- السلام عليكم ورحمة الله وبركاتهحياكم الله اخواني
- المهم
- ندخل في موضوعي
- من ناحية لنكاوي استغنيت عنها في بينانج وان شاء الله رحلة قادمة
- الحين فيه بعض الأسئلة :
السلام عليكم ورحمة الله وبركاتهحياكم الله اخواني
سعدت كثيرا بالانضمام الرسمي للمنتدى مع أني أعتبر نفسي منكم وفيكم لأن صار لي تقريبا سنتين وانا متابع أغلب مواضيعكم (عن كثب) و (بصمت) وحتى لما تجي بعض الاستفسارات أحس نفسي اقدر اجاوب عليها وكونت فكرة لا بأس بها
وصرت اعرف بعض الأعضاء من ردودهم مثل:الوافي بزمن جافي ( أعجز عن وصفه ,, احس انه كل شيء في هالمننتدى )
االمغادرون2007 ( اخذت عكس اسمه, مبدع )
العدني (شروحاته ومواضيعة المميزة)
الاسفار متعتي (ردوده السريعة)
Zaaz ( النصائح الذهبية )
ماجد الفهد (واستفدت من الفنادق الاقتصادية)
خليلها (واستفدت من العيدية كثيير)
النهر الجاري (اسم على مسمى)
الأبرقين ( المشرف الغائب الحضر)
تقريبا هؤلاء الأكثر أعضاء نشاطا ويعذرني البعض من سقط اسمه سهوا
لأن كلكم فيكم الخير والبركة ولو الله ثم بتعاونكم جميعا لما قام هذا المنتدى والذي يعتبر من أفضل المواقع ................
المهم
ندخل في موضوعي
صار لي فترة وانا انوي لسفر بس لظروف العمل الخارجة عن ارادتي,, أجلت موضوع السفر من فترة الى أخرى الى أن نويت السفر ,, وحاب انكم تساعدوني في بعض الأشياء الثانوية (لأن من كثر ما قرأت مواضيعكم ونصايحكم استفدت كثير) بس احس فيه بعض اللخبطة وان شاء الله الأخوان مايقصرون سواء اللي ذكرت اسمهم او اللي ما ذكرت اسمه ( مو يجيني من اللي ماذكرت اسمه ويقولي تراني ماراح اساعدك لأنك ماذكرت اسمي ....ههه)))
عشان أختصر عليكم الطريق وكثر الأسئلة :قررت اسافر انا والمدام (شخصين فقط) بس سارونة (سارة ) الله يحفظها راح اخليها عن الوالدة الله يحفظها
السفر في يوم 14/11/2012
والعودة تاريخ 26/11/2012
والحمد لله حجزت واخذت التذاكر وهذي أهم خطوة( من نصايحكم طبعا) على الخطوط السعودية
خط السير: الدمام - الرياض- كوالالمبور
الذهاب يوم الآربعاء من الدمام 8.30 ليلا الى الرياض
من الرياض الساعة 12.30 بعد منتصف الليل الى كوالالمبور.
الخطوة الثانية :ملاحظة هامة: طبعا انا ما أحب كثرة التنقلات بين المدن وحاولت أقللها قدر الامكان وراح تلاحظون هذا في البرنامج
ثانيا: الرحلة راح تكون متوسطة الميزاينة و اخترت بعض الفنادق الاقتصادية لأن أكثرالأوقات راح تكون خارج الفندق واخترت بعض الفنادق متوسطة اللي راح أقعد فيها......
الخطوة الثانية :حددت الأيام وهي كالآتي...:3 أيام سيلانجور
الوصول 15/11
المغادرة 18/11
(طبعا أغلب البرامج هي يومين بس ناوي في اليوم الثالث اروح جنتنج وارجع المساء عشان أقلل فترة التنقلات,,, ومن ثم المبيت في سيلانجور والصباح أمشي على بينانج)
حجزت من موقع اجودا في فندق Ruemz الاقتصادي ( وفي الأخير اكتشفت انه حجز غير مسترد؟؟!!!! تورطت والمشكلة لما حجزت كان عدد الأفراد شخص واحد ؟؟؟!!! مدري وش الحل برايكم (يمكن تسرعت شوي)
بينانج
الوصول 18/11
المغادرة 21/11
حجزت من موقع بوكنج حجز مسترد في فندق فلامينجو مطل على البحر
كنت ابغى باي فيو بيتش بس واحد نصحني بهذا ؟؟؟ وش رايكم؟؟!!
برضه انا ناوي اروح من سيلانجور الى بينانج بالباص (ايرولاين )
والرجعة ايضا بالباص بس الى كوالالمبور
السؤال: وش الأفضل ايرولاين ولا نايس ؟؟
وهل لهم فرع في سيلانجور؟؟!!
كيفية الوصول الى محطة سيلانجور
كوالالمبور:الوصول 21/11
المغادرة 24/11
في فندق Seri pacific
وايضا
24/11 الى 26 /11 في كوالالمبور في فندق دورست ريجنسي زي ماقال العدني: حبيب الوافي
ومن ثم المغادرة يوم 26 /11
وش رايكم يا شباب في البرنامج ؟؟!!!!
من ناحية لنكاوي استغنيت عنها في بينانج وان شاء الله رحلة قادمة
الحين فيه بعض الأسئلة :
اولا : من ناحية البرامج اليومية في كل مدينة (طبعا عيدية خليلها استفدت منها كثير ) لأن اللي ملخبطني وعشان مايضيع اليوم كثرة الأماكن وفي نفس الوقت يعني ما ابغى أروح مكان في الشمال ومن ثم الجنوب وبعدين ارجع شمال .....الخ وبيضيع اليوم كله ,,,يعني كل يوم اروح الماكن اللي قريب بعض او اللي على الطريق والماكن الثانية في اليوم الثاني
وايضا مسالة الحدائق : حديقة الطيور الحيوانات الفراشات .....الخ ,,يعني ما ابغى أكرر دخولها ,,يعني لو كانت اللي في كوالا اجمل واحسن مافيه داعي اروح اللي في بينانج والعكس صحيح.؟..!!!!!
ثانيا: موضوع السفر من سيلانجور الى بينانج انا فضلت الباص مع اني شفت اسعار ايراسيا مقاربة للباص (شفتها من بدري) بس حبيت الباص عشان استمتع بالطبيعة وفي نفس الوقت مدحوا الباص ...........
السؤال : وش افضل باص ,, لاحظت ناس يفضلوا ايرولاين وقرأت ان عندهم فرع في سيلانجور ؟؟!!!
كيف الحجز ومتى الحجز ؟؟؟ وابغى الرجعة تكون على كوالا !!!
تحياتي ,,,, ويمكن طولت عليكم بس سعة صدوركم هي اللي اجبرتني وف نفس الوقت حاولت اسوي نصف البرنامج (اعتمادا على مواضيعكم ونصايحكم السابقة)) واختصر الأسئلة وعشان ما أثقل عليكم ............... تحياتي
برضه يا شباب حجز سيلانجور غير مسترد بس اللمشكلة اني حجزت لشخص واحد ؟؟؟!! هل من حل يعني ممكن اغير واخليها شخصين ؟!!!
