بالنسبة للسكن لايفوتكم شقق ميركوري سليبي لان موقعها قريب من مراكز تجارية وفنادق ممتازة والفطور اكثر من ممتاز وبركة السباحة حلوة مرة0
الشيء المهم انهم في المطار قالوا لي السعر 700000 روبية للشقة غرفتين0 تركتهم وخذت تاكسي ورحت للشقق مباشرة وهناك عطوني سعر 580000 قلت موافق0 دفعت اجار ليلة واحدة وقلت لهم بكرة اصرف فلوس وادفع الباقي0
يوم ثاني الصباح نزلت الاستقبال وسالت رئيسة الاستقبال عن الفطور قالت انت حاجز من غير فطور0
قلت كم يكون السعر مع الفطور؟
قالت 480000
قلت لها كيف يصير ادفع 580000 من غير فطور والان 480000 مع الفطور؟؟؟؟؟
قالت امس الموظف عطاك هالسعر بدون فطور والان انا رئيستهم وبعطيك 480000 مع الفطور0
قلت لها okkkk
ومشى السعر على 480000 بدل من 580000 وبدل من 700000 سعر المطار
على شان كذا اللي في المطار نصابين او اسعارهم قديمة 0
العيب الوحيد انها بعيدة عن داخل البلد0 يعني بالتاكسي الى منقا دوة مايزيد عن 24000 روبية مع التولز
التاكسي من الشقة الى المطار 33000 روبية blue bird
طبعا تلفونهم موجود في المنتدى وحاولوا تحجزون قبل السفر بيوم
شقق كواليتي سويتس جاوندا زينة بس يعيبها انها في حي شعبي فقير ( اخاف اطلع في الليل) ولا حولها سوبر ماركت ولا مطاعم عدلة