إحساس غريب وشعور جميل لايمكن وصفه هذا ما أستطيع أن أقول عن تجربتي في مدينة الأضواء I-City
شعور بالنشوة والبهجة والإنبهار تشعر به حينما تجد نفسك في مهرجان الأضواء محاطاً بآلاف بل ملايين من الأضواء
بكافة الألوان والأشكال تتناغم مع بعضها كقطعة موسيقية ساحرة
كل ماحولك نور في نور .. وكل الأشكال والمجسمات من نور .. أشجار .. حيوانات .. رسومات .. كلها بالأنوار ..
شيء مبهر يجعلك تقف مندهشاً أمام قدرة العقل البشري على الإبداع والإبتكار
ترى الدهشة في عيون الزوار من كل مكان .. كلٌ مشغول في التقاط الصور التذاكارية في هذا المكان المميز
كل ذلك واكثر في ..
I-City
مدينة الاضواء i-city - شاه علم shah alam - ولاية سيلانقور - ماليزيا ..
افتتحت في بداية عام 2010 ، أصبحت من مناطق الجذب السياحي الأكثر شعبية
في ماليزيا.. تبعد عن فندق سن واي لاقون الشهير تقريبا ثلث الساعة..
الخريطة ...
مدينة الاضواء ..عبارة عن حديقة مضيئة ..يتوسطها برج ضوئي عملاق ..
يوجد بها مجموعة متنوعة من المنحوتات الرائعة والفريدة من نوعها التي تدهش كل من يرآها ..وهي مزيج غير تقليدي من الطراز الشرقي و تكنولوجيا الإضاءة..
ايضا يوجد بها عدة محلات على جانبي البرج .. لبيع كماليات خاصة بالاطفال من اكسسوارات والعاب ..
اسعارها زهيدة جدا .. ومايميز تلك المبيعات انها مضاءة ..
كما تضم مدينة الاضواء .. عدد كبير من المطاعم ..
مطعم الروشة .. هالمطعم كنا ناوين عليه باخر محطتنا في كوالا لانه بمنطقة السفارات
قريب من بتروناس واقرب لفندق كراون برينسس وشقق سوكاسا الفندقية .. ..رغم اني قريت ان اكله مو لذيذ ..بس ديكوره روعه وهو اللي شدني له ..
اقصد الفرع الرئيسي اللي بالسفارات ..و لما شفناه هنا قالت اخت يمو بذا اللي تمدحينه قلت يب قال اجل بنتعشى فيه ....
بس للاسف مثل مو شايفين مغلق ولا فتح ليلة تواجدنآ !!!
مقهى قازولاين ...
هذا وين مر عليكم قبل؟!!!
طبعا من اسمه مثل ماقلت لكم قبل ..شبابي ومودرن بس سبحان الله ..سبحان الله من شفته بالنت قبل نسافر ..وحتى لما شفته وش لوش وشعوري له واحد
ماتغير ماحبيته ابد ومادري ليش احسه مو كويس ..قرون الشيطان اللي بشعارهم ماش ماريحتن ...
وآآآآآآآآآآآو .. شفت شيء قميل ..ذكرن بذكرياتنا بمطل ومجمع مطاعم (look out point)
تقريري عن اجمل واحلى مكان في كوالالمبور هنا
قلت مابدهاش بنتعشى الليلة بمطعم (look out point)
ومن حظي ان الروشة مغلق لان اهلي يقدرون الاكل العربي ..ولا يرضون له بديل ..
وابد ماصدقت خبر سلمت على هالجرسونة القميلة وقلت لها بنجييكم بعد شويات مع الاهل الله الله بالعلوم الزينة والاستقبال الحار
وخذيت لها هالصورة الا البثر اللي وراها يلوح بيده ..
بس تابعوا معاي التقريرللنهاية .. هل تعشينا فيه والا صارت لنا بومبا ..!!
نرجع لمحور حديثنا ...ويوجد كمان

ويوجد بها منطقتين لمجسمات ومنحوتات مختلفة .. دخولها برسوم .. احداهما مفتوحة بمكان طلق والاخرى مغلقة ..
بصراحة كلهم حلوات بس المجسمات بالمنطقة المفتوحه اكبر وافخم .....رسوم الدخول زهيدة ولا تكاد تذكر تقريبا 2 الى 5 رنقت للفرد ..
المدينة الثلجية "المغلقة" .. رسوم الدخول 2 رنقت ..

تجربتنا في
¤؛°`°؛¤ i- city ¤؛°`°؛¤
وقفنا بالباركينق.. نزلنا على المحلات ..دخلنا كم محل من ضمنهم المدينة المغلقة تجيكم بالبداية على اليسار اذا كان البرج العملاق قبالكم ..
عقب رحنا لم المسرح ..امي استانست عليه حيل وجلست ..وانا وحده من خواتي نبي نشوف الحديقة ..
قلنا خل نتمشى قالت لا ..عادة المسارح تقضي بسرعه خل نشوف العروض عقب نتمشى ..المهم جلسنا شوي ..الا ماش
اتحقرص

ان شاء الله اكون اول واحد رد
ههه
الصور حلوه بس كبيرة بالمره
انحولت عيوني

1. تجربتنا في الشراء ..

تجربتنا في الشراء ..

كانت خطتنا الشراء اخر شيء علشان نستمتع ومانحمل اثقال ..بالبداية كنت زعلانة اما اختي ماشاء الله عليها من طبحت على العشاء ذيك التطبيحة وانا غاسلتن يدي منها بقآز .. المهم كنت مسوية على بالي زعلانة ولا دخلت المحل واقفة ع الباب حسيت نفسي الطرارة والعالم تخم وتخم قلت مابدهاش خل اطب معاهم ..
..بالبداية دخلنا محلات كانت الاغراض رخيصة الشيء تقريبا ب5 او 3 رنقت بس قلنا نبي نروح للحديقة ونأجل الشراء بالاخير ..
ولما جينا نشتري رفعوا الاسعار الى 10 و15 وكلمتهم وحده يعني متفقين سوى ..
ماعادا هالطيوبة خميتها مسيكينة وقالت نفس الاسعار الرخيصة بس للاسف مااشترينا منها ..
لان البزران والماما كانوا داخل عند ولد وبعدين يوم شفت الاسعار اكثر قلت لاهلي البنوتة تبيع ارخص.. رجعت لهالطيوبة اكلمها ماقدرت تحكي وماتقول الا can not
قلت شلون كان نوت جعلتس العافية هما ك قلتي 3 قبل شوي والحين 15 شلون .. !!!
وردت can not وشريناهم والشكوى لله بسعر 15 و10 وخمينا خم لبزارين العائلة والحارة ..
الزبدة الاسعار الفعلية من 3 الى 6 من يعطونكم هالسعر خموا ..
وترى مو شي مميز ... لقينا اغلبها بالتايم سكوير .. بس خذينا منهم علشان نقول لربعنا العاب من مدينة الاضواء بزعمهم مدينة مدهش ههه
من بداية التقرير وانا اقول موقعم وموقعهم ..
هذا موقعهم للاستزآدة ..
هنا http://i-city.my/index.php
اختم جولتنآ للمدينة الضوئية بالامورة الصغنونة الكلبوزا عند البرج العملاق..

مدينة اضواء من اسمها توقعتها شي جديد وفخم وكبير وعجيب تقني تقني .على مستوى سايتك او معارض ارامكو يعني شي ثقيل ..وتجهيزات وفخامة ..
بصرآحة انصدمت فيها ...لان محلاتهم والباركينق شي قديم مره ومهتري.. بس الحق ينقال استمتعت كثير بالتجول بالحديقة ...
احسها تناسب الاطفال اكثر .. بالنسبة لي لم اندم على زيارتها وقضيت وقت ممتع فيها..ولو لم ازرها هذه المرة لازورها المره القادمة ..لانها تستحق التجربة..
لكن هل اعاود زيارتها مرة اخرى ؟؟ بالتاكيد نعم مع اطفالي بالمستقبل ولكن قبل ذلك لا اعتقد ..لانها تناسب الاطفال اكثر..
ممكن للعرسان اللي يقعدون بسيلانجور يومين او اكثر يروحون لها حلوة تنفع لهم اضاءات واجواء جميلة ...
بالنسبة للماما واختي ماحبوها ترى جوهم شوبينق وبس ...
علشان كذا تمللوا فيها ..اما انا واختي الثانية استانسنا ..
والناس فيما يفضلون مذاهب ..
امل ان يلقى هالتقرير الظريف الخفيف على استحسانكم ..
وانتظروني في موضوعي القادم الثقيل ..
برعاية المبدعين ..ماجد الفهد ...المغادرون 2007

السلام عليكم ورحمة الله وبركاته
ماشاء الله تبارك الله
مبدعه ومميزه كالعاده الله يعطيك العافيه
بس والله الصور تصلح بجدار طوله مترين
وانتظروني في موضوعي القادم الثقيل وبرعاية المبدعين ..
ماجد الفهد ...المغادرون 2007
وش نوع الرعايه ماسيه ولا ذهبيه؟
إعلاميه ولا تسويق؟
المفروض طرحتي التقرير كمناقصه
ننتظر الموضوع الثقيل إن شاء الله والرعايه الحصريه