ثامر111
14-05-2022 - 11:20 am
السلام عليكم ورحمة الله وبركاته
طبعا انا من صيف 2009 وانا اخطط للسفر للندن لاتستغربون هالمدة الطويله والله يخلي تقارير حبايبنا الاعضاء الي حفظتها ,, لكن ماكتب الله السفر بالصيف الي راح رغم اني حجزت وخلصت تذاكر وفندق وغيره
السؤال /
انا باذن الله سفري بعد اسبوعين لمدة 7 ايام
والكل عارف الجو برد وثلج؟؟ طبعا بفرض اني حلبس لبس كافي ويدفي من البرد
هل الاماكن السياحية بتكون معلقه مثل متحف الشمع وعين لندن والمحلات الي باكسفورد وغيره
وهل يسوى اني الغي السفره الي انتظرها من سنه ونص عشان الثلج بس
يعني الثلج سيء لهالدرجه ؟؟ والا التمشي بالثلج صباحا حلو ووناسه زي مايقولون ؟
وانا رايي ان ممكن شكل المدينه بالعكس ممكن يطلع حلو بالبرد لواحد بعمره ماشاف ثلج
وانا من النوع الي ممكن عادي اجلس بالسكن على النت واتفرج على الشارع
طبعا انا حسافر عند واحد من الشباب يدرس هناك من سنتين وعارف الجو والاماكن والوضع بالبرد وقالي الرجال تعال
بس طبعا رايكم مالي غنى عنه
بانتظار ارائكم
ولكم حبي وتقديري واحترامي
اخوكم ثامر
السفر في البرد والشتاء له لذة خاصة..خصوصا لمن حرم من الثلج والمطر في بلاده مثلنا شعوب الدول الخليجية..
فإذا كنت تبحث عن الثلج والتمشي والأسواق والمحلات فستجدها مافي خوف والمتحف موجود أيضا ولا يغلقا إلا في ليلة الكريسماس وليلة رأس السنة اما لو كان في مخططك مدن العاب وتمشي بحدائق وركوب كروز وأشياء من هذا القبيل فإنسى لأن معظم المدن الترفيهية تكون مقفوله هالفترة وراح تنحرم من الخضار ومن الورود ومن التمشي في الهايد بارك ..
هذا اللي راح يكون وانت أدرى بطبيعة اهتماماتك...
حدد واختار..
خالص امنياتنا بسفرة سعيدة..ولا تنسى التقرير لما ترجع بالسلامة