اختي منوره
ياريت تعطينا تاريخ الوصول بالضبط الى المطار و الساعه كم و تاريخ المغادره باي ساعه كما هو في التذكره
علشان نعطيكي جدول مميز

عفوا كان فيه خطأ بتاريخ الاقلاع
يوم الاثنين الموافق11 فبراير الساعه 10:30 مساء
الوصول الساعه 1:35 ظهرا
العوده
تاريخ 24 فبراير
الاقلاع الساعه 8:50 صباحا

كا الصوره واضحه
وصولكم بتاريخ 12 فبراير و اقلاعكم بتاريخ 24
عندك 12 يوم
جدول مميز
2 سلانجور فندق صن واي بيراميد
4 لنكاوي فندق لنكاوي لاغون او ارقى شوي منه ميرتوس بلانجي بيتش
2 جينتينق فندق فرست وورلد ( غرفه كلوب )
4 كوالالمبور فندق تريدرز او رويال شولان او دورست ريجنسي
في ماليزيا بتلعبوا بخطة 2-4-2-4 وهي خطه هجوميه على ساحات ماليزيا الخضراء كل ما يلزمكم خطه محكمه للتنقلات وستكون كالتالي
من سلانجور الى لنكاوي طيران اير اسيا والمسافه 55 دقيقه
من لنكاوي الى جينتينق طيران اير اسيا الى مطار كوالالمبور lcct ومن المطار تاخذوا تاكسي او باص الى جينتينق ( تاكسي بسعر 180 رنجت )
من جينتينق الى كوالا تاكسي بسعر 70 والمسافه 50 دقيقه

الله يعطيك الف عافيه اخوي
ياليت التابع معي بتعبك بالاسئله
الجدول حلو بس جنتنق مافكرت اخذ فندق يعني يوم اروح له من كوالامبور لانه مثل ماقلت المسافه 50 دقيقه بسيطه
سؤال اخوي
بورت ديكسون كم تبعد عن كوالا
والفنادق اقتصاديه اللي قلت عنها

2 سلانجور فندق صن واي بيراميد
4 لنكاوي فندق لنكاوي لاغون او ارقى شوي منه ميرتوس بلانجي بيتش
4 كوالالمبور فندق تريدرز او رويال شولان او دورست ريجنسي
1 بورت ديكسون
ممكن كذا يكون الجدول
بين كوالا وبورت ديكسون ساعه ونص و المشوار تروحوه بالتاكسي
الفنادق اقتصاديه وجميله ومجربه ايضاً

بعد مناقشات مع زوجي اتفقنا على هذا الجدول
2 سلانجور
3 لنكاوي
7 كوالامبور ومنها يوم لجنتق
استفسارتي كالاتي وتحملني
السؤال الاول:
ابغى ترتيب الفنادق متى الوصول ومتى المغادره عشان احجز
السؤال الثاني:
بخصوص الجوزات ممكن اخليها بالفندق ولا اخذها معي وين ماروح
السؤال الثالث:
عشر الاف ريال تكفي مصاريف من تكاسي واكل والعاب
السؤال الرابع:
كم اسعار العاب الصن واي والعاب جنتنق
السؤال الخامس:
تكاليف التكاسي بحدود كم

هلا أختي الكريمة ...
تفضلي ترتيب الأيام بالتواريخ ... حسب تقسيم الأيام :
2- 14 ( يومين سلانجور )
4- 17 ( ثلاثة أيام لنكاوي )
7- 24 ( سبعة أيام لنكاوي )
وتفضلي الرد على باقي الأستفسارات :

• الجوازات خليها في ( السيفتي بوكس ) صندوق الأمانات داخل الغرفة
• أحسبي حسابكم ( 500 ريال ) يوميا مصروف يومي ... يعني 6000 ريال لمدة 12 يوم
• الصن واي لاقون ... سعر التذكرة ( 100 رنقت ) للشخص
• ألعاب جنتنغ ... سعر التذكرة ( 80 رنقت ) للشخص
• التكاسي حسب الأتفاق بالمشوار ... ولابد من المطاسرة
• تحتاجين جولة مرة وحدة في كل مدينة ... سعرها 100 رنقت لمدة أربع ساعات تزورون فيها أهم المعالم

أشكرك اخوي وافي
تحملوني يااخواني / ممكن اذا وصلت مطار كوالالمبور اقوم بحجز طيران اير اسيا الى لنكاوي بعد يومين ؟؟؟ ينفع كذا ولا لازم عن طريق النت ؟؟؟
الان البوكينق الاسعار اللي ظاهره امامي شامله للضرائب ولا بدون الضرائب ؟؟؟
اشكركم

هلا أختنا الكريمة ...

• تقدرين تحجزين من مطار كوالا أول ماتوصولون ... على الخطوط الماليزية ...
• السعر الظاهر في بوكينق بدون الضريبة ... أضربي السعر المكتوب في ( 1,16 ) ويطلع الناتج مباشرة