الاسعار في المكاتب السياحيه اغلى من الانترنت بحدود 15% واحيانا 30%
الفيزا حقتك الف ريال ما تنفع ( لازم ترفع قيمتها بحدود ما يكفيك وزياده )
انا رحت للشركه العربيه لحجوزات الفنادق في الملز بالرياض
واخترت فنادق متنوعه لمده 12 ليله تقريبا قال لي بحدود 8050 ريال
دخلت على الانترنت ولقيتها بحدود ( والله ماني متأكد بالضبط لاني غيرت بالاختيارات )
يعني ما اقدر اجيبها لك بالضبط
لكن بحدود توفير 15% او 20%
بعدها قررت اسوي بالفيزا
والحمدلله الامور زينه لحد الان

1. فا إنت قبل لا تحجز إقرأ طريقة الدفع عندهم ...

السلام عليكم
حياك الله أخوي azoze
ما قصر أخوي ماكنتوش الله يعطيه العافيه
بالنسبة للخيول الذهبية ... هذا أفضل سعر راح تحصله لغرفه ديلوكس مطلة على البحيرة ماراح تلقاها أقل من 390 رينقت حتى على مواقع النت .. ولا تخاف هذا سعر الغرفة في نفس الفندق الخيول الذهبية ...
بالنسبة للويستن 600 السعر معقول ... ولو تبي تحجز عن طريق موقع الفندق الرسمي تلقاها ب 520 رينقت ...
البارك رويال في بينانق هالسنه مطيرين أسعارهم السماء الله يهديهم يعني مستغلين إنه موتيارا وراسا ساينق مقفلين فا آخذين راحتهم ... بس برضه السعر هذا اللي معطينك مبالغ فيه حبتين ... حسب إطلالة الغرفة .... يعني على موقع آسيا ترافيل الديلوكس المطلة على البحر ب 710 رينقت ...
ليش ما تاخذ في باي فيو بيتش ... أخو البارك رويال ... الفرق بس انه البارك رويال جددوا الأثاث من سنه والباي فيو زي ماهم ... والسعر النص ... الغرفه ( قراند ديلوكس سي فيو ) في باي فيو بيتش ب 390 ريال تقريباً
الحجز عن طريق النت .... تختلف الأسعار وطريقة الدفع من موقع لآخر ... يعني فيه مواقع مثلا تأخذ رقم الفيزا ضمان فقط لو ما حضرت يخصمون منها ... والدفع يكون في الفندق وبعضهم لتشجيع الزبائن يقولك تدفع مع التشيك آوت ... مثل آسيا ترافيل ... في بعض الفنادق ... وفيه مواقع لا تسحب المبلغ على طول ...

فا إنت قبل لا تحجز إقرأ طريقة الدفع عندهم ...

أنا أمس حاجز لواحد من الربع بفندق ترايدرز في كوالا من موقعهم الرسمي بالفيزا حقتي ... ورصيدها صفر واتصلت عليهم وأكدت الحجز لا وقالوا عندهم عرض يسوون آب قرايد لنوع الغرفه ... يعني آنا حاجز ديلوكس يغيرونها إلى ستوديو أفضل من الديلوكس وبنفس السعر ... والدفع عند التشيك آوت ...
أقترح عليك أخوي انك تسوي مقارنه بين أسعار المكاتب ومواقع النت للشركات السياحية والمواقع الرسمية للفنادق .... وتختار لكل فندق الأرخص ... مو لازم تحجز كل الفنادق مثلا من المكتب السياحي
بالتوفيق إن شاء الله

ابو ميسم
جزاك الله خير على التوضيح
حبيت اتأكد لاني حجزت عن طريق أسيا ترافيل
فندقين / بي فيو بيتش & وبارك رويال في بينانق
ووصلني منهم الاعتماد
Booking Confirmation
(Pay to Hotel )
هل هذا يعني حجزوا المبلغ بالفيزا ؟
والدفع يكون عند الفندق ,, وهل يحق لي ادفع بالفيزا مره ثانيه والمبلغ محجوز !!!
واذا ما كان عليك كلافه تكتب لنا صيغة طريقة الدفع مع ترجمتها
اللي مكتوبه بموقع الانترنت
علشان تكون واضحه لي وللجميع
وتقبل تحياتي

أبوميسم
اخوي ابو ميسم شكرا لك
تنبيهك جاء بوقته ,, لاني ما انتبهت للي مكتوب
وهذه مشكلتنا اننا ما نقراء ,,, متعودين نوقع على بياض
رجعت للايميلاتهم ولقيت :
Terms & Conditions

• Your credit card is held as a guarantee and not for payment.
• The guarantee is valid only after we email you the hotel voucher and shall become invalid once you check in as reserved.
• Payment is made directly to hotel using cash or credit card when you check in.

معناته صحيح كلامك : الدفع بيكون في الفندق سواء كاش او فيزا
الان سؤال يطرح نفسه
كيف يستفيدون اسياترافيل طالما ان دفعي بيكون للفندق ؟ هل لهم نسبه ؟
يا ليت توضح لنا
:112: مدري ليش احس صابتني غشامه مدري من وين جتني !!
الله يسامحك يا غشيم من الرياض

1. وحاطين سياسة إلغاء الحجز :

makntosh
أخوي ماكنتوش ... غالي والطلب رخيص
بالنسبه لحجوزاتك في هالفندقين ...
لا ما حجزوا المبلغ والا شي ... هم طلبوا رقم الفيزا ضمان فقط والدفع راح يكون في الفندق لكن اذا ما حضرت بنفس الموعد ولا كنسلت الحجز قبل إسبوع من الموعد راح يسحبوا من الفيزا أجرة ليلة وحدة غرامة فقط ...
بالنسبة لسياسة تسديد الرسوم لموقع آسيا ترافل عندهم طريقتين لدفع المبلغ حسب ما هم موضحين في الموقع :
الطريقة الأولى
1) Payment direct to hotel upon check-out - Requires only credit card to guarantee for hotel reservation.
دفع المبلغ كاملا عند عمل التشيك آوت من الفندق ... ويطلبون رقم بطاقة الإئتمان فقط للضمان .
الطريقة الثانية
2) Prepayment prior to check-in - Full payment upon confirmation of reservation. Payment can be made using credit card via our online payment gateway or by fax.
دفع المبلغ كاملا عن طريق الموقع أو بالفاكس ... طبعاً ببطاقة الإئتمان ..
الطريقتين ما هي إختيارية ... يعني فيه فنادق يحجزون لك فيها بالطريقة الأولى وفيه فنادق بالطريقة الثانية حسب إتفاقهم مع الفنادق لأن بعض الفنادق تطلب دفع مسبق ...
ولكن تقريباً 90% من الفنادق ممكن الحجز فيها بالطريقة الأولى ...
وممكن تتأكد من هذا لما تعمل خطوات الحجز وتوصل للصفحة اللي تعبي فيها بياناتك ورقم البطاقة الإئتمانية ... مثل ما هو في الصورة :

كاتبين شروط وكيفية الحجز ... وأنه الحجز مجاني ...
ورقم البطاقة الإئتمانية يا خذونه فقط كاضمان وليس للدفع والدفع يكون في الفندق إما كاش أو ببطاقة الإئتمان...

وحاطين سياسة إلغاء الحجز :

ولاحظ هنا إنه كل فندق له وقت معين ... يعني بعض الفنادق لازم اذا كنت بكنسل الحجز يكون قبل 7 أيام مثلا وبعضها لا أقل زي اللي في الصورة فقط 3 أيام.. والغرامة إذا ما كنسلت في الوقت المطلوب أو ما حضرت أصلاً على الموعد تكون أجرة ليلة واحدة ...
أتمنى أكون وضحت المسألة
وبالتوفيق إن شاء الله للجميع
طبعاً

الظاهر إني وأنا أكتب الرد انت رديت
فعلاً أخوي ماكنتوش هم يأخذون نسبه ... زيهم زي المكاتب السياحية ...
الله يسامحك من اليوم وأنا أكتب وفي الأخير تقولي موجودة عندك في الإيميل
الا من جد ... وش اللي صاير في المنتدى أشوف موجة غشامة تكتسح المنتدى . يا ترا منهو السبب
ترا أمزح لا أحد يزعل مني ...
محشومين كلكم حبايبنا ...

أبو ميسم كلمة شكر في حقك قليله وشهادتي بابداعك مجروحه
دمت لنا وللمنتدى
تقبل تحياتي

يعطيكم الف عافية
بصراحة توضيحات ممتازة
بس في شي ما فهمته انا اللحين فيزتي فيها الف ريال بس يعني اقدر احجز فيها كل الفنادق او لا
اذا كان ممكن باخذ التذاكر من المكتب والفنادق من النت
وهل يبين عندهم ان الفيزا ما فيها المبلغ ويرفضون الطلب
يعني بمجرد وصول الفاوتشر عالايميل معناه انهم موافقين ؟؟؟
وفي سؤال ثاني
انشالله سفري بتاريخ 1 9 يوم الجمعة الساعة 11 الاقلاع من مطار البحرين
يعني بوصل كوالا باذن الله يوم السبت الصباح او الظهر
ماني عارف كيف احدد تواريخ الليلات الي مفروض احددها بالموقع
انا ناوي اسكن ليلتين بفندق الخيول الذهبية وبسافر الا بيننغ يوم الاثنين بتاريخ 4 9 الظهر
اكتب ليلة 2 و 3 من شهر 9 او ليلة او ايش بالضبط
تعبتكم معاي بس والله غشيم بالحيل
الف شكر

لو سمحتوا احتاج ردودكم