نشر في ماليزيا

استفسارات فلل الصن واي لاجون

alrayyan

16-08-2022 - 07:54 pm

السلام عليكم ورحمة الله وبركاته
اخباركم يا اعضاء وزوار منتديات المسافرون العرب
عندي استفسارات عن فلل الصن واي لاجون
احجز ديلوكس في الفندق وعقب ارقيها الى الفيلا ********> يقولون بيطلع ارخص بحدود 850
الحجز مباشر فلل 1400 هل هالمعلومه صحيحه ...
هل مسبح الفله مكشوف !!! مثل ما اشوفه في الصور !!
وجزاكم الله كل خير ...

التعليقات (9)

alial3ud

16-08-2022 - 11:22 pm

انا حجزت في الفلل وخلاص وإن شاء الله هناك في شهر العسل بيناير وانا بعد ابغي استفسر اذا الفلل مكشوفه ..
بس نصيحه اخوي احجز الحين علشان تظمن لأنهم بس 15 فله على ما اظن ويمكن مايكون متوفر لك الحجز بالتاريخ اللي انت تباه .........
وشكرا

مهند

17-08-2022 - 12:23 am

وعليكم السلام ورحمة الله وبركاته
أخوي الريان شغلة الترقية صراحة ما عندي عنها فكرة
بالنسبة للمسبح مغطى بأشجار وبعضها يكون مكشوف نوعاً ما
إذا رحت أطلب منهم مسبح في جهة منعزلة وأفضل شي الفلل الأخيرة

ورد طائفي

17-08-2022 - 01:25 am

اتوقع تكون ارخص لك ...بس المشكله ماتضمن ..توفرها ؟؟
بالنسبه للكشف على المسبح انصحك تأخذ بالفلل المرقمة من 100- 106
انا شاهدتها مغطاءة جيدا بالاشجار ولاتشاهد اى شئ من خلفها
وسكنا بالفلة رقم ((101)) فى صيف 2007 وهذى صورة لها وواضح تغطية الاشجار

بالتوفيق ان شاء الله ومبروك مقدما

alrayyan

17-08-2022 - 02:26 am

الله يعطيكم العافيه ... بس 15 !!!! لازم احجز على المضمون !!
ما قصرت يالمهند
ما قصرتي يالورد الطائفي خوش صوره بركز على هالفلل اللي بهالارقام
جزاكم الله كل خير

alrayyan

17-08-2022 - 03:27 am

رحت اليوم بحجز كل حجوزاتي اوكي تمام ولله الحمد ...
بس الفلل صكوني بالسعر 1700 !!!! مع انهم قالولي قبل 1400
حاولت فيه بس معيي

مهند

17-08-2022 - 04:28 am

عزيزي الريان متى تاريخ حجز الفلل المطلوب ؟!

alrayyan

17-08-2022 - 05:29 am

هلا عزيزي اسمحلي ما رديت كنت في زيارة سريعة للمملكة
تاريخ 8-2-2008

دولي

17-08-2022 - 06:30 am

حاول تعرف وش انت تبي من الفيلا
يمكن اللي انت تبية ماتلقاه