وعليكم السلام
مرحبا استاذي
1 - عند نزولي للمطار ماهي الاجراءات الي تتخذ في المطار قبل خروجي منه وخاصتا امور العفش وطريقة الاستلام و تاكس المطار .
عادي جدآ مافي اي مشاكل ويمكن أسهل من المطارات عندنا اول مانزلنا من الطيارة اخذنا باص وصلنا للمطار وتفتيش عادي وختم على جوازات السفر
وبعدها طلعنا شي مثل القطار رحنا لصالة المطار الثانيه ولقينا هناك الشنط اخذناها وقبل باب الخروج حق المطار على يمينك راح تلقى مكاتب تكاسي قلهم اي فندق انت تبيه يعطونك تكت بالقيمة
ادفع وخذ التكت وصاحب التكسي راح يظهرلك بكل سهولة لانه كل مين يعرف الثاني ويدلونك عليه
2 - شريحة الاتصال كيف طريقتها وكيف اتواصل مع الاهل في فترة السياحة وكيف طريقة الشحن .
الشريحة اول ماتوصل في ناس في المطار يبيعونها او لمن تخرج للسياحة تكلم التكسي ياخذك لمكان بيع شرايح والشحن في كل مكان واغلبها المولات
3- الاماكن السياحية بكل مدينة واقتراحتكم بالجدول اليومي .
سيلانجور
اول يوم:
الراحة وممكن تتمشى في الفندق لانه مشاءالله كبير مايحتاج تخرج
ثاني يوم:
بحيرة الماينز / مدينة اي ستي / مسجد صلاح الدين
ثالث يوم
التحضير للذهاب الى لنكاوي
لنكاوي
اول يوم:
الراحة من الرحلة وممكن الذهاب الى فير شوبنق مول
ثاني يوم:
القرية الشرقية والتلفريك/ رحلة المنغروف
ثالث يوم:
التحضير للذهاب الى بينانغ
بينانغ
اول يوم:
راحة وبعد المغرب ممكن الذهاب الى السوق الليلي
ثاني يوم:
حديقة التوابل / حديقة الفراشات / حديقة الفواكة
ثالث يوم:
هضبة بينانج / المسجد العائم
رابع يوم:
التحضير للذهاب الى كوالالمبور
كوالالمبور
اول يوم:
الراحة وممكن الذهاب الى تايمز سكوير ويوجد في شارع العرب
ثاني يوم:
البرجين وحديقة البرجين / اكواريوم عالم تحت الماء
ثالث يوم:
حديقة الحيوانات اكرمكم الله زوو نيجارا / شلالات تمبلر بارك
رابع يوم:
التحضير للعودة الى ارض الوطن
اتمنى جاوبتك على الأسأله بالشكل المطلوب
ويعجبك جدول السياحة
تقبل مروري أختك في الله ... هنو

بيض الله وجهك اخت هنو
واسال الله لك التوفيق بالدنيا والاخره
ومانستغني ع مشوارتكم بكل صغيرة وكبيرة فلذلك قد يستجد جديد
دمتي بود

1. نصيحتي لك اقرا واقرا لا توفر اي شيء اقرا بكل مكان وادق التفاصيل


2. واتمنى لك رحله سعيده وشهر عسل ممتع واي استفسار انا حاظر

هلا اخوي الف مبروك الزواج مقدما والله يهينكم ويرزقكم
بالنسبه للشيء هذا لا تشيل هم ترا لوحات المطار كلها بالعربي وتدلك على الطريق
وانا بقول لك بالتفصيل ايش تسوي
اول ماتنزل من الطياره تمشي في الممر الي من الطياره الى الصاله راح تشوف قطارات تمشي تروح الين القطار الي عند البوابه الي تخرج منها او تمشي مع الناس الي معاك بالطياره
تركب في القطار ولما يوقف تنزل منه وتناظر فوق راح تلقى لوحة مكتوب فيها استلام الامتعه وتمشي شويه من القطار تلتفت على يدك اليمين قبل ماتوصل الجوازات راح تلقى شركات الاتصال وهم اذا شافوك راح ينادوك
انا شفت ماكسيوس و digi وفيه شركة ثالثه ما انتبهت طبعا انا كنت ابي ماكسيوس لاني بحثت وشفت انها الافضل وبالفعل جيتهم وتسالك تبي اتصال او اتصال ونت انت قول اتصال بس لانه النت متوفر بكل مكان وسعره بيكون غالي بالشريحه
الشريحه ب 9 رينقت وشحنت ب 30 انا اخذت شريحتين تصدق مره شحنت ب 10 رنقت ورجعت السعوديه لس ماخلصت فيها تخفيض على المكالمات الدوليه تضغط 133 والرقم وتكلم على راحتك جدا رخيصه وصراحه انا استخدمت الثري جي في كل المناطق شغال وبقوه في لنكاوي يوم مادري وش فيه خرب بس رجع واشتغل بعدها تمشي سيده الين تلقى الجوازات تروح لحرمه عشان زوجتك لازم تكشف ماراح تاخذ خمس دقايق بعدها تمشي شويه وتلقي السير حق الشنط على اليسار صراحه الشنط تاخرت كثير لانه سير واحد طويل لكل الرحلات
بعد ماتاخذ شناطك راح تشوف الناس يمشون خارجين وفيه لوحه مكتوب عليها خروج تمشي معاهم بس تعدي الشرطه وتلف يسار تلقى في وجهك مكتب التاكسي تنتظر في السرا وتقول لهم اسم الفندق انا كان فندي صن واي ريسورت جنب البيراميد واخذو علي 86 رينقت هم يسالون عن عدد الاشخاص والشنط تعطيك كرت وتمشي يلقاك المنظم للتكاسي ويقول لك انت رقمك كذا روح للتاكسي الفلاني وياشر لك عليه
انا قالو لي تنتظر بتجي سياره فخمه سالت وش هي قالو شيفروليت ههه قلت لا مابي اي تاكسي ركبنا مع واحد في سياره كانها كرسيدا 97 وكان مسرع اخذها قريب 45 دقيقه وحنا بالفندق
اسف على الاطاله اخوي لكن ادري انك في حاجة ادق التفاصيل مثل حالتي قبل اسافر

نصيحتي لك اقرا واقرا لا توفر اي شيء اقرا بكل مكان وادق التفاصيل

واتمنى لك رحله سعيده وشهر عسل ممتع واي استفسار انا حاظر

بالنسبه للفنادق حلوه ماعدا بياننغ اذا فيه امكانيه تغيره لانه قديم ومتهالك فيه عندك الهولدي ان مبنى الشاطيء وليس الجبل جدا روعه ونظيف وفخم وسعره مناسب واطلالته خرافيه وفي شارع الباتوفرينجي الحيوي وكل شيء حولك والخيار لك
باقي التفاصيل الاخت هنو ماقصرت وباقي الاعضاء ماراح يقصرو

اشكرك بعمق اخوي سالم ماقصرت واثريتني بمعلومات جيده
واتمنى منك ومن الاعضاء المميزين يذكرون لى اي ملاحظات قد استفيد منها ولو كانت بسيطه
بالنسبة للفنادق يقبل الدفع عن طريق فيزة الراجحي تسوق ؟
تحويل العملات تنصحوني بالتحويل المبلغ كامل من هنا ؟
اما فندق بياننغ للاسف ماقدر اغيره تم سحب المبلغ

توقعكم كم التكاليف داخل ماليزيا بالعاده ؟

طبعا كل فنادق ماليزيا تقبل السحبعن طريق بطاقة الفيزا الراجحي
اصلا ما نسافر الا فيها
اما الصرف فهو يختلف من شخص الى آخر
مثلا تقدر تقول من 350 الى 500 ريال يوميا
وانت المتحكم في هذه الامر مثلا وجبة عشاء
لشخصين في مطعم عربي قد تصل الى 120 رينقت
بينما ماك بسعر 17 رينقت لشخصين
وانت احسبها فالصرف من الدرجة الاولى يعتمد عليك انت شخصيا
وأي خدمة أبشر تحت أمرك ولا تتردد في أي شيء تريد أن تسأل عنه وأنا أخوك

بيض الله وجهك اخوي ابو معاذ وماقصرت يالغالي
بخصوص تحويل العمله وش هي الطريقة الافضل

من واقع تجربة شخصية لثلاث سفرات سعر التحويل من كوالا وتحديدا شارع العرب افضل
بس انا عن نفسي ما استخدم بطاقة الفيزا والسحب من بطاقة الصراف
مبلغ 1500 رينقت كل اربعة ايام او خمسة تقريبا على حسب

ابو معاذ تقصد استخدام السحب من الصرافه افضل ؟