يالغالية دامك مقتنعه بالنقاب البسيه
احسن لك البسي لثمه منفصله مو بطرف الشال علشان تاخذين راحتك في الاكل و الشرب
فيه منقبات و فيه متلثمات و فيه محجبات و بالصيف حتى اللون الاسود يكون عادي
بعدين تذكري رب العالمين يشوفنا بكل مكان
و النقطة الثانية هل الاجنبيات اذا جو بلادنا يتسترون ليش نداريهم على حساب ديننا و هم ما يدارونا
الله يثبتنا وياك على الحق و جميع المسلمين و سفرة موفقة باذن الله

الصراحة أحنا كنا مارين على ميونخ ليوم واحد فقط للتسوق من النمسا،ولاحظت الكل يلبس إلي يريحة لدرجة شفت وحدة من الخليج من غير ذكر الدولة عليها بطولة(عرفتي شقصدي)و عادتاً في سفراتي ألبس بالطو طويل وشيلة ملونة.
والله يوفقج

توكلي علي الله و لبسي اللون الاسود و لا يهمج , انتي في بلد قانون...

انا مو هامني اللون اللون عادي مو قايم معي ولا قاعد اسود اصفر اخضر المهم اتستر
ولا هامني اللي يقولون و وش يقولون ولا اي تصرف يسوون
انا ناويه اغطي وجهي مهما صار

الحجاب الاسلامي معروف لدى الجميع ... يعني في نساء يدعون بالالتزام بالحجاب ومن جهه أخرى ترى المكياج والزينة المبالغ فيها شيء لا يوصف ويلفت النظر بحيث يقول الاجنبي شنو فايدة الحجاب ؟؟؟؟

م .. الوضع عادي لدرجه الوالده الله يحفظها كانت تلبس اسود فأسود ونقاب فكانت نضرتهم لهانظره لها عاديه ..
وتذكري انه الله يرانا في كل مكان

ليه كل واحد يقول ان االه يرانا في كل مكان .................... طبعا انا عارفه هالشي
وانا ما قلت اني ما راح اتحجب عشان هالكلمه تنقال في ردودكم
ولكل مقام مقال ................. والحجاب مو ضروري يكون اسود المهم التستر واخفاء تقاطيع الجسد ......
وهذا الكلام من وجهه نظري اذا كنتي في بلاد برا اما بلدان اسلاميه معروفه الحجاب المتعارف عليه .....
والله ولي التوفيق
وانا ابدا مو هامني رايهم او نظرتهم ................. وما راح يغير من قناعتي شي
بس حبيت آخذ فكره عن الوضع والحال في بلادهم فقط لا غير

الله يوفقك اختي و يثبتك و جميع المسلمين
بالعكس اختي ليش فهمتي من ردودنا كذا
بس المسلم يحب يذكر نفسه و الاخرين
تحياتي و رحلة موفقة باذن الله

السلام عليكم
الحجاب والنقاب طبيعي في ميونخ لان الالمان ناس واعية
انا حصلي موقف مع زوجتي من احدى موظفات الفندق بس من كلمت الادارة
المديرة بنفسهاجات الغرفة واعتذرت لنا والموظفة تالي صارت خوش آدميه
بالسنه اللي وراها سالنا عنها قالوا كشوها
على العموم الالمان ناس متطورين بس الناس مثل اللي عندنا بالخليج حسد وحق وكل واحد له راي
يعني حتى في ديرتك ما تسلم من الناس
الخلاصة اللون الاسود و بالكامل مغطي الجسم شي غريب بس فقط لاغير ولكن مو مستجن
لان الناس هناك كلشي مو مغطا شحوم ولحوم
ان شاء الله اذا رحتي هناك راح يسالون الناس ويتعرفون اكثر على الاسلام
رحلة سعيدة وموفقة