حدد تاريخ الذهاب والعودة
وهل المبلغ شامل للتذاكر ولا لا ؟
وابشر

التاريخ الي انا ابيه للذهاب هو 23 يوليو والعوده في 6 من أغسطس
شامل التذكره ,, وممكن ما يكون شامل بس انا محطي ميزانيه 25 مكسمم وممكن تكون 30 الف

السلام عليكم
اول شئ مبروك منك المال منها العيال
وثاني شئ وين الحلوى المكسرات والا بلاش
ثالث شئ تروح وترجع للارض الوطن سلاماً غانماً

أبرس
ههه فرحت لما شفت ردك ع بالي جايب لي شي مفيد
جزاك الله الجنه

مبروك الزواج ربي يسعدكم
لن افيدك وهناك من هو أفضل واخبر مني
ولكن نصيحة /
(( كون المسافة بعيده ودرجة الضيافة ممله ومتعبة انصحك بدرجة رجال الاعمال ))
كل الود

التاريخ الل يانت تبيه وسط السيزن يعني زحام الزحام في الحجوزات اخوي اعتقد انك ما جربت تسئل عن الحجوزات اسئل اولا لانك قد لا تجد حجزا مناسبا في الوقت اللي تطلبه
وقبل كل شيء مبروك الزواج والله يرزقك الذريه الصالحه
مده سفرك حسب ما حددته تقريبا بحدود 12 يوم انصحك ما دمت عريس تطلع بالي عن طريق احد الخطوط اللي تتوجه اليها مباشره سنفاوريه او قطريه وتكون فيه محطه ترانزيت قبلها
وان ما وجدت رحله تناسبك ولا تبي ترانزيت تخلي سفرتك بين جاكرتا وبونشاك وباندونق هذي مناطق ممكن توصل لها هناك بالسياره دون الطيران بين مطارين داخليين
الميزانيه كافيه وافيه وواجد وانااخوك

مهرب مشاعر
هلا بك ياعريس الف مبروك وشهر عسل سعيد ان شاء الله
يسعدني اني اقدر اساعدك وافيدك عالعموم بعطيك تقسيمين ل 12 يوم وانت اختار اللي يناسبك:
يوم جاكرتا _ 3 ايام الجبل _ يوم باندونق _ 5 ايام بالي _ يومين جاكرتا ........> هذا فيه تنقلات
يوم جاكرتا _ 4 ايام الجبل _ 5 ايام بالي _ يومين جاكرتا .........> هذا مافيه تنقلات كثيره
بالنسبه للميزانيه راح تكفيك وزياده ان شاءه الله شامله كل شيء حتى التذاكر .
بعطيك بعض خيارات السكن هناك :
جاكرتا :
فندق جران ميليا _ منهاتن _ ميركوري _ استون مارينا
الجبل :
فندق سيروني 2 او سيروني 3 _ بالنسبه للفلل ماجربتها .
باندونق :
استون تروبيكانا
بالي :
ميركوري _ هاريس _ استون نوسا دوا
بالنسبه للفيزا من المطار تكلف للشخص الواحد لمده شهر 102 ريال يعني شخصين 204 ريال .
بالنسبه لحجوزات الفنادق عندك مكتب كاها بتلقاه في المطار وبتلقى له فروع كثيره في اندونيسيا احجز من عنده جميع المناطق ماعدا الجبل رح للفنادق اللي ذكرتها واحجز منها مباشره .
للملاحظه : الجبل يفضل زيارته من الاثنين الى الخميس او الجمعه بالكثير وذلك بسبب الزحمه لان اهالي جاكرتا يجون كل سبت و احد يقضونها في الجبل مما يسبب زحمه وزياده في الاسعار فتجنب انك تروح لها في هالفتره .
بالنسبه لحجز الطيران لبالي :
عندك مجموعه خطوط طيران منها :
ليون اير _ بتافيا _ اير اسيا _ مرباتي .
نصيحه احجز التذاكر من مكتب طيران ارخص لك من مكتب سياحي .
وراح تكلفك التذاكر لشخصين ذهاب واياب تقريبا بحدود 550 ريال
بالنسبه للصرف خل فلوسك بجيبك بس انتبه عليها واول ماتوصل لمطار جاكرتا بعد ماتخلص اجراءاتك راح تلاقي مكاتب صرف كثيره بوجهك change money
اصرف الى روبيه ونصيحه لاتصرف المبلغ كامل كل فتره اصرف جزء يعني مره الفين مره ثلاثه وهكذا بس لاتصرفها كلها مره وحده .
جاكرتا :
هذي بعض الاماكن السياحيه هناك
1- حديقة الزهور
2- تامان سفاري
3- بحيرة الليدو
4- مصنع الشاي
5- مسجد التعاون
6- بحيرة فينسيا داخل مجمع ( كوتا بونقا )
7- حديقة الفراوله
8- الشلالات السبعه
9-شلال شبنس ( اذا ماخانتني الذاكره )
10-حديقه الفراشات
باندونق :
الاماكن السياحيه :
بركان تانكو بان والمياه الساخنه و شلالات ماربيا و شلالات سيماهي و متحف آسيا و حديقه الفراوله .
بالنسبه للسكن في باندونق عندك استون تروبيكانا جدا حلو وتروح لشارع الجينز على رجولك .
بالي :
اما بالنسبه للمناطق السياحيه فهي كثيره مثل :
1) بودو قول بحيره براتان
2) شاطىء الواتو
3) حديقه الفيله
4) حديقه الطيور
5) شاطىء التناه لوت
6) سفاري بالي ومارينا بالي
7) حديقه القرود
8) تارنتا قانقا قصر الماء
9) شلالات قت قت
0- شاطىء نوسا دوا
1- شاطىء دريم لاند
2- شاطىء جيمبران
3- بركان كنتا نامي الخامد
4- شاطىء كوتا
5- الغواصه
6- حديقه الالعاب المائيه
7- البالون
8- الحديقه الوطنيه GWK
هذا طبعا غير المعابد والمصانع ومزارع الارز اللي راح تشوفها بكثره هناك .
هذا كل اللي اذكره وتقبل تحياتي ومروري واي استفسار انا حاضر وارجع اقول الف مبروك .