bazoka
03-06-2022 - 03:06 am
ياشباب انا لدي حجز في بيلانغي بيتش في لانكاوي .. وسمعت من بعض الاخوة ان هناك الكثير من البعارص في الفندق ؟؟؟ هل هذا الكلام صحيح !!! لان المدام بتخاف من البعارص كثير يعني الرحلة حتنقلب يعني ماراح اسمع في الغرفة الا( ياي الحقني يابباي ) طبعا انا البباي حقها راح اشيل البازوكا واطلق على البعارص وياذابح يامذبوح , خاصة العام الماضي حصلنا نفس الوقف في الفلل في افاموسا حيث طول الليل والبعارص من فوقك ومن تحتك والسمفونيات اللي يعزفوها طول الليل حتى ان وحدة من بناتي صارت خبيرة في تقليد اصوات البعارص (الوزغ )
الرجاء ممن سكن في الفندق او عنده خلفية عن هذا الموضوع الافادة لاني راح احاول اغير الحجز الى فندق اخر
أخوي bazoka ..
للأسف الكلام صحيح .... لكن فيه ثلاث طرق لحل المشكلة ...
وهي الطريقة الأولى ::
إنك تسويل للمدام الله لا يهينها كورس في التعامل مع البعارص .....
يعني من الحين روح جمع بعارص وحطها في غرفة النوم ....
أمزح
أخوي الحل إنك تغير الفندق ... وأنصحك بشيراتون بيردانا أو لانكاوي لاقون ... وبيني وبينك لنكاوي كلها بعارص والناس هناك متعودين عليها بقوة .... يعني لا مفر ..
فيه حل ثاني اذا ما قدرت تغير الفندق ... ترا اللي أعرفه وقالنا عليه واحد من الشباب الله يذكره بالخير ...
إن البعارص تتكاثر حولين البحيرة يعني الغرف اللي حولين البحيرة هي اللي ملغمه بعارص... واذا تبي الفكه منها خذ غرفه مطلة على البحر دور علوي وأفضلها اللي بين الوحده رقم 3 إلى الوحدة رقم 9 ...
وإن شاء الله في هذي الغرف مافيه بعارص ..
تحياتي لك وبالتوفيق ..