2. الجو هالفتره شلونه ؟
الجو بدء يدفى ... الظهر الشمس حارة ...بس العصر والمغربية يعتدب الجو...
3. جديد الديره شنو ؟ ذكرونا بمجمعاتهم واماكن التمشي
عندك مجمع السيتي سنتر احدث مجمع ....... ومجمع السيف ... مجمع الدانة ..... مجمع العالي .... مجمع البحرين...
الجديد ممكن اتزور جنة دلمون المفقودة ( حديقة مائية فيها الكثير من برك السباحة والالعاب المائية وتستاهل الزيارة).
4. بالنسبه للمجمعات هل يدخلون الشباب يوم الجمعه (الويكند) والا يمنعونهم ، والساعه كم تفتح يوم الجمعه؟
بالنسبة للمجمعات طول الاسبوع مسموح للشباب والمجمعات تفتح 10 الصبح ....
6. ودي اعرف حلوى الشويطر منو اقدم واحد فيهم والا فيه احسن من شويطر ؟
كل محلات حلوى شويطر ممتازة .. وتلاقيها في سوق المحرق الشعبي وتقدر اتجرب وتحكم.... وراح اتلاقي بعد محلات حلوى مروج المحرق جرب الاثنين وشوف ايهم يعجبك..
7. وبعد ممكن اسامي و مواقع النت لشركات الاتصالات في البحرين مع الاسعار التقريبية لخطوط التعبئه ؟
شركات الاتصالات في البحرين...
زين http://www.bh.zain.com/portal/page/portal/home
بتلكو http://www.batelco.com
بس مو متأكد من اسعار التعبئة لاني ماقط استعملتها .. وإن شاء الله الاعضاء راح ايفيدونك
وكل التوفيق ان شاء الله في رحلتك .. واتنورون البحرين بطلتكم علينا....

ماشاءالله اخوي بحريني كفى ووفى
وبالنسبه للسكن انصحك بأي فندق من مجموعة اليت وهذا الرابط فيه معلومات عن السكن بالبحرين

وممكن تشوف شقق محمود بلازا او طارق المؤيد

ماقصر اخونا بحريني وافتخر ومزون البحرين
دامك مبطي عن البحرين اضرب حسابك لان الاسعار ارتفعت او بمعنى اصح اندبلت
اما الاتصال من مجرد دخولك للبحرين سوف تردك رسالة اختيارية اذحبيت تحول اتصالك لشركة زين او بتلكو خلال تواجدك بالبحرين او لا والفائدة انك تكلم داخل البحرين بسعر المحلي اما اذا لم تحولها فان جميع مكالماتك تحسب
مكالمات دولية
تحياتي لك

مشكورين جميعا وجزاكم الله خير وماقصرتم
والله يسهل
بس ما احد ذكرنا بوصف الطريق ؟؟؟
بالانتظار
وشكرا

ماقصرو الاعضاء تروح وترد بالسلامه

اخوي بالنسبه للطريق لمن تطلع من منفذ الخفجي او النويصب
تمسك طريق اسمه طريق ابو حدريه
وسيده يوقفك في الجسر الطرق لك عليه بسبب الشاحنات وقبل البحرين ب 30 كيلو الطريق يصبح سيء
لاكن سيدين وجيد بشكل عام

الله يعينك على الدرب وتحملو بروحكم
بالنسبه للشقق الاخت مزون ماقصرت شقق اليت من افضل الشقق عندنا في البحرين
واذا ماعندك تسكن في الزحمه فشارع المعارض الشقق اشكثرها
ومنطقه الجفير ايضا ولو ان زحمتها اقل من الجفير
لكن هالاسبوع عندنا الفورملا والحجوازت كلها Full والاسعار مرتفعه وايد
وطبعا مافي على حلوى شويطر في سوق محرق الشعبي ومكانه بعد ماتنزل الجسر القديم اللي يربط المنامه بالمحرق على طول بتقابلك اشاره ضوئيه تدخل يسار وبتلقى المحلات مصففه يم بعض
وطبعا حاليا مروج المحرق مستواه نفس مستوى حلوى شويطر
بالنسبه للمجمعات بحريني وافتخر ماقصر
لكن انصحك بالمطاعم اللي لاتكون في المجمعات ومنها مطعم روما في ام الحصم صج غالي شوي لكن مطعم رائع
وعندك مطعم نينو وهو بين مجمع العالي والسيف اكله اطالي جداا حلو
وفي مطعم يديد بصراحه ماتذكر اسمه لكن هم بجانب فندق الرتز كارلتون في السابق المطعم كان اسمه بلو ايليفنت
اللحين فتحوا مطعم ثاني مكانه وجفت اعلانه شكله وايد حلو
واذا انتو تحبون اللعب والمرح بعيدا عن البرستيج والكشخه انصحك وبقوه تروح منتزه عين عذاري المكان وايد حلو والالعاب احلى
واذا تحبون الطبيعه روحو محميه العرين بتنسى انك في البحرين لان الطبيعه اهناك والخضره شي رائع
اذا تحبون السيارات والسباق عندك رالي تاون بجانب عين عذاري وتقدر هناك تسوق سيارات السباق اللي مثل الفورملا بس على احجام اصغر
على العموم هاذي اللي يحضرني حاليا واسمح لي عالقصور

الله يسلمكم
ماشاءالله عليكم ، ماقصرتم
اشكركم كلكم وعساكم عالقوه
بس بغيت اعرف كم سعر التأمين ؟
وبالنسبه للفورملا متى يخلص ؟
وهل بالفعل انه في بالبحرين فنادق او شق ما تسكن شباب (يعني عوايل فقط) اذا صحيح ياليت اعرف اسمائهم ؟
مع الشكر

آخر يوم للفورميلا هو الاحد الجاي تاريخ 26
والتأمين 7 دنانير اذا ماخاب ظني