لازم بيكون في ردود للموضوع ..
بخصوص المكتب السياحي .. يعتمد إنتم من وين بالضبط علشان نقدر نساعدكم ..
اليونان مقدور عليها .. بس إيطاليا لها بوابتها الخاصة والي تقدرون تستفيدون منها أكثر ..

هلا الجوري حبيتي .. انا من السعوديه الرياض..
اليونان ان شاءالله لنا زياره لها .. ايطالياانا ابي ازورها واهلي معارضين .. يقولون غاليه ومايمدينا ..
لو على الاقل يومين ابي اشوفها ..
وهل لو طلعت الفيزا اليونانيه اقدر امر على ايطاليا اذا هي فيزاتهم واحده ؟؟؟
ومشكوره ويعطيك العافيه ..

وينكم .
مافيه رد .. افيدوني بشي ..؟

ميمي لو تحددين الحين وش المطلوب .. هل هو بس معرفة مكتب سياحي في الرياض ؟ لأنه اتوقع المكاتب الكبيره اكيد معروفه عندك .... و بالنسبه للفيزا تقدرون تروحون فيها اي دوله اوروبيه ... إلا إذا تبينا نقنع الوالده تروح ايطاليا !

هلاا بنت الصقور ..
حبيبتي ..
امي اعطتني المسؤليه اني احجز واسوي كل شي .. وانا اول مره استلم هالمهمه ..
يعني حبيت تعطوني بعض من مااعندكم .
ان شاءالله في اوغست الرحله
وحبيت اعرف عن احسن خطوط طيران اسعار التذاكر
يعني ابي اخذ فكره شامله عن كل شي ..
فيه احدجرب موقع ماي هوليدي .. تنصحوني فيه احجز من عندهم ..؟
وياليت لو تقنعين امي بايطاليا خخ
وشكرا .

؟
بتنتهي العطله وانتم ماتردون .. ؟
عالعموم شكرا

شوفي انا مثل ابغى اروح لليونان لكن ماحصلت احد يفيدني كثير مع ان رحلات كثيره فل
المهم انا حجزت على الخطوط القبرصيه 2800 ريال وترى ماهي الافضل لكن لاني ابجلس في قبرص قبل
وترى فيزتها هي نفس الشننقن يعني اقل شي 15 يوم
طبعا لازم تروحين لاثينا وهي اكبر مدينه سياحيه من ناحية الاثار والباقي جزر وفيه جزر كثيره قريبه من اثينا
لكن اكثر جزيره يمدحونها جزيره اسمها كريتي ... بس اللي يمدحونها اجانب فما ادري هي تصلح للعوائل ولا لا
وفيه برضه السياحه على الكروزر من جزيره لجزيره
بس الا الان ماعرفت اسعارها

أبوصقر80
مشكلة الكروز يابو صقر .. انه بس جالسه بالباخره واروح من دوله لدوله .. لكن مافيها طلعات كثيره وتمشيات .. وإلا انا غلطانه
اما الاخت ميمي .. انتي نفس قصتي جايه بالوقت الضايع .. وابي اسافر وخاطري بأوربا او كيب تاون وميته عليها بس مافيه امل يوافقون اللي معاي عليها ..
واروبا كل الحجز فل ..
عشان كذا فكرت في قبرص .. او اني اشوف قبرص ومعها اليونان وايطاليا مثل تفكيريك ..
بس مشكلة ايطاليا الشنقن .. وتطول على مابال تطلع .. وانا ماعاد عندي وقت .. ولا رتبت لشي ..
ياليت احد يجي وينقذنا ..

شوفي انا مثل ابغى اروح لليونان لكن ماحصلت احد يفيدني كثير مع ان رحلات كثيره فل
المهم انا حجزت على الخطوط القبرصيه 2800 ريال وترى ماهي الافضل لكن لاني ابجلس في قبرص قبل
وترى فيزتها هي نفس الشننقن يعني اقل شي 15 يوم
طبعا لازم تروحين لاثينا وهي اكبر مدينه سياحيه من ناحية الاثار والباقي جزر وفيه جزر كثيره قريبه من اثينا
لكن اكثر جزيره يمدحونها جزيره اسمها كريتي ... بس اللي يمدحونها اجانب فما ادري هي تصلح للعوائل ولا لا
وفيه برضه السياحه على الكروزر من جزيره لجزيره
بس الا الان ماعرفت اسعارها