هلا بخبيرنا الغالي الافضل قبل 4 عشان زحمة الصيف بالنسبه التدقيق علي حسب الموظف والمبالغ انت يوم شريت من المحلات و طلب من الموظف المحل كاش او عن طريق الفيزا

السلام عليكم
اولا .. روح بوقت كافي .. خاصه ان الحين صيف و زحمه بتلاقي طابور التاكس فري طويل و ياخذون وقت الناس علي ما يخلصون و الموظفين باردين و يسولفون و لاهامهم .. يعني روح علي الاقل قبل الطياره ب 3 ساعات ..
بالنسبه للتدقيق .. بال11 او 12 مره اللي سويت فيها التاكس فري بلندن .. مره وحده فقط طلبو يشوفون الاغراض اللي بالفاتوه و الباقي و لا سالو عنهم ابدا ..
انتبه لما تروح المطار اول شي روح سو التاكس فري .. قبل لا تدخل جناطك الشيك ان للطياره .. سو التاكس فري بعدين روح سو البوردينق و دخل الاغراض .. علي الاقل اذا سالوك وين اغراضك تاشر علي الشنط .. و 90% من الحالات ما يطلبون يشوفون الاغراض نفسها .. ماعدا الاشياء الثمينه مثل الساعات و المجوهرات و الموبايلات و الاجهزه الكهربائيه ..
علي الرغم من ان للكاش علي كل فاتوره ياخذون رسوم باوندين الا ان انصحك تاخذ الفلوس كاش .. حسب تجربه 70% من الفواتير اللي تحولهم علي الفيزا ما يوصلون و يروحون عليك .. فعصفور باليد احسن من 10 علي الشجره
موفق

وعليكم السلام ورحمة الله وبركاته
هلا وغلا الغالي
اذا طيارتك 5 فخلك في المطار 1 عشان يمديك اتخلص لان الطابور بتلاقيه طويل ..
ولاتنسى اتعبي الأوراق كلها ..
وللامانه من راحوا مبنى 4 والموظفين هناك الله لاايرويك !
كنت شاري غرض واحد بس وماخذ عليه تاكس فري لان غالي ولما رحت المطار حتى السيريال نمبر قاعدين ايشيكون عليه ..هذا الكلام شهر 5 ..
وشهر 4 كنا هناك وكان قدامنا طابور ولما وصل دورنا قال لنا معكم اغراض واجد روحوا للجمارك !!
طبعاً لين وصلنا اخذنا وقت وقلت له الله الغني عنكم ورحنا للطياره لانه ماعد عندنا وقت مع العلم جايين بدري ..
واي خدمه احنا تحت امرك الغالي

شكرا لكم ما قصرتوا فعلا نصائح مهمة
بالنسبة لطريقة استرجاع التاكس فري انا طلبت في بعض الفواتير ترجع بالفيزا لكنها الاقل ، والاكثر طلبتها كاش لاني ما اضمن ترجع الفلوس بالفيزا
بالنسبة للصالات الا يمكن ان تختلف الزحمة حسب الصالة، مثلا انا مسافر على صالة 3، هل هي اكثر ام اقل زحمة من غيرها ؟

يعتمد علي وقت السفر و الطيارانات
يقولون صاله 4 اعسر صاله
اسهل صاله جربتها و اسرع صاله 5 الصراحه
بالنسبه للفواتير اللي طلبتها علي الفيزا عادي بالمطار تقوله ابيهم كاش ما يمانعون الا اذا المحل يشترط الارجاع علي الفيزا ز هذا نادر

بس تأكد الغالي من الصاله ..
لأن دول الشرق الأوسط ودوهم صاله 4 الحين بدل 3

شكرا لكم على الافادة ...