ملك الحنان
زين ما سويت انا رحت هالصيف للنمسا ورحت لباريس فرق السماء عن الارض طبعا للنمسا
ارخص واجمل واحلى
اما باريس غلاء فاحش وتبي تتورط بالاسواق اللي هناك (لان المدام معاك )
فأنصحك بحكم معرفتي بالنمسا فقط بأن تكون رحلتك
اسبوع في النمسا واسبوع في سويسرا
من بلدك - الى ميونخ وتاخذ قطار ساعه ونص الى سالسبورغ
سالسبورغ 3 ليالي
زيلامسي 4 ليالي
زيورخ
ومنها الى انترلاكن

خالد
مشكور اخوي خالد انا رحلتي جدة دبي فيينا باريس جدة ودي اعمل جدول على اساس انزل من فينا على زيلامسي 4 ايام ومنها على انترلاكن4 ومنها على باريس للعودة مرورا بجنيف للمبيت ليلة ارجو توضيح احسن طريق اسلكه مع خالص الشكر والتقدير ولو في فنادق تنصح فيها مع محبتي

ملك الحنان
ما ادري يا اخوي بس رحلة متعبه حبتين كم جالس يوم انت ؟
لو تطيع شوري تكنسل باريس , انا رحت لها بعد النمسا هالصيف والله تندمت خصوصا انك بشهر عسل
وما فيها شي مميز غير الشانز كم يوم وخلاص , والباقي اسواق يعني تبي تبلش بلشة مع المدام
وانت ما تمون على المدام ههه
عموما انا نصيحتي لك خلها على النمسا وسويسرا واذا معزم وملزم خل باريس أول شي حتى ما تحوم كبدك منها , وشف رأي الاخوان بس تكفا أسأل وتأكد من فايدة باريس ما ابي شي ينغص عليك ولا ابي انصحك نصيحه ما تعجبك
انا رحت باريس ولقيتها مقلب, عاد ما ادري عنك

• ____________

انا رأيي تجلس بفينا 3 ليالي وبعدين بزيلامسي 4ليالي , اما انترلاكن انا ما جيتها والا ادري مكانها وين بسويسرا بس اسمع انها خيال
بس حط لها اربع ايام وبلد ثاني بسويسرا ثلاث ليالي مثلا جنيف
زيلامسي هي بغرب النمسا واقرب شي لها زيورخ من جهة سويسرا

انا انصحك تروح زلمسي في 14 يوم وتتنقل للاماكن اللي حولها يعني يكون استقرارك بزلمسي وتطلع وترجع لها ثاني
لان زلمسي انا ماشفت احلى منها ولاحتى مكان نفس جمالها تلاقي بحيرات وايد وحواليهم جبال لكن زلمسي غير جبالها غير جوها غير بحيرتها غير كل شي فيها غير

انصحك تبدا بفيينا >>> سالزبورج >> زيلامسي >> ميونيخ >> وتظل طالع على فوق لحد ما توصل باريس .... واي مدينه تعجبك قعد فيها ... بس تكون مجرب السواقه في أوروبا يعني يكون عندك خبره... هاي الرحله راح تجمعلك بين شيئيين الطبيعه (مثلا زيلامسي) وصخب المدينه (باريس) وان شاء الله رحله موفقه

مشكورين لى الردود وياريت لو حد يعرف اسهل طريق لزيلامسي من ميونخ ولا انزل فيينا لاني ودي انزل على زيلامسي دايركت ورحلتي مدتها 13يوم مع شكري وتقديري لمساعدتكم

ملك الحنان
اذا 13 ليلة انصحك
4 ليالي فيينا فيه الماريوت والرديسون ساس اذا ميزانيتك تتحمل
4 ليالي سالزبورغ يمدحون فندق nh
4 ليالي زيلامسي فندق سي هوتيل او قراند
1 ليلة ميونخ
ومن ميونخ ترجع الى بلدك

عجبني مقترح أخ خالد احس انه مناسب لعدد الأيام اللي راح تقعدهم