مع التحيه
ينقل لبوابه ماليزيا قسم الاستفسارات

عليكم السلام ورحمة الله وبركاته
أفضل جدول لماليزيا كأقل مده هي 15 ليله
عموما الجدول
ليلتين سيلانقور -- 3 ليال لنكاوي -- 3 ليال بينانق -- 2 جينتنق -- 4 ليال كوالالمبور -- آخر ليله بورت ديكسون
الفنادق
سيلانقور -- الصن واي لاقون وبعده البيراميد
لنكاوي -- الويستن او ذا دانا و بعدهم البلانجي بيتش
بينانق -- الرساسايانق ثم البارك رويال ثم القولدن ساندس ثم الهارد روك
جينتنق -- فيرست ورلد غرفه كلوب
كوالالمبور -- قريب البرجين فندق تريدرز مطله علي البرجين وفي شارع العرب
الويستن و الماريوت وقريب شارع العرب رويال شولان
بورت ديكسون -- فندق قراند ليكزس غرفه ببركة سباحه خاصه
واكيد الحجز عن طريق النت سوا بوكنق او غيره افضل وارخص
من المكاتب وانت قارن بين المكاتب والنت شوف الأرخص
الأجواء
جو ماليزيا طول العام استوائي حار رطب ممطر
حراره ورطوبه مقبوله جدا إلا المرتفعات مثل جينتنق والكاميرون
بارده بروده منعشه و جميله بس لبس شوي اثقل
والتنقلات
من سيلانقور إلي لنكاوي ومن لنكاوي إلي بينانق ومن بينانق إلي كوالالمبور
طيران وعندك الماليزيه وآير آسيا والفاير فلاي
قارنوا بين اسعارهم واختروا الأرخص كلهم ممتازين مع العلم ان الماليزيه
والفاير فلاي يعطون 20 كيلو مجانا عفش و آير آسيا العفش بمقابل بسيط
ومن كوالالمبور لجينتنق ساعه بالتاكسي او الباص
ومن كوالالمبور لبورت ديكسون ساعه ونص تقريبا بالتاكسي
اما لو مابتروحوا للنكاوي فمن سيلانقور إلي بينانق
ومن بينانق لكوالالمبور باص او تاكسي مدته 5 ساعات تقريبا
باصات الأيرولاين باص الواحد 60 رنقت او تاكسي خاص حدود 400 رنقت
الصرفيه
وبالنسبه للصرفيه احسب حسابك بين 350 و 550 رنقت يوميا بين هالرقمين
ممكن تقل و ممكن تزيد قليلا بعض الايام
بالنسبه للأماكن اللي تستحق الزياره
شوف الروابط وموجود فيها جميع المواقع و الأماكن اللي تستحق الزياره
في سيلانقور
ملاهي الصن واي لاقون المائيه وسوق البيراميد هذي أهم مافي سيلانقور
ولو عندك وقت ممكن تمر الماينز ويندر لاند مع انها عاديه وممكن بعد تزور مدينة الأضواء
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه لكوالالمبور
الأماكن كثير في كوالالمبور عندك اهم شي البرجين ومجمع سواريا وحديقة
البرجين بعد العصر جميله جدا جدا وفي نفس منطقة البرجين عالم تحت البحار الأكوريم
و فيه شارع العرب في الليل أسواق ومطاعم ومقاهي وحركه ووناسه
وعندك مجمع التايم سكوير يستحق الزياره سوق والعاب وفندق
وعندك برج المناره وبالنسبه للحدائق لو تحبها عندك حدائق الفراشات والطيور والزهو تروح لهم
بنفس الوقت مع حديقة بردانا وفيه عندك حديقة الحيوان حلوه مش كبيره مره ولو بتروحون لها تروحون
لشلالات تمبلر بارك مو بعيد مره منها وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه
اغلبها مباني حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا اشوفها عاديه ولكن ممكن تعجبك فيها عروض كابوي وسفاري وحديقه بسيطه والعاب مائيه
يبي لها يوم كامل وهي خارج كوالالمبور بحدود ساعه ونص تقريبا
وفيه بعد مطل ومطاعم اسمه لوك اوت بوينت جميل جدا قبل الغروب والعشاء مايتفوت
جينتنق
اهم مافيها طبعا الألعاب والجو الجميل جدا
بورت ديكسون
مافيها إلا منتجع قراند ليكزس عشان كل غرفه ببركة سباحه خاصه مافيها مايستحق الزياره
وفيه اماكن كثير في هالروابط لأني قلت لك الأهم
https://artravelers.com/p/re/452938

جزاك الله خير كفيت ووفيت