السلام عليكم ...
حياك الله اخوي a7snnas ومشكور على موضوعك الحلو .
والله اخوك من عشاق الاكل الجاوي ...اموت في اكلهم سواء الدندن
والناسيء شامبور والقادوقادو والساتي عند العم بيونغ في القرارة
وفي ماليزيا نفسها ما يفرق وبالعكس اطعم وخاصة في المطاعم الشعبية
عندكم في مكة جنب مسجد بن باز الله يرحمه في مطعم ماليزيا وش رايك
في الرز المشكل حقه ...ان كان عجبك تأكد انه في ماليزيا حيعجبك طبخهم
اضعاف مضاعفة ...مطعم جاكرتا ومطعم جنوب شرق اسيا كله تجمعه ما
يجي مثل طبخة واحدة من ستي حواء المطاعم الفخمة سيبك منهم
اهتموا بالشكل قبل الطعم ...دور في كشك نظيف واللي يطبخ فيه ملايو
او ملايويه مسلمين ولا تقرب الصينيين ...يكفي تشوف اكل الصينيين
في مطاعمهم وبطهم المعلق اللي .....استغفر الله.. الله يعز النعمة
الاكل الجاوي قريب من الاكل الملايو وان ما كان هو لانك عارف عندنا
نسمي كل اللي من جنوب شرق اسيا سواء ماليزي او اندونيسي او
فطاني او سنغافوري ...الخ نسميهم جاوي ...والصحيح انه جزء من
الاندونيسيين فقط هم الجاوة لكن كلمة وتوارثت ...من ايام شيوخ حجاج
الجاوة (المطوفين)...المهم انا من المشجعين للاكل الجاوي ومن عشاق السمبل
اخوي جرب بنفسك وما راح تندم ومادام انه عجبك هنا عيعجبك هناك
اكثر ... والناس اذواق ...وممكن بعض الاخوان يظن انه الاكل الجاوي مثل الصيني
والله الاكل الصيني عندهم ما ينبلع لانه مشكوك في امره غير عندنا اللي اسمه
صيني واللي يطبخون فلبينيين وهنود واذكر شايب ملايو واظنه من حكماء القرى
قال: الصينيين يبلعون كل شيء في السماء الا الطيارة ويبلعون كل شيء
في البحر الا السفينة والغواصة
موفق اخوي في رحلتك وترجعون سالمين غانمين .
والسلام عليكم

الله يطمنك يا الشعيبي
طمنتنى على الاخر
و بكده تكون احد المشاكل البطنية اتحلت لانى كنت شايل همها
اما مسئلة الاكل عند الصينين فقبل عدة سنوات سفرت لسنغافورة لمدة أربعة أيام و من يوم ما شفت منظر البط لديهم و هو معلق من رقبته و مدهون بلون بنى
رفضت اكل اي حاجة في سنغافورة غير الماكولات البحرية و بس

السلام عليكم
احب اكد ان ان الاكل الجاوي فعلا شهي وان كان يغلب عليه السمبل والفلفل الحار بس انا من عشاق هذه المطاعم بس لازم تدور على المحل واذا كنت حابب تجرب عندك مجمع سوريا فيه طابق معظمه اكل جاوي وبتعرف ان لكل ولاية اكلاتها اللي بتتميز فيها ارشح لك (نسي جورنج ) (مي جورنج ) ( مي هوون) ترى فيه اكلات اساسها صيني بس الجاوة يبدعو فيها ايضا فيه ادامات الكاري اللي اصلها هندي والشباتي صدقني اللي يدور حيلقى حاجات لذيذة والقادوقادو وفيه حاجه ما اعرف اسمها وهو رز يلف بورق الموز ويسوى بالبخار انصحك لا يفوتك مع السمبل الكمبلس ولازم تمر على بعض الفواكه اللي اشهرها فاكهه اسمها الدريان وهي تعتبر ملكة الفواكه بالنسبة للماليزيين
امكن ما تحبها من اول مرة بس صدقني بعدها حتدمن عليها زي ودورها دواره بالسعودية بس لا يخمونك لا تاخد من التايلندي لانه الاجود الماليزي وخاصة من منطقة ملاكا وبالخص من قرية اير مولئ ( ماء الملوك ) وبالعافية
وبالسلامة

السلام عليكم
حتى انا طمنتوني لان خايف كثير من اكلهم بس ما ادري كل مطعم اروح له اسئله فيه لحم او زيوت خنزير
والا كيف اعرف؟ اطفالي اذا يبون حلاو او ايس كريم كيف اتأكد اذا كان حلال والا لا.....جزاكم الله خيرا

أخي على حسب علمي المتواضع مكثت في ماليزيا 40 يوما والله لم يعجبني المتواضع والفخم في جميع المطاعم حتى الفخمة داخل الأبراج سوى المأكولات الأمريكية غفر الله لنا . أما الأكل الماليزي أ و الأكل الأندنوسي أو الصيني ليس له طعم ومتك وغير لذيذ ربما من نوع الزيوت التي تستخدم والله أعلم ولكن في الفنادق ترى البوفيه ممتاز جدا لكن في بعض المناطق مثل كاميرون والله لاتجد إلا التوست ومربى الفراولة والفواكه والطماطم هذه التي تجد أنك تأكل أكل طبيعي وقد وصل بهم الأمر إلى بيع بلاك شكن وهذا آخر ما تصل إليه عقلي .
وعزمت في رحلتي هذه حمل بعض المعلبات لاستخدامها في كاميرون ولنكاوي إذا لم أخرج للعشاء خارج الفندق .