اختي اسيل انتي في بالي
وكنت جالس ارتب لك جدول اي وقت احصل وقت
صدقيني مانسيناك
الليله او بكرا راح احط لك برنامج متكامل ان شاء الله

السلام عليكم يا اختي الكريمة....
انا ممكن ان اساعدك بس حابب اعرف شو حابة تشوفي وماهي الاشياء تهمكي رؤيتها؟
ان شاء الله ممكن ان اساعدكي

الله يجزاك عني الف خير
ويوفقك ويا جعلها لك خضرا مهب غبرا (دعوة امي)

حاولت اختار وارسم لك جدول مرتب واحترت جدا فالناس اذواق
اشوف كثير من المتاحف مهمه بالنسبه لي لكن يمكن لاتمثل لبعض الناس اي قيمه
هنا تقريرين من اروع مايمكن عن دوسلدورف وتقدري .. تنسقي وضعك بنفسك
https://artravelers.com/p/re/33344

مشكور اخوي والله يجزاك عني الف خير قول امين
بس عندي سؤال اخير انا بروح لليورب بارك عن طريق بادن بادن كيف راح اوصل لليوروب بارك هل عن طريق الاندر قراوند ولا ما فيه اندر قراوند او عن طريق تاكسي بس راح تكون مكلفه لان المسافه الي بين بادن واليوروب بارك 84كيلو متر اي 52 دقيقه
هاه وش رايك انتظر ردك
والله شكل الرحله بتفركش
الله يعين

حياك الله اختي اسيل
الافضل انكم تجلسوا يومين الى اربعة ايام في يوروب بارك وتسكنوا في احد الفنادق الموجوده فيها
هذا الانسب في وجهة نظري
لان زيارهة يوم اشوفها جدا سريعه
بالنسبه للانتقال من بادن بادن الى رست وهي المدينة الملاصقه ليوروب بارك تقدري عبر القطار
وهذا موقع سكة الحديد الألمانيه .. للبحث عن المدينتين بالوقت والتاريخ
http://www.bahn.de/international/view/en/index.shtml
Baden Baden
Rust
وبالتوفيق ورحلة سعيده

انت ماتدري عن المشكله اي صارت جميع شركات السفر والسياحه مالها وكيل في اليوروب بارك ما فيه الاعن طريق الامارات للعطلات وشركة الامارات رافضه انها تحجز لنا بسبب ان احنا ما قصينا التذاكر من عندهم هذا الشي الي خلانا نتجه لبادن ونطلع من بادن بدري ونركب القطار الى رست ومنها لليوروب بارك ونرجع لبادن في نفس اليوم
خلها على الله (خليها في القلب تجرح ولا تخرج وتفضح)
والله عمري ما شلت هم سفره كثر ما شلت هم المانيا ان شاء الله اخر مره نروح المانيا
الواحد يسافر علشان ينبسط واحنا نسافر علشان نشيل هم خ

طيب اعملوا حجز من موقع الفندق في اليوروب بارك دايركت .. عبر موقعهم في النت
من دون منة الامارات .. احنا في عصر الانترنت وبنفسك تقدري تعملي كل شيء
هذا موقع اليوروب بارك وفيه جميع الفنادق تقدري تعملي الحجز بكل سهوله
http://resort.europapark.de/lang-en/c655/default.html

ادري اني اقدر احجز عن طريق النت بس لسفاره الالمانيه طالبين الفيوتشرات حقت الفنادق ومؤكده من الفندق نفسه والانترنت مايسوي كذا واذا قلت اطلبها من الفندق نفسه عن طريق التلفون او الفاكس فهذه مشكله الي هي اني ما عرف انجليزي وشلون بتفاهم معهم