عذراً لم انتبه لوجود قسم مخصص للاسفتسارات
وللأسف لا املك صلاحيات نقل او حذف الموضوع
ولا أملك صلاحيات انشاء موضوع آخر جديد في نفس اليوم
ارجو نقل الموضوع مع الشكر الجزيل.

وعليكم السلام ورحمة الله وبركاته
1- في حالة كان رب الاسرة متقاعد هل هناك بديل ل (التعريف بالراتب من جهة العمل)؟
متقاعد يجيب كشف حسابه يبين راتبه حق التقاعد
2- هل يتوجب احظار كشف حساب بنكي ؟ وكم مدته؟
6 شهور لحساب الراتب
3-هل يتوجب احظار نسخ لحجوزات الطيران والفنادق وهل ترفق مع كل فرد ام لرب الاسرة فقط؟
فنادق فقط وترفق لكل شخص
4- أين يتم تقديم الطلب في مدينة الرياض (للسفارة الالمانية ام لمكتب معين) ؟ ومواعيد العمل في شهر رمضان؟
ادخل موقعهم وخذ موعد لكم كلكم وموقعهم بالرياض على الملك فهد عند شركة الكهرب
5- هل يتوجب حظور الجميع للسفارة الالمانية للمقابلة والتبصيم (العدد كبير!!)؟ ام لرب الاسرة فقط ؟
نعم كلكم اما اللي تحت 12 سنة ما يحتاج يحضر
6- هل الدفع كاش للسفارة ام يتم الدفع عن طريق موقع معين؟ وكم قيمة الفيزا؟
كاش للمكتب .. والقيمة اظن حول 500
7- اين يمكنني تحميل النماذج المطلوبة؟
ادخل هالموقع واطبعهن
http://de.vfsglobal.sa.com/download.aspx

معليش لو فيه وصف ادق لمكانه ، وين شركة الكهرب؟
انا اعرف شركة الكهرب على طريق التخصصي مقابل يوروماشيه
ودخلت موقعهم هذا:
de.vfsglobal.sa.com
ومكتوب ان الوصف في مجمع اسمه دوف (هايبر بنده) في الدور الاول على شارع ام الحمام
هل هذا هو المقصود ؟
ايضاً لما بغيت اسجل موعد لقيت اني مااقدر احط اكثر من شخص ، هل كل شخص له موعد منفصل؟ والا يكفي اسوي موعد لشخص واحد؟
ايضا ايش الفرق بين الموعد العادي وال VIP ؟
وبجميع الاحوال ، اي خيار احاول اختاره تطلع لي الرسالة التالية:
No date(s) available for appointment.
وش الحل؟

المركز في المجمع هايبر بنده
وكل شخص له موعد منفصل

طيب ليش مااقدر اخذ موعد حالياً ؟ هل فيه ساعات معينة مثلا ؟
وايش دواماتهم في رمضان ؟
ايضاً سؤال اخير
هل من المرة الاولى اجيب العائلة معي؟
والا اقدم الطلب ثم آخذ موعد للمقابلة ؟

انا شيكت على موقع المواعيد وحصلت كل الاقسام مقفله
مافيه الا حل وحيد وهو انك تذهب الى المركز وتاخذ موعد يناسبك

ساعات العمل في موقعهم مكتوب من الساعه التاسعه صباحاً الى الساعة الخامسة عصراً
هل الكلام هذا نفسه في رمضان والا يختلف ؟

دام الكلام في موقعهم فهو صحيح

ياشباب ، لدي جواز وفيه مرافق في الجواز (يعني شخصين في جواز واحد)
ولما جيت اخذ موعد مشت مع الشخص الاول في الجواز
لكن مع المرافق قال ان رقم الجواز تم ادخاله من قبل
هل المرافق مايحتاج اطبع له موعد ؟ والا فيه طريقة معينه ؟
والسؤال المهم ياشباب
هل من اول يوم اجيب العائلة كامله ؟ والا اروح لهم اول بالمواعيد وهم يطلبون حظور من عدمه؟
اخاف اروح لوحدي ثم يقولون جيب العائلة كاملة ثم يروح علي الموعد واخذ موعد من جديد
والوقت ضيق بصراحه... فياليت توضحون لي المسألة هذي
مع الشكر