سقراط كاك
05-08-2022 - 03:39 am
بخصوص التنقل اخوواني بين (كولالمبور+بيينج+لنكاوي) ، البعض منا يريد ان يتنقل بالطاائره ..،،،
السفر الى بيينج
انا حقيقه اول مره لماا سافرت الى ماليزياا ، نزلت الى العاصمه كولالمبور ، بعدين حبيت اروح بيينج ، اخذت تذكره بالطائره .
المشكله هني ان لما تروح تركب الطائره يحسبون عليك وزن الحقائب كل مره تركب الطائره :112:،، وبنفس الوقت توصل بوقت خلال ساعه فقط
المره الثانية لما سافرت ماليزيا ، قلت بنفسي ياولد ليه ماتروح بالبر الباص او سياره او تاكسي الى بيينج ..!!
بالسياره : قالو لي نوصلك خلال 5 ساعات تقريبا ،، حوالي 600 رنجت ،،
الباص : حجزت تذكره ب 40 رنجت فقط لمده 5 ساعات متواصله .
الفرق بين الباص (البر او الجو) انك تستمتع بالمناظر الطبيعيه روعه ..
والباص بين كل محطه يوقف ايضا ..
...........................................
بين بيينج وكولالمبور ،
سمعت ان عندهم (فيري) القارب الكبير ، لما سألت صاحب التاكسي كيف اوصل الى لنكاوى ، ارشدني باني آخذ تذكره واروح عن طريق القارب (الفيري) .
فعلا قطعت تذكره ورحت من الصباح الى الميناء وركبت الفيري الى لنكاوي مع الشنطه( بالقارب ) بدون ضرايب او وزن ...
وصلت لنكاوي خلال ساعتين تقريبا او اقل ب 15 دقيقه ...
نزلت بميناء لنكاوي البحري ، ورحت مطعم هندي واضرب على (البرياني) وبيبسي مع الثلج ، وعينت خير ..
طبعا الميناء جداا صغير حوالي 50 محل فيه مثل سوق حره . لفيت فيه ، لقيت اصحاب التكاسي يعرضون خدمااتهم ..
اتفقت مع واحد اسمه (سليمان) وكان عمره 55 سنه عنده (كيجان) ، اتفقت معاه على انه يوصلني مع انه يروحني بالحدائق والتلفريك وعالم ما تحت الماء والخفافيش . اتفقت معاه ب 150 رنجت .
بعد ماخلصنا الرتويحه طلبت منه يوديني مطعم هندي ، وبالفعل رحت هناك واضرب بالخمس (عالبرياني) +(توسه مسالا) اكلات هنديه .
لبت منه يوديني فندق 3 نجوم ، وصلني الى فندق (بارون) ام ، يعني ماشي حاله .
قضيت بالفندق يومين وبعدين حبيت ارجع الى العاصمه ،،
نصحوني اخذ تذكره الى ( كولا كودا) اقرب الى العاصمه ب3 ساعات . بدل ماروح الى بيينق .
فعلا قطعت تذكره والى الي اليوم الثاني الصباح الساعه 8 وركبت الفيري ( القارب) الى (كولا كودا) ،
بعد الوصول (اخذت تذكره (باص) الى العاصمه ( كولالمبور) ووصلت خلال ساعتين في محطه الباصات .
اخذت تاكسي وقلت له وديني فندق 3 نجوم ، فعلا رحت فندق (اوركيد) يعني ماشي حاله قريب من شارع العرب مشي 5 دقائق .
جلست يومين بالفندق ب 330 رنجت .
وبعدين بالليل من قبل مغادرتي العاصمه . اتفقت مع احد التكاسي يوصلني المطار ، اتفقت معاه ب 70 رنقت .
ورجعت الى دوله الامارات بعد رحله الترويحه في ماليزيا (رحله بن بطوطه) ووصلت مطار دبي الساعه 6 صباحا يوم الجمعه .
شكرا
ياهلا بك
والحمد لله على السلامه
بالنسبة للتنقل بالباص اعتقد انه مناسب وخصوصا لمحبين المناظر الطبيعيه
ومنها اقتصادي ايضا ومريح بالنسبة للذين يحملون بالشنط الوزن الزائد00
وبالنسبة للفري فأكيد انه ممتع ولكن ليس للكل00هناك من يصاب بدوار البحر
بالنسبةللفنادق هل تملك صور لهاا
ياليت تنزل الصور وتشرح لنا الوضع بالفنادق المذكوره
وفالك طيب