هلا أختنا ( نورة ) ...
أسأل الله لكم التوفيق والتيسير في رحلتكم القادمة ...
طبعا تكاليف الرحلة ... تحددها تذاكر الطيران الدولي والفنادق المختارة ...
ويحددها المصروف اليومي لخمسة أشخاص ...
نبدأ أولآ بتقسيم ( 11 يوم ) ... وأختيار الفنادق حسب رغبتكم ...
يومين سلانجور ... فندق إمباير
ثلاثة أيام لنكاوي ... فندق الموتيارا
يومين جنتنغ ... فندق الفيرست وورلد
أربعة أيام كوالا ... شقق السويس قاردن ريساندس
التكلفة التقريبية للرحلة :

• الفنادق المعروضة تكلفكم تقريبآ ( 5000 ريال )
• المصروف اليومي لخمسة أشخاص ( 800 ريال تقريبآ )
• الطيران الداخلي تقريبآ ( 1500 ريال )

ملاحظة مهمة :
الخطوة الأهم ( الطيران الدولي ) وكل اللي بعده سهل ...
بعد الطيران الدولي ... تحجزون الطيران الداخلي + الفنادق من النت .. والطريقة سهلة
راح نكون معكم خطوة بخطوة بأذن الله ... لاتشيلي هم

مشكور اخوي وافي ماقصرت الله يعطيك العافيه
كوالا لمبور تستاهل اربع ايام ؟ يعني فيها طبيعه؟
حنا اهم شي في الرحلة مناطق الطبيعة الخضراء .
طيب ياخوي متى تنصح نحجز ؟ الحين تونا باقي اكثر من 5 شهور !
وسعر التذكرة في تاريخ 16-1-2013 فوق ال3 الآف للشخص (على الخطوط السعوديه)

هلا أختنا الكريمة ..
طبعا الجدول اللي كتبته ... هوالأنسب ... والأقرب لكم
عندكم ( لنكاوي ) الجزيرة الأروع في ماليزيا ... حيث البحر والشاطيء ... والجمال الساكن هناك
وعندكم ( جنتنغ ) ... الطبيعة والألعاب ... والضباب ... والخضرة الطاغية ... والأمطار
عموما ... أخصموا يوم من كوالا ... وأضيفوه إلى لنكاوي ... يكون أفضل
وبخصوص حجز التذاكر ... أنصحكم تحجزون في ( أكتوبر ) ...
لأن في ( أكتوبر ) تنزل عروض رائعة للخطوط السعودية ... سع رالتذكرة للشخص يصل ( 1700 ريال )

مشكور اخوي وافي الله يوفقك ويرضى عليك ويسهل عليك امور الدنيا والاخرة..
صراحة الصرفية مناسبه جداً
يعني الجدول بعد تعديلك (خصم يوم من كوالا لمبور ) بيكون
يومين سلانجور ... فندق إمباير
اربعه أيام لنكاوي ... فندق الموتيارا
يومين جنتنغ ... فندق الفيرست وورلد
ثلاث أيام كوالا ... شقق السويس قاردن ريساندس
طيب اخوي التنقل بين المدن نبيه يكون بالباص او التاكسي ارخص من الطيران+مانبي نركب الا طيارة القدوم
من السعودية والعودة لها فقط
كم تكون مصاريف التنقلات اذا كانت بالباص او التاكسي؟
ومرتفعات( الكاميرون) و(بيننج ) ماتنصح نزورها ؟
خاصه ان اهم شي عندنا الطبيعة

حياكِ الله أختنا ( نورة )
أيه نعم ... الجدول بعد التعديل ... يصير بهالشكل الجميل
يومين سلانجور ... فندق إمباير
اربعه أيام لنكاوي ... فندق الموتيارا
يومين جنتنغ ... فندق الفيرست وورلد
ثلاث أيام كوالا ... شقق السويس قاردن ريساندس
وهذه طريقة التنقلات :

• من المطار إلى سلانجور ... تاكسي والمسافة 35 دقيقة
• من سلانجور إلى لنكاوي ... طيران air asia والمسافة 50 دقيقة
• من لنكاوي إلى جنتنغ ... طيران air asia لكوالا والمسافة 50 دقيقة ومن المطار تاكسي لجنتنغ ( ساعة )
• من جنتنغ لكوالا ... تاكسي بسعر ( 100 رنقت ) والمسافة 45 دقيقة

ملاحظات :

• بينانغ والكاميرون ( مثل ) لنكاوي وجنتنغ في الطبيعة ... لكن ميزة لنكاوي وجنتنغ ( أقرب وأجمل )
• لابد من الطيران ( من وإلى لنكاوي ) ... لأنها جزيرة لاتصلها إلا الطائرات

مشكور اخوي وافي الله يجزاك الجنه ..
معليش تعبتك معي ..
ولاية سلانجور قريبه من كوالا
ومن خلال التقرير الي شفت المعالم الباررزة في سلانجور هي المعبد حقهم و الملاهي

كثرة زيارة المدن بالباصات راح يكون متعب لكم
الأفضل اعتمدي جدول وافي
يومين سلانجور ... فندق إمباير اربعه أيام لنكاوي ... فندق الموتيارا يومين جنتنغ ... فندق الفيرست وورلد ثلاث أيام كوالا ... شقق السويس قاردن ريساندس
ورحلة سعيدة

حياكِ أختنا الكريمة ...
بصراحة ( سلانجور ) ... ممتعة وراقية وساحرة .. وتستحق يومين ...
راح تعجبكم بأذن الله ... خصوصا ( منطقة الصن واي ) وبوتراجايا ورحلات الكروز وبحيرة الماينز
ولو بغيتي رأي ( أخوكِ وافي ) ... هذا البرنامج الأروع لكم
يومين سلانجور ... فندق إمباير
اربعه أيام لنكاوي ... فندق الموتيارا
يومين جنتنغ ... فندق الفيرست وورلد
ثلاث أيام كوالا ... شقق السويس قاردن ريساندس

عليكم السلام
ما قصر خبيرنا و حبيبنا بوهلا ( وافى )
اقترح عليكم هذا البرامج الخفيف
2 يوم مرتفعات جنتق و الاقامة فى فندق فيرست وولد غرفة وولد كلوب
3 بينانج فندق باى فيو ريسورت منطقة الباتوفرنجى
2 يوم مرتفعات الكاميرون فندق اكواتريال ( طريقها متعب نوعا ما )
4 يوم كوالالمبور فندق دورست ريجنسى ( مناسب لكم ) قريب من شارع العرب و المجمعات التجارية
اتمنى لكم رحلة موفقة