اليازي-UAE
وعليكم السلام حياج الله اليازيه
بتنور الكويت بجيتكم
الكل يقول الافضل فندق مارينا
بس انا احس فندق كورت يارد ماريوت (اهوا نفسه فندق الرايه)
افضل لانه بالنص
سهل انج تروحين السالميه "مارينا,الفنار و باقي المجمعات"
و سهل تروحين "مجمع الرايه و شرق و دار العوضي"
و سهل بعد تروحين "الافينيوز"
و سهل تروحين "مجمعات حولي كالمهلب و البحر سنتر و بيروت"
و هم افضلج من زحمه شارع الخليج
و هذا رايي

بتنور الكويت بجيتج ماتصدقين الكويت راح تكون تنتظرج عند المطار(قويه) المهم عندج الماريوت هدوء وبنص الديرة مثل ماقال الاخ الي قبلي وبعدين ماريوت فيه مجمع الصالحيه فيه ماركات العالميه موموجوده في المجمعات الثانيه وفندق المارينا حلو وعلي البحر بس عيبه ازعاج وزحمه ويكثرون فيه الشباب الي ماعندهم شغل فندق الرايه حلو وهادي بس ارشحلج الماريوت وزيارة موفقه ان شاء الله يارب بزيارتج توخر عننا الغبار ورحب

^
^
هلا بهمبكه
الكويت منوره بأهلها ياقلبي
طلع الماريوت اهو نفسه الرايه ههه
مشكوره عالتوضيح ياغاليه
طيب سؤال ياهمبكه وين المحلات اللي تبيع الجلابيات الحلوه

هلا وغلا باختي اليازي هذه الساعه المباركة اللي نتشرف بتواجدج معانا بالكويت
اختي اذا عندكم سيارة ماراح تفرق معاكم ابدا فندق الكورت يارد ماريوت فندق راقي وجميل وحديث وفي وسط العاصمة مدينة الكويت وفندق مارينا هو طبعا 5 نجوم على شاطى الخليج في منطقة السالمية التجارية حيث معظم مراكز التسوق والترفيه والمطاعم والواجهة البحرية بتلك المنطقة طبعا فندق مارينا مميز في كل شي على البحر وبه مارينا لليخوت ومركز تسوق المرينا مول ومارينا كرسنت للمطاعم والمقاهي يفصلهم جسر مشاة مكيف وهذه صورة لفندق مارينا
هذا هو الموقع الاكتروني لفندق مارينا http://www.marinahotel.com/
]
بالنسبة للكورت يارد ماريوت هذه بعص الصور للفندق

اتمنى لكم طيب الاقامه مقدما وحياكم الله

عزيزتي اليازي
انا توي راجعه من الكويت امس .. و سكنت في مارينا .. بصراحه رائع .. و ما تحسين بالملل هناك ..
و الكورت يارد اعرفه .. فخم و حلو و يفتح عليه مجمع الرايه ..
و قريبه منه مجمعات العاصمه ..
كلا الفندقين حلوين .. بس اذا مدتك طويله خلك في المارينا اونس..
لو يومين الكورت يارد افضل ..
هذا رأيي..

هلا فيج اختي
اذا تبين وناسة روحي فندق المارينا خوش فندق بس مثل ما ذكرو الاخوان الزحمة اهي المخربه
فندق كورت يارد ماريوت هم فندق زين متصل بمجمع الراية (فيه الكثير من الماركات العالمية) مكانه بالعاصمة بمنطقة شرق
وفي بعد فندق ماريوت ثاني اللي اهو جي دبليو ماريوت بمنطقة الصالحية بالعاصمة فندق فخم متصل بمجمع الصالحية اللي فيه الكثير من الماركات
انا رايي فندق كورت يارد ماريوت لانه بالنص ومثل ما ذكرت اختي همبكة قريب على كل شي واحسلج من زحمة المرينا

و عليكم السلام و رحمة الله...طبعاً مثل رأي الأخوان,,,
في فندق المارينا الرائع.
و هذه عن تجربة لي...
و هذا لا يمنع من السكن في فندق الكورت يارد ماريوت المميز أيضاً.
و لكم الإختيار...و توجد بالقرب من السالمية منقطة "البدع" الساحلية...
و هي منطقة رائعة و هادئة أشبه بمدينة الجميرة عندكم صوب المنتجعات.
و تضم عدد جميل من الفنادق و المنتجعات الراقية و أغلبها جديدة...
و هي منطقة لا تفصلها عن السالمية سوا "دوّار" فقط...!
Movenpick Hotel & Resort Al Bida'a
فندق و منتجع موفنبك البدع

التصنيف : مع مرتبة الشرف!!!
العنوان : طريق التعاون, البدع.
Tell : (+965)2253100
الموقع الإلكتروني
معلومات : أحدث فنادق و منتجعات الكويت و يتميز بموقعه المميز و فخامته و تعدد أنواع السكن فيه.
أنواع السكن:-
1- الغرف : سوبيريور - ستاندرد - ديلوكس, و تبدأ اسعار الغرف من 50-55 دينار.
2- السويت : غرفة - غرفتان - ثلاثة غرف, بمتوسط سعر 130 دينار.
3- امباسدور سويت(نظام شقة) : غرفتين - ثلاثة غرف.
4- فيلا بأربعة غرف, مكونة من طابقين, و بها صالة واسعة مع مطبخ و غرفة طعام.
محتويات : يضم الفندق بالخارج عدد كبير جداً من الكافيهات و المطاعم الفاخرة(12مطعم و مقهى تقريبا).
The Palms Beach Hotel & Spa
فندق و منتجع شاطئ النخيل

التصنيف : يستحقها بكل جدارة
العنوان : طريق التعاون, البدع.
Tell : (+965)5646266
الموقع الإلكتروني
معلومات : يعد فندق و منتجع النخيل من أبرز المنتجعات في البدع و أفضلها, و يضم أفضل انواع السويتس التي تحسس الزائر بالراحه.
أنواع السويت:-
1- بالمز1, 2- بالمز2, 3- اكسكيوتف سويت.
4- سويت مطل عالبحر, 5- رويال سويت, 6- امبيريال سويت.
محتويات : يوجد في هذا المنتجع عدد من المقاهي الخارجية مثل ستاربكس و غيرها و مطاعم الراقية.
Radisson SAS Hotel
فندق راديسون ساس

التصنيف :
العنوان : طريق التعاون, البدع.
Tell : (+965)5673000
الموقع الإلكتروني
معلومات : فندق راقي, ذات غرف واسعة, يوجد في هذا الفندق أكبر بوم خشبي في العالم"متحف+مطعم+قاعة إجتماعات", و عدد من المطاعمم الفاخرة.
محتويات : يوجد في هذا المنتجع عدد من المقاهي و المطاعم الفاخرة, البوم الخشبي, المتحف.تمنياتي لكم بقضاء إجازة سعيدة.

bostoon ma
منوره بأهلها الله يسلمك
الف الف شكر ماقصرت على هالمعلومات

ترافلز مان
مشكور وهذا العشم فيكم يااهل الكويت
بس انا ماعندي سياره وبعتمد على الليموزينات
ورايحه weekend فمن كلامك اشوف المارينا افضل عشان اكون قريبه من كل شي
مزون
هلا بالغاليه
الحمد لله عالسلامه عزيزتي
وكالعاده ماقصرتي
alrashedq8
الف شكر الله لايحرمني من طلتكم وتعاونكم
Dhari
تستحق الشكر وبكل جداره
ماقصرت على المعلومات والصور الرائعه
اخجلتني بتعاونك
الف شكر