الله يعين رجالكم يالحريم ...
ام الزهور ... بالنسبة للاسواق في ماليزيا صدقيني متقاربه جدا لاسعارنا..
لكن ما يميزها اوقات التخفيضات فهي فعلا تخفيضات حقيقة موسمية في جميع انحاء العالم تطبق بصدق ليس كما عندنا وتبدأ عادة في شهر 8 اوقست من 25% الى ان تصل الى 70 % واكثر ...
ايضا تتميز اسواقهم احيان بالجديد يصل قبلنا ب شهر تقريبا...
ايضا تمتاز بالماركات المقلدة في المجوهرات ( الساعات خصوصا ) في الحي الصيني (تشاينا تاون) ساعات مقلدة ولكن عليك اكتشاف المقلدة بالدرجة الاولى وذلك يحتاج الى خبرة في نوعية الساعات ...
تمتاز ايضا لي كتاجر بالشراء جملة ...لاانصحك بإتباع طريقتي لانها غير آمنه في مناطقها ...
انصحك بزيارة مركز(سوقو) مركز تجاري به الرخيص والحديث والعالمي وهو مناسب جدا سوف تدعين لي عند زيارته... .هذا ما لدي حاليا وحاضرين بالخدمة...

أم الزهور !
أولاً وعليكم السلام
ثانياً والله رحمت أبو الزهور مسكين
رايحة ماليزيا تدورين المكياج والملابس :112:
شوفي هالأمور ما عندهم شي بيعجبك خوذيها مني
أسواقنا بهالأشياء أحسن وأرخص منهم حتى الماركات عندنا أرخص
لكن سمعت إن فيه الأقمشة عندهم جيدة
بس ما شفتها صراحة لكن ممكن تسألين عن المصنع لأنه بيكون أرخص
الشي اللي ممكن فعلاً تستفيدين من ماليزيا بشراءه هي الماركات المقلدة
خصوصاً الشنط النسائية والمحافظ الرجالية والساعات
فيه تقليد درجة عالية جداً وبأسعار رخيصة
يعني الشنطة اللي يقولك 250 رنقت ممكن تاخذينها ب 50 رنقت
واللي يقولك ب 200 أو 150 ممكن تاخذينها ب 40 أو 35 رنقت
وإذا عجبك شي عطيه سعر قليل وروحي واتركيه إذا ناداك ولا ارجعيله بعدين
فيه بعد شي مره مميز وعجبني عندهم وهو مصنع الشوكولاته
عرض علي تكسي أخذني من فندق تايم سكوير نزور مصنع الشوكولاته
قلتله وينه قال قريب قلت يالله وأنا بعد مغرم بالشوكولاته
وفعلاً كان المصنع رهيب هو بالواقع متجر بس هم يسمونه مصنع مدري ليه
يمكن لأن الشركة تجيب من مصنعها الخاص
بس عنده كل ما يخطر على بالك من ألوان وأنواع الشوكولاته وبعلب وأشكال روعه
والحلو فيهم بعد ما تشترين يقولونلك للسفر ؟ تقولين Yes يقولون طيب تعالي
وياخذون العلب لمكان بالخارج فيه مكينة تغليف
يحطونها لك بكرتون ويغلفونها بطريقة محكمة جداً
ويختمون عليها ويكتبون شوكولاته ويحطونلك مسكة تصير سهلة الحمل باليد
وبعد ما خلصنا قال تبون مصنع الجلديات ؟ تراه قريب من هنا قلنا يالله
وودانا صراحة كان جداً رائع وعنده جلديات أصلية من حقائب ومحافظ رجالية
وكان عنده عروض مميزة تشترين قطعة وقطعة مجاناً وشرينا والله كثير
والشي المميز بعد اللي شريناه الشاي الماليزي من مصنع الشاي بالكاميرون
والشركة اسمها BOH صراحة الشاي للحين عندي ومروق عليه ولا ودي يخلص
من جد شاي وأنا مو راعي شاي بس شايهم غير شكل وينباع بكوالالمبور
شاي أحمر يجي كل ميدالية شاي منه مغلفة بغلاف لحالها يعني فاخر
وكان سعره رخيص ناسي والله كم بس يستاهل الشراء وطبعاً وزنه خفيف
وسلامتك هذا اللي أذكره يعني كان يستاهل تشترينه من هناك
بس أنبهكم على مسألة التقليل من المشتريات لأن العفش الزائد مشكلة
أنا توهقت يوم جينا نسافر من مطار ماليزيا طلع علينا عفش زائد ب 2600 ريال
قمنا نفرغ بعض الأشياء الثقيلة وأغلبها كانت من عطور ومكياجات المدام
وحطيناها بشنطة الصعود للطيارة الصغيرة ومشونا الحمد لله
بس كان موقف جداً محرج وتضايقنا منه كثير
وآسفين على كثر القرق بس الفراغ شين

ام الزهور
رايحة ماليزيا تدورين محلات ابو ريالين؟؟؟؟؟؟:112:
هذا حنا يالحريم مانترك تسوق لو نموت
بس انا زوجي شارط علي مافي شروات الا الشئ العجيب الغريب
بس عجبتني فكرة الشكولاته اللي قال عيها مهند96 بس اخاف ابلشفيها واقعد اكل وانسى نفسي وابلش بالريجيمات بعدين بس بفكر فيها واشوف
تسلمين يالغالية انا بالفعل القى مواضيعك واسئلتك حلوة خصوصا اللي رايحين اول مرة زي حالاتي

rosemary1980
لالالالا .. لا تخافين عندي لك بشارة
عندهم أنواع كثيرة بدون سكر وبنفس الطعم الرائع
أخذت منها للوالدة الله يحفظها لأن معها السكر وعجبتها كثير

candle
0000--- 00 -- 000
0 --------- 0000000000000

هلا والله مساتس الله بالخير..
انا بالنسبه لي اسافر اطير عيوني على المناظر والطبيعه والتنطط بالملاهيات..
منيب راعية اسواق بالسفر .. ممدين عليه بديرتنا

حرام عليك يا أم الزهور هذا جزانا نضحي وندخل الأسواق علشان نوسع صدوركم
بس المشكلة إن الحريم عندهم قاعدة
والله بلشة من جد وش السواة معكم
أنا أحب التمشي بالأسواق المميزة خصوصاً بكوالالمبور لأن الجو رطوبة
وأنبسط بالأسواق لأنها مكيفة
بعدين المكاييج والعطور اللي بعفشنا كانت معنا من أول ما شريناها من هناك بس اختنا مختبه مثالية صراحة أهنيها على ثقافتها السياحية العالية
تصدقين اختي مختبة نفس الشعور بخصوص المنتدى الوضع ماش
أحس اني متوحش من المكان أفرح لا لقيت أحد منكم يسولف هنا
وبخصوص السوق الصيني في كوالالمبور أنا معك ومؤيد لكلامك 100%
بصراحة السوق خطر جداً والبائعين فيه من أقذر الناس اللي شفت بحياتي
لدرجة إنهم يشربون ويلعبون قمار بوسط الشارع وينظرون للعرب انهم كنز متحرك
من الشاطر اللي ينهب منك مبلغ وقدره ويضحك عليك وحركاتهم مريبة
وقفنا عند واحد يبيع أفلام دي في دي قاعد أسأله عن أفلام كرتون
ولا يقرب مني ويقول وزوجتي جمبي وتسمع
هزئته الحقير وقلتله تحسبنا أنجاس مثلك يا واطي حسبي الله عليه
قلتله حنا مسلمين لا عمرك تعرض علينا مثل هالأشياء
ناظرني باحتقار وقال عادي أكثر اللي مثلكم ينبسطون ويشترون
ومشكلة السوق ضيق يعني تضطر تصدم بالناس وبصراحة هبلت بزوجتي وقتها
اسحبها يمين يسار ولا عرفنا نتسوق من الزحمة
أنا أنصحكم مثل ما قالت اختي مختبة تتسوقون من السوق الليلي ببينانق أحسن
ونفس البضاعه تقريباً