اهلا وسهلا نصيحة انحش من المكاتب السياحية نصابين الا مارحم ربي/
اولا لازم يكون معاك بطاقة فيزا لحجز الفنادق بالنت/
وحجز الفنادق عن طريق البوكينج ادخل قوقل واكتب اسم الفندق+بوكينج ويجيك الفندق اللي تبغا وسعره يظهر مباشرة
وعندك نوعين من الحجز غير مسترد وهو أقل تكلفة/والنوع الآخر مسترد والغاء مجاني لو بغيت تكنسل وسعره أغلى وينخصم المبلغ
اذا وصلت الفندق يخيرونك دفع كاش والا فيزا واحيانا يخصمون المبلغ من الفيزا مباشرة
والحجز غير المسترد ينسحب من بطاقة الفيزا خلال يومين او أقل او اكثر
لكن لاتنس ان الفيزا تكون مشحونة //
اتمنى اني افدتك ,,,,ولك فائق احترامي

ياهلا بأخوي الغالي ...
أسأل الله لك التوفيق يالحبيب في رحلتك القادمة ...
والله نصيحة محب ... ومن قلب ... مالك ومال المكاتب السياحية ( النصابين ) حسبي الله عليهم
والله العظيم راح توفر كثير لو تحجز من النت ... والطريقة سهلة وبسيطة ومشروحة بأفضل الطرق
الفنادق اللي قالك عليها ب( 12000 ريال ) ... والله تحجزها من النت بأقل من ( 8000 ريال ) ... على ضمانتي
خلك معنا هنا ... وراح نساعدك في الحجز ( فندق فندق ) بأذن الله ... نعطيك الروابط وطريقة الشرح ياغالينا
أبيك الأن ( تقرأ ) موضوعي هذا بروقان ... وصدقني راح تتضح لك كل الأمور ... بكل بساطة

18000
حق ايش المبلغ هذا
خليك معانا
وجرب هذا الرابط
https://artravelers.com/p/re/750185
انا رحلتي لمدة 14 يوم ماكلفت 18000 مع كل شي

انا حجزت في عز الصيف لمدة 14 ليله ب 5000 ريال شامل الضرائب
والفنادق كالتالي
سلانجور ليلتين فندق امبير هوتل
ثلاث ليال لنكاوي فندق بست ستار( اقلها تصنيفاً)
ليلتين بينانق فندق هوليداي ان
ليلتين كاميرون فندق هيرتج
اربع ليالي كوالالمبور فندق دورست ريجنسي
طبعا كلها 4 نجوم ماعدا بست ستار في لنكاوي اضنه 3 نجوم
بس قلت بجربه وفي نفس الوقت حجزت معاه فندق باي فيو بيتش تحسبا ( يمكن مايعجبني الفندق)
وكلها كلفتني 5000 ريال شامله الظرائب

يعطيكم العافيه ي اخوان ما قصرتوا ..
عندي نقطه الي هي كيف احجز من بوكنق بدون ما ادفع للفندق شي لا وصلت له يعني ابي احجز وادفع المبلغ كامل

اخوي رح تحصل قدام كل غرفه وحده من ثنتين
1- إلغاء مجاني (باللون الأخضر) = ويعني انك تقدر تلغي هذا الحجز بدون ماتدفع ريال وإذا حطيت الماوس على كلمة الغاء مجاني رح يطلع لك كلام اخره مكتوب ( لايتوجب دفع عربون) يعني تحاسبهم هناك
2- حجز غير مسترد= يعني وقت تلغي رح يسحبون عليك كامل المبلغ او بقيمة الليله الاولى ( كل فندق له سياسته) يعني تدفع مباشره وقت الحجز
وفيه ميزه حلوه في موقع بوكنق الي هي في اغلب الاوقات لو حجزت حجز غير مسترد وحبيت تكنسل حجزك
كل ماعليك هو مراسلة موقع بوكنق وتطلب منهم انك تبغى تكنسل حجزك لأنك غيرت خطة رحلتك وناوي تحجز فندق اخر
وهم رح يتجاوبون معك في غضون 24 ساعه ويكنسلونه بدون مايسحبون عليك ريال واحد
واهم شيء هو انك تقراء سياسة الالغاء دائماً قبل ماتكمل حجزك عشان تكون عارف الي لك والي عليك
واسفين على الإطاله

الله يجزاكم كل خير ما قصرتوا حبايبي