1. اسعد الله اوقاتكم بكل خير


2. انا حاليا في لنكاوي وتحديدا في فندق لنكاوي لاقون


3. بالنسبة لفندق لنكاوي لاقون

بسم الله الرحمن الرحيم

اسعد الله اوقاتكم بكل خير

انا حاليا في لنكاوي وتحديدا في فندق لنكاوي لاقون

في البداية راح اتكلم معاكم عن موقف حصل امامي قبل يومين وانا في بينانج بالسوق الصيني احذركم من التعامل معهم انا قرأت التحذير من الأعضاء في المنتدى ولكن اقتنعت لما رأيت الموقف امامي كنت امشي مع عائلتي الا واسمع صوت عالي وصراخ يوم شفت الا اثنين شباب من الكويت مع وامهم ولا واحد صيني يدفهم شوي وبدأ الضرب طبعا الي فهمته انه هم شروا شي ويوم حطه بالكيس غيروا رايهم المهم عينكم ماتشوف الا النور قام الطق طبعا حتى امهم قامت تصيح بصراحة الموقف يحزن ويرعب المشكله هم مسوين فيها الين تجمعوا عليهم كم واحد اخر شي انحاشوا والله فكهم ماتشوف الا الدم يصب من الخشم والحاله حالة والله انه الواحد وده يسوي شي بس المشكله انت جالس في وكرهم اخواني ارجوا الحذر من التعامل معهم واصلا والله مايسوى سوقهم الشخص يشتري منه عموما هذي نصيحتي.

بالنسبة لفندق لنكاوي لاقون

الفندق اللوبي الي له عادي ويقولون النت مفتوح يوم جيبت وسألتهم قالوا خربان مافيه الا بطاقات بسعر 28 رنقت مده شهر هذا اول شي ثاني شي الغرف الي له روعه وحلوه وفيها فخامه بس الفندق بصراحة فيه مشكله انه فيه بشكل كبير ( الوزغ ) الي يسمونه بعضهم ( بريعصي) يعني بالعربي الي كنه ضب بس صغير ادري لوعة اكبودكم بس هذا منتشر بصراحة بكثرة فيه اضافه الي اني اشوف الفندق جدا ما مش حلو من ناحية الموقع يعني مقطوع عن العالم تمام لو احتجت سوبرماركت لازم تكسي رايح 12 رجنت وراجع 12 رجنت
يعني انا اشوف بي فيو بيتش لنكاوي من ناحية الموقع افضل في نص السوق وعلى البحر كذلك
النقطه الثانيه التاكسي في لنكاوي قرأت في الموقع انها رخيصة جدا يعني ابعد مشوار مايكلف 10 رنقت الواقع اني انصدمت مافيه تاكسي اصلا يقبلون بهالسعر انا اتكلم وانت في فندق لنكاوي لاقون يعني لو حبيت تتفق مع احد للمطار الي ما يخذ شي قال 18 رنقت انا جيت من المطار للفندق 18 رنقت والشي الثاني لو حبيت تتمشى يشرطون عليك اقل شي اربع ساعت 100 رنقت وكل ساعه بدها 25 رنقت وعليك الحساب
عموما حبيت انقل لكم هذا الشي وانا متواجد حاليا في لنكاوي وقبل في بينانج
وتقبلوا تحياتي واسف للأطاله