1. اما بخصوص ميونخ


2. Medicon Downtown Suites


3. ++++++++++++++++++++++++++++++++++++++++++++++++++ +++++

حياج الله .. اختي بالنسبه لسالزبورخ .. الفنادق الاثنين جيدين
اما زيلامسي المكانين ممتازين واذا عندكم سياره ممكن تسكنون بكابرون .. وشقق الي بزيلامسي ذكرتها وهي ممتازه
اما فينا ارشح هذي ممتازه Hotel Appartements Riemergasse

اما بخصوص ميونخ

Medicon Downtown Suites

هي الافضل لعدة امور ما تحتاجون سياره وله باص مجرد خطوات الى المارينا بلاتز وكارل بلاتز شارع التسوق وايضا قريب جدا من محطة القطارات . مع ان مستوى الشقق جيده نوعا ما ..بس افضل من الاولى كون السكن راح يكون بشقه واحده كلكم .. اما الشقه الاخرى تحتاجون الى شقتين وهي انظف من الاولى .. ولج الاختيار

++++++++++++++++++++++++++++++++++++++++++++++++++ +++++

انا عندي اقتراح لكم جميل واتمنى يعجبكم .. انا ارى طالما انكم عائله كبيره وتحبون تأجرون سياره . نلغي سالزبورخ ونسكن اسبوع كامل بزيلامسي حتى نخفف عليكم كثرة التنقلات مع العلم بستطاعتكم زيارة سالزبورخ من زيلامسي بحدود ساعه وثلث .. وممكن نخفف ايضا من صرف الميزانيه بالتنقل وايضا بستطاعتكم تأجير سياره من شركة يورب كار ولهم مكتب بزيلامسي .. ( اشوف افضل لكم )
وبجذيه تكونون سكنتوا بفينا وزيلامسي وميونخ بمسكن واحد .. .. افضل من ان تأخذون غرفتين بفندق كراون بلازا
اما بخصوص الاماكن السياحيه انا ذكرته لج بستفسارج الاول وذكرتها جميعها تقريبا اذا حابه تسئلين عن مكان معين انا حاضر ..
اما بخصوص الاسعار هي واضحه .. الشقق بزيلامسي رقمهم موجود بالرابط الي كتبته لج وايضا الفاكس والاميل .. راسليهم واذكري الاشخاص والتاريخ ومن ثم يطلبون منج تحويل المال اذا كان الحجز متوفر
اما بخصوص الشقق بميونخ وفينا هي من بوكنق .. وهذ الرابط فيه شرح لطريقة الحجز من بوكنق
https://artravelers.com/p/re/230102
واذا ما عرفتي اكتبلي الايام بالظبط وانا بشوفج السعر التقريبي ..
انا بنتظار ردج بخصوص الاقتراح الذي ذكرته وهو ان نلغي سالزبورخ وانزورها يوم كامل من زيلامسي ..
وبعدها ان شاء الله انسق لكم جدول يومي لزيارة الاماكن الي ذكرته لج
انا بنتظارج

اخي الفاضل اسمحلي على التأخير وذلك لظروف الامتحانات ........بخصوص الشقق شكرت فيها في ظنك اذا حجزت اخر الشهر بلاقي الحجز واذا حجزت الدفع في نفس الوقت الحجز والا اذا جيناهم.... بخصوص فينا الشقة ممتازة بس حبيت استفسر عن فندق Duschel Apartmwnts افضل والا الي اخترتة Riemergasse hotel Appartements
بخصوص ميونخ اخترت Medicon Downtown Suites مافهمت ايش الي احسن طبعا ابغي الي احجز فيه شقة واحدة تكفي 6-7شخاص واذا عنك شقق اسعارها معقولة ونظيفة وعائلية ياريت تخبرني وياريت تعطيني اسماء الاسواق المعروفة فيها
طبعا انت اقترحت ان مانحط سالزبورخ في الجدول بس افضلها كون فيها مناطق سياحية بالاضافة الى الطبيعة لان تدري العيال يبغون الوناسة اكثر من الطبيعة والا ايش رايك الكريم
بخصوص التنقل من فينا الى سالزبورخ كيف بيكون بالقطار او التاكسي لان التاجير السيارة بيكون من سالزبورخ وحجز الطيارة من ميونخ الى باريس يكون الحين مع حجز التذاكر
اسمحلي على كثرة الاسئلة وعندي طلب اتمنى ماتردني بغيت اعرف اسعار الشقق الي اخترته لان ماعرفت بالظبط طبعا على عدد الايام الي حددته لي كذلك بغيت تتنسق الاماكن الي بنزورها لكل يوم علشان تكون الطلعة مرتبة وغير متعبة
وجزاك الله كل الخير انا في انتظار الرد

والله يأختي نسيت عددكم .. ذكرني ؟؟
شقق فينا اذا كنتم 7 اشخاص اختاري Duschel Apartmwnts
اما بخصوص زيلامسي ممكن وطريقة الحجز بالاميل وهم بعيلمونج باقي التفاصيل اذا حصلتي حجز ..
اما ميونخ اذا تبون شقه وحده لكم كلكم ما اعرف غير هاذي وهي مقبوله .. واذا تحبون شقتين اختاري الاختيار الاخر ..
بالعكس زيلامسي حلوه للاطفال اكثر من سالزبورخ .. انا رايي تخففون من التنقل كون العدد كبير اولا وثانيا بسالزبورخ تحتاجون فندق .. لكن لا مانع انكم تذهبون الى سالزبورخ واتشوفونها حلوه وتستحق المكوث بها .
اما بخصوص التنقل :
من فينا بالقطار الى سالزبورخ قطار مباشر 3 ساعات .. او اذا تبون سياره خاصه بكم في مكتب تحت فندق رديسون ساس الي عند الماريوت اسم المكتب عماد تورس ممكن يأجر لكم سياره الى سالزبورخ لو تحبون ..
يبقى الاسعار :: انا وضحت اختي وكل شيئ مكتوب .. عطيني التواريخ بالظبط .. لكن زيلامسي ارسلي اميل وبتعرفين ..

الى الاخ الفاضل ...........يعطيك الف عافية بس بخصوص جدول رحلتنا تم تغيير المسار وذلك لان تذاكر من ميونخ الى باريس بتكلف علينا لان تدري التذاكر على القطرية غالية حيث يكلف للشخص الكبير 4320 اما الصغير 3470 من تذاكر الى باريس على الخطوط الالمانية 2310 للشخص الكبير اما الصغير 1300 هذا بحد ذاتة تكلفة اكثر من اللازم وبالتالي قررنا الذهاب الى النمسا والمانيا (العيال كان خاطرهم في ديزني لان حلم حياتهم) يعني الله يعينك نبغي جدول لمسار رحلتنا الجديدة طبعا الحجز في تاريخ 12/7 ولمدة 20 يوم ياريت تتحملنا ولاتردنا يامشرفنا الكريم وجزاك الله كل الخير طبعا للتذكير عددنا انا وابو العيال وعيالي 13.12.7 ويمكن ؟؟؟؟ الصغيرة ام سنة و3شهور تروح لكن احايل ابو العيال ان نخليها مع الوالدة والله يهديه ...

حياج الله اختي ..
ان شاء الله بتشوفين ملاهي بفينا حلوه .. وبدليكم على مدينه حلوه اسمها ليكو لاند بميونخ ..
عموما تغيركم للجدول شيئ جيد ... الان عددكم نقص الحين 5 اشخاص ..
فينا 4 ايام سالزبورخ 4 ايام زيلامسي 6 ايام وميونخ 4 ايام .. 18 يوم الرحله .. ولو حبيتي 20 يوم نسكن بأنسبورك بعد زيلامسي يومين او 3 ..
اما بخصوص السياره مهمه لكم كما سبق وان ذكرنا ..
طبعا في كثير من المدن والقرى الي راح انزوره مع الكثير من الفعاليات .. لكن بالاول هل تقدرون تقصرون المده ؟؟ وكم ميزانيتكم ؟؟
وانا بالخدمه اختي .. لا تحاتي بنكتبلكم كل شيئ ؟؟

ali_q8_77
الى الاخ الفاضل شكرا على الرد بخصوص المدة 18 يوم جيد لكن انسبورك كم تبعد عن زيلامسي اذا قريب مو مشكلة نقيم فيها 3 ايام لكن ما تكون بعيدة عن ميونخ لان رجعتنا منها طبعا الميزانية من غير التذاكر 40000 ريال اتمنى انها تكفي للحجز في الفنادق والمصاريف والمواصلات وياريت تسوي لنا اذا ماعندك مانع برنامج لكل يوم علشان تكون الرحلة ملمة وغير متعبة ونكون انبسطنا وعطينا كل يوم حقه من الترفية والتمشي وياريت تعطينا ايش المدن والقرى الي راح انزورة ويعطيك الف عافية يامشرفنا الفاضل

شوفي اختي العزيزه طالما انكم تستطيعون تقليل المده بيكون افضل لانكم 5 اشخاص والاولاد يحبون يصرفون ويلعبون ..
لهذا ما رأيكم ب 16 يوم ؟؟
يعني نقص يوم بسالزورخ ويوم بميونخ
لكن عموما نبدأ بالسكن بتغيرين شيئ وله مثل ما هو ؟؟
ما بخصوص القرى القريبه والجميله من سالزبورخ ولف قانق وسانت قلقن وفوشل ام سي ... وموندسي .. ومن زيلامسي .. بادهوفقستن وانسبورك شوفيهم بالتقارير الخاصه هذي
https://artravelers.com/p/re/344083
بنتظارج

ali_q8_77
بخصوص الايام ماعندنا مشكلة 18 يوم ممتازة بحكم انها اول سفرة لنا والفنادق نفس الي اخترتها لكن انا تعاملت مع مكتب السفريات اذا بيقدر يحجز لنا ويعطينا اخر الاسعار لان خايفة احجز من النت ومااعرف طبعا اذا ردوا علينا بالاسعار راح اطرشها لك حتى تعطينا رايك في الاسعار وجدول الاخير رائع اما ميونخ ياريت تعطينا ايش الاماكن الترفيهية وانا خاطري ازور قارمش وجزاك الله الخير

اوكي بعدما يخلص المكتب بلغيني قبل لا لالالالالالالالا تحجزين .. اتفقنا ..
اما بخصوص غارمش ممكن زيارتها لمدة يوم كامل من ميونخ الى غارمش بالقطار ساعه
اسم محطة غارمش هذي Garmisch -perchtesgaden
والتلفريك يصعدج الى قمة جبل Zugzpits
وبعدها اتشوفون بحيرة ابسي