اخوي شوف مكتب ثاني وراح تلقى مدة اقصر
يقال ان ايطاليا اسهل دوله تعطي التاشيرة وايضا اليونان والبرتغال اتمنى اكون افدتك اخوي

اخوي شوف مكتب ثاني وراح تلقى مدة اقصر ان شاء الله
يقال ان ايطاليا اسهل دوله تعطي التاشيرة وايضا اليونان والبرتغال اتمنى اكون افدتك اخوي

إيطاليا واليونان أسهل سفارتين في مسألة التأشيرة ولاتطول عندهم الجوازات فترة طويلة ...

aaj789 و اخوي سلوم اشكركم على الافادة... انا سألت مكتبين و كلهم قالوا لي نفس الشي
طيب ايطاليا و اليونان كم تستغرق التأشيرة عندهم ... ياليت احد مجرب الايام هذي يفيدني لأن الوضع هالايام متغير ما ادري هل هم مشددين والا زحمة و الا ايش بالضبط؟؟؟؟

أخوي جمال الطبيعة انا قدمت على تأشيرة الشنقن من السفارة النمساوية الاسبوع الماضي وقالولي اتصل علينا بعد 12 يوم تكون التأشيره جاهزه ..... واعتقد ان 12 يوم هي مده مناسبة جدا فإذا كنت ساكن بالرياض انصحك تروحلهم بنفسك اضمن من المكاتب .... وتعامل السفارة جدا راقي

أخوي جمال .. تصدق إن فيه مكتب سياحة كبير بالرياض رفض يستلم جوازاتي علشان يخلصها من السفاره النمساويه ,, لأنها معقده
وبصراحه جزاه الله خير حيث إنه صادق لو غيره من المعقبين كان سحب فيني وبعد شهر قال ما طلعت .
عموماً رح أي مكتب وخذ نماذج التأشيرة وتعهد بإصدار تأمين وإستخرج تأمين وأحضر حجوزات فنادق وتذاكر
وصور وتعريف عمل أنجليزي وكشف حساب ست أشهر ورح بنفسك لسفارة النمسا من الساعه ثمان الصبح
وأن شاء الله تخلص ما عندك أي مشكلة .
صحيح الإيطالية أسهل بس مشكلتهم لازم تدق عليهم وتاخذ موعد يعني لو أتصلت اليوم أقرب
موعد راح تحصله بعد أقل شي أسبوعين وأحسب عشر أيام إصدار يعني تطلع التأشيره بعد 24 يوم من الآن
هذا طبعاً إذا ما أعطوك موعد أبعد من هذا .
سفره سعيده بإذن الله

السفاره الايطاليه..او اليونانيه من10 الى 14 يوم....صور+كشف حساب3 شهور+خطاب تعريف من العمل+تذاكر

الاخوة Hotel Sniper و حاير و طاير و ابو محمد اشكركم على المعلومات المفيدة بس سمعت من احد المكاتب ان السفارة الايطالية هي احسن شي لان الباقين يعطونك تأشيرة على قد مدة حجزك بالفندق بالضبط هل النمساوية من هالنوع للي جربها والا لا؟؟