خوآطر!
بالنسبة للتاكس اطلبه من اي محل تشتري منه البضاعة ومن ثم احتفظ بالاوراق وقدمها بالمطار وتختلف الطرقة من مطار الى أخر
مثال حصل معاي السنه الماضية بمطار ميونخ طلبوا مني البضاعة عشان يشوفونها فلازم تحط جميع مشترواتك مع بعض للتدقيق وكان مكتب التاكس موجود بقسم خاص بالمطار
أما هالسنه اختلف معاي الوضع وايضا بمطار ميونخ راح يسالك موظف الطيران عن الوزن اذا كان معاك تاكس فري والا لأ ومن ثم يبعثك لمكتب التاكس عشان يشوفون البضاعة ومن ثم يعطيك المبلغ كاش
العملية سهلة جدا ما عليك الا تسال اي موظف ويعطيك التفاصيل
رحلة موفقة بأذن الله

بميوننخ وانتي تتسوقي بمببلغ اكثر من 25 يورو اطلبي تاكس فري
اذا طلب منك جواز قولي ناسيته اوعطيهم نسخه منه او قولي بعبيه لوحدي هذا اذذا مكان معك
هم يعطونك ورقة بقيمة مشترياتك وجمعيها كلها واحفظيها
واجعلي مشترياتك عندالعوده بشنطه مستقله واشحنيها سواء و حدها او اشحني شنطك الاخرى معها
اسألي موظفي المطار عن مكتب التاكس فري وهم ييدلونك عليه
وطبعا كاش يخيرونك بين الدولا اواليورو
وفيه مواضيع ونصايح بالبوابه
https://artravelers.com/p/re/630394
راح تستفيدي منها
وبالتوفيق رحله موفقه

مشكورين
لكن هل مكتب التاكس فري فقط بالمطار يعني ماقدر نروح
لمكان ثاني غير المطار ؟؟
سمعت عن مكاتب الانفروميشن

انا بالنمسا ورجوعي من مطار فيينا

انا رجعت من فيينا من قبل شهرين تقريبا
الا صار معي بالضبط سألتني موظفة الخطوط هل عندك تاكس فري قلت ليها اي فقالت اخر مكتب جنبنا هو حق التاكس فري بس فيه احتمالين لما تروح ليهم يا انهم يقولون لك افتح الشنط وراوينا البضاعه الا اشتريتها او انهم يختمون الفواتير من غير مايفتحون الشنط فانت وحظك
احنا الحمد لله ماحد لمس شنطنا عطيناهم الفواتير وختمهم ورحنا استلمنا فلوسنا وخلاص