مرحبًا أخي
أنت تبغى تروح بر وبسيارتك وما معك جارمن أوكي
طيب
أنت رايح تتمشى واللا تتفرج دوري زين!
وتبي كبسة بعد!
معليش أخوي اقعد في بيتكم تفرج على دوري زين وكل كبسة
وش تبي في السفر وعلومه!!

برشاا
اخواني اللذين سبق لهم وان سافروا من السعوديه لدبي ماهو احسن طريق طريق الخرج ولا الاحساء؟
وكم مسافة كل طريق..
اخواني في دبي هل التجول في دبي سهل ويسر في السياره ام احتاج لجهاز او برنامج جارمن..
وين يمكن احصل جارمن صغير في دبي اذا كان يحتاج.. اخيرا ارغب في مقهى تبث فيه مباراة دوري زين للمحترفين السعودي.. كذلك هل يوجد مطاعم كبسه مشهوره في دبي ..
وشكرا لكم جميعاً..
هلا اخوي وحياك الله في الامارات
السواقه سهله وبسيطه في دبي بس لابد من الجارمن وممكن تاخذه من عندكم قبل ما تسافر او من السوق الصيني في دبي
والله بالنسبه للمقاهي والكبسات ما عندي اي فكره

اشكرك اخوي على الرد اللطيف.. جزاك الله خير.. شكراً لمرورك

الله يخليك اختي شكراً لاجابتك وتواضعك .. اجدك دوما تجيبين في اسرع الاوقات.. نورتي متصفحي شكرأ لك

هلا بك اخوي برشاا
انا جربت طريق النعيريه الأحساء وكان ممتاز وسايدين
وجربت طريق الخرج حرض كان متعب وسايد واحد ورمال متحركه وباعارين وتريلات كثيره ولا انصح به للعوائل بسبب انه فيه مقطعه 200 كيلوا لما يقطع شمال الربع الخالي بعد حرض (مقطعه = لا وجود لأمن الطرق ولا وجود لمحطات وقود)
لكن فيه طريق ثالث بجربه بعد العيد ان شاء الله وهو طريق خريص الأحساء يعني تفرق من مفرق سعد يمين يقولون انه سايدين الى الأحساء وممتاز
وبالسلامه ان شاء الله

خذلك جارمن ضروري لا تروح تضيع في الصحراء ولاشيء
ترى الجارمن مو مرة غالي

السلام عليكم
انا من قوم طريق الخرج حرض ربع خالي واو
العام مشيت منه، وان شاء الله هذا العيد منطلق منه
، يوفر حدود 200 كيلوا وانا سفري ماني من اهل الرياض، أنا من اهل جدة وما يخفاك المسافة الكبيرة الي اقطعها
وتوفير المسافة يهمني كثير.
وتمر بعد الخرج من حظائر المراعي والصافي وتتفرج على المواشي يازينهم
، والقطار الخاص بالشحن ممكن يمر من جانب الطريق بعد الخرج، المهم هي زي ماقال الاخ في مسافة تقطعها وسط الربع الخالي حدود 200 كيلو لكن مافيها اي مشكلة انت ماشي على زفلت وحتشوف انتشار الرافعات الخاصة برفع الاتربة الزاحفة، والطعوس والكثبان الرملية تشوف ارتفاعها وتقول سبحان الخالق، وفي بعد الخرج حدود 80 كيلو الزفلت مكسر شوي
، ولكن مايضطرك ان تهدي سرعتك، وانا قطعت ال 200 كيلو وسط الربع الخالي ف الليل
العام والرجعة في النهار كنت في الليل افرح اذا شفت شاحنة لان الخط فاضي وظلام على كيفك، المهم ان نويت وشديت الحزام عندي خرائط مفصلة عن مسار الطريق والمحطات بتحديد المسافات والجسور وخلافه، بالنسبة للجارمن في الطريق اشوف انه مايحتاج، والله كنا قبل كم سنة داخل دبي ندج بدون جارمن، لكن لاشك ان الجارمن يوفر لك وقت كثير.
وبالتوفيق اينما ذهبت اخي الكريم.

شكراً لك اخوي والله محتار مادري ناس تقول طريق الخرج وناس تقول طريق الاحساء..

يا اخوان وين الاجابات اللي تثلج الصدر وتوضح كل شي.. ياشباب ترى مافيها شي من باب المساعده مافيها بذل جهد ولا شي يالليت تردون.. مشكورين