلها في المربع الخصص بخط صغير وبدون تاريخ لانهم واجد
طبعاً جيت بدري وقالو انتظر لغايه السعه 8 علشان تدخل كان قدامي 2 ونا الثالث اول شي خذو الاوراق وقالو انتظر
وبعدين تبصيم
المهم المقابله طبعاً اللي قبلي عطوهم اوراق واحد صفراء وواحد حمراء ولا خذو جوازاتهم قلت بس اجل راحت فيها يوم جاء دوري دعيت الله انه يوفقني وقريت ايه الكرسي وتوكلت على الله
طبعاً الموعد كان بجوازي القديم ونا جددته وكنت خايف يقول ليش اونه يسأل وكنت ماخذ جوازاتي القديمه كلها معي ..
وسنه 2007 كنت مقدم على فيزه دراسه ولا ردو علي قالو بنكلمك ولا كلمو وقلت يمكن تكون عثره لي
المهم المقابله
جيته متبوسم حتى ضرس العقل طلعته له من قوة الضحكه
صباح الخير
صباح الخير
شلونك اليوم
قلته ازقح
ليش رايح
سياحه وبزور اخوي بفينكس
كم بتقعد
شهر
متى اكتوبر
اخوك يدرس هناك
ايه
وش يدرس
هندسه
انت تدرس
قلتله انا اشتغل
وين
علمته
وش طيبعه عملك وش تسوي كل يوم بالشغل
علمته
وين ساكن
بالدمام
درست بجامعه الملك فيصل
ايه
وين
بالحساء
وش درست
علمته
ليش رحت الدوله الفلانيه
سياحه
وين رحت فيه في هاذي الدوله
علمته

قال اها البيتش

قلتله ايه

قال اوكيه انا راح اخلي جوازك عندنا عشر ايام مكن تستغني قلتله لوتبيني اقعد معه مافي مشكله وعطاني كرت لونه مايل للاحمر وقالي عطه الفيدكس وعطاني ورقه زرقا مكتوب فيها الفيزا راح تكون جاهزه من سبوع الى 3 اسابيع
اذا ماجاتك راسلنا على الايميل
نا توقعت يسألني عن سبب اني ليش ماخذيت الفيزه سنه 2007 اوي يقولي ليه مغير جوازك
المهم اليوم 25 اغسطس استلمت الجواز وفيه الفيزه بس عطوني
سنتين فقط وكنت متعشم ب5 سنين ولا كن الحمد لله