ريما الحربي

بالنسبة لي أثينا مناسبه للعوائل وهناك العديد من العوايل الخليجيه يعني منظر الحجاب والنقاب عادي
والشعب اليوناني حبوب ومتعاون جدا مع السياح وبالنسبة للاسعار تعتبر اليونان ارخص قليلا من باقي دول اوروبا وبالصيف جوها حاروعملتها اليورو وان شاءالله تستمتعون برحلتكم

اليونان كعاصمة ما عجبتني ابداً ..
لكن الجزر قمة المتعة .. ما اعتقد انها عائلية كثر ما هي شبابية .. تحتاج للحركة و الاستكشاف ..

و نسيت شغلة ..
انصح بجزيرة كريت و خصوصاً منطقة السياح هيراكليون او ايراكليو ..
طريقتها تأجير بانشي او سيكل و التمشي بالمنطقة او السير على الاقدام .. على البحر الكافيهات و المطاعم .. و المحلات في الشارع العام ..
انصح فيها و بشدة ..

انا حاليا باليونان,,, صار لي يومين في اثينا,, ماشفت اي عائلة خليجية,, ومستحيل اتخيل وحدة منقبة بين كمية المفاصيخ الي اشوفهم,, الجو الان حلو واقرب للبرودة لكن في 8 مادري صراحة,,, اليونانين حسب ماشفت هاليومين كلن في حالة ويحبون يساعدون بس يعاب عليهم انهم مكشرين والضاهر طبيعتهم كذا لكن اجمالا شعب طيب.
الاسعار من وجهة نظري فيها غلا لكن معقوول.
انا لو بسافر ويا زوجتي ماراح اطلع حق اثينا وكويس الي ماجبتها وياي لان احنا حريمنا مو حقين مشي,, ديرة زي اثينا حلاتها بدق المشاوير كعابي (مشي) وحريمنا الله يحفظهم موب حقين مشي
ماقول فيه تكاسي لا بالعكس كثيرة التكاسي وفيه الميترو بس المشي احلى و اونس.

غريبه صراحه اولا احنا مامعنا اطفال احنا مجموعة بنات طالعين مع ابوي
ونحب المشيئ صراحه اكثر من السياره
هنا بالسعوديه نفتقد المشي لان عيب عندنا حرمه تمشي بالشارع
بس لما نسافر دبي او ماليزيا كلها كعابي الله يحفظنا ههه
بس مشكله الحجاب
طيب عادي لو نتلثم بحجاب ملون صح ؟؟

بس الجو مايساعد بالصيف
ودرجة الحراره بالاربعين
لو اخر شهرمايو جميل جداً
والافضل الحجاب الملون.

طيب وكيفها للشهر العسل في شهر 7 او شهر 11 ، كيف تشوفونها !!