اخي الكريم
انا مسافر الى الاردن بشهر 7 القادم
وعملت تربتك من الاحساء بالمنطقه الشرقيه من يومين عن طريق وكاله السعدون ب550ريال لمده سنه
وتم انجاز المعامله بنفس اليوم
وبالنسبه لارخص التذاكر فهناك طيران ناس جدا جدا رخيص
بس نصيحه احجز بدري حتى تلحق الاسعار الرخيصه
واحجز من موقعهم بالنت
وشكرا

أنا بقلكم اش سويت..
أنا رحت عند البسامي لشحن السيارات..وسألته عن شروط نقل السيارات..وأجابني..
1-سعر الشحن 1700 ريال للأردن
2-لازم أسوي له وكالة للبسامي...أو خطاب من الغرفة التجارية.
3-تربتك قالي 500 ريال
4-صورة الرخصة+الاستمارة+البطاقة المدنية
اش رايكم في كلامه؟؟؟وهل اسعاره مناسبة؟؟؟؟
وبالنسبة للسعدون اللي تتكلم عنها؟؟ وش هي شحن سيارات؟؟؟

اخوي
يسعد لي مسائك
بالنسبة لشحن السيارة ما ادري عنه لكن مهما كان سعرهم اظن انهم يستاهلون
لأن فيها تعب عليهم وانت بتجي تأخذ سيارتك وانت مرتاح
ومع هذا إسأل عن شركات ثانية واسعارهم وإعمل مقارنة
واذكر فيه شركة اسمها الفايز إسأل عنها
واذا تبي تخفف عليك من سعر الشحن إشحنها للقريات
بس بالمقابل راح يكون فيه عليك شوية تعب
لأنك بتطلع من مطار القريات عشان تستلم السيارة وتمغط مشوار من الحديثة لعمان 150 كلم
هذا طبعآ اذا لقيت حجز على القريات
اما التربتك
بالنسبة للسعر جدآ غالي خلهم يولون
وسعره ما يتعدى 300 ريال
لكن السؤال
ليه تقصه وانت اصلآ بالأردن ما تحتاجه
وان كان ربعنا بجمرك الحديثة وخاصة بالصيف يبدأون يدققون عليه ويجبرون المسافرين انهم يقصونه
لكن بأيام الدراسة والشتاء ما يسألون عنه لأن المسافرين قليل

التريبتك أنا أشتريته من الحديثة قبل 3أشهر ب 270 ريال
قال أيش 550 ريال واو غالي جدا"
ياناس أحجزو للقريات أسهل لكم المسافة من القريات لعمان 150 كيلو يعني بسيطة

اللي عنده اي توصيات أو اقتراحات.....((مانستغني ..اول مره اطلع برا السعوديه))
واللي عنده ارقام شركات شحن السيارات...مثل الفايز...............اكون ممنون له
بالنسبة للتربتك.......انا مادري ليه تقول اني ماحتاجه؟؟؟

أذا أنت رايح للأردن فقط ماتحتاج للتريبتك الا أذا تبي تروح لسوريا ولبنان
لاتنسى تعبي بانزين من السعودية

ماحد رد على اغلب النقاط اللي اسأل عنها..مثل الوثائق اللازمة للسيارة؟؟
عالعموم مشكورين والله يكثر خيركم
انا سيارتي ماعليها تأمين..بسوي لها تأمين.....بس ماني عارف التأمين المطلوب في الاردن؟؟؟ وما أفضل شركة تأمين تنصحوني أأمن بها؟وبكم سعرها؟؟؟

متفائل بالله
اخوي
انا رديت عليك بالأول
واخونا كاسترو قالك
اذا رايح بس للأردن لا تقص تربتك ولا تأمين ولا يحزنون
اذا بتشحن السيارة الشركة هي متكفلة
واذا انت رايح فيها اذا وصلت للجمرك بتدفع تأمين على حسب المدة اللي راح تجلسها بالأردن
اقل مدة 3 ايام 11 دينار
اسبوع 24
شهر 35
3 شهور 47
سنة 120
اما اذا تبي تسافر لسورية او غيرها قص هالتربتك
الأوراق المطلوبة
جواز ساري المفعول ( واعتقد لازم يكون اقل شيء 6 شهور )
الإستمارة
الرخصة

الذيب الشمالي
بيض الله وجهك يالغالي
الأمور واضحة جدا" جدا"