هلا فيك ... هادروسفيلد ... عشت فيها سنه و نصف ... أيام الابتعاث
هادروسفليد تعتبر مدينة صغيرة .. تقع في مقاطعة يورك شير ... شمال شرقي ...
وتقع بين ليدز 15 دقيقة بالقطار و مدينة مانشيستر 35 دقيقة بالقطار
يوجد في هادروسفيلد جامعة و هي تحمل نفس اسم المدينة.
توجد عدة مساجد فيها ولكن تختلف المذاهب فيها.
محلات الحلال منتشرة والأسواق العربية موجودة.
يوجد مركز المدينة في سوق مركزي واحد فقط.
المدينة ليست كبيرة جدا.
هذا باختصار عن المدينة ... إذا فيه سؤال معين حاضر وراح أفيدك
وحياك الله

sultankingdom
تسلم اخوي ماقصرت
لاني ان شاءالله اذا الله اراد راح اروح ادرس فيها شهر 9 القادم
وسمعت معلومات بسيطة عنها و حاب اخذ معلومات اكثر
شلون السنتر مالهم؟
في محلات كبيره للتسوق ؟
مثل دبنهامز - برايمارك - ارجوس - بوتس ... الخ
نفس المحلات الي تكون متوفرة في كل المناطق في بريطانيا
و بالعطل او الويط اند وين ممكن نروح؟

هلا فيك مره ثانية ...
بالنسبة السنتر صغير ولكن كل شي متوفر فيه.
فيه مجمع متوسط في العديد من المحلات ، كل المحلات للي ذكرتها موجودة.
العطل أنصحك تطلع ليدز او مانشستر لانها اقرب مدينتين.

جمييل
شاكرلك من كل قلبي و مالقيت احد يرد على اسئلتي بخصوص هادروسفيلد غيرك
فتحملني شوي
سؤال اخير بخصوص السكن
وين افضل اماكن للسكن حيث تكون قريبة من الجامعة؟
و بشكل عام جم ايجارات الشقق؟

حياك الله بلعكس هذا الهدف من وجودنا هنا للمساعدة وقديم التجارب والنصائح لبعض
شوف بالنسبة للسكن يختلف الاسعار ولكن هادروسفيلد من المناطق للي بشكل عام
ايجارتها رخيصة ولا فيها مقارنة بين مانشيستر مثلا او ليدز .
ولكن مثل ما تفضلت اذا كان قريب الجامعة طبعا , عشان تكون في الصورة في هادروسفيلد جامعة واحده فقط تحمل اسمها .
فيه سكن مخصص للطلاب و هذا اقرب شي فقط انك تقطع الشارع وتكون في الجامعة تمام .
غير ذلك مسجد الجامعة مقابل لسكن ولكن يمكن يعيب على السكن قربه من الشاعر العام والازعاج السيارات والماره .
اما اذا حاب تسكن في الاحياء ممكن تحصل الاسعار اعلى بشي قليل
ياليت اذا تعلميني كم غرفة تبي ؟
وهل عندك عائلة بتسكن معاك ؟
ممكن اتواصل مع زميل لي هناك ينسق لك ارقام تواصل او ايميلات اصحاب المكاتب التاجير
وحياك الله مره ثانية

تسلم يالغالي والله انك فرحتني بمشاركتك
انا راح تكون معاي زوجتي هناك فقط
يعني اذا حصلت غرفة و صالة حلو
واذا حصلت غرفتين وصالة بسعر مناسب هم حلو
وبخصوص الاحياء هل تكون قريبة ام بعيده من الجامعه؟
و ايجاراتها بحدود كم تقريبا؟ 400 - 500 باوند مثلا؟ اما اكثر او اقل
وكيف يكون التنقل من الاحياء الى الجامعة؟
و النقطة الاهم الاحياء امنة؟ لان انا راح اكون بالجامعة و زوجتي اغلب الوقت راح تكون لحالها بالشقة
و الف الف شكر وعسى ربي يوفقك و يرزقك كل ماهو خير ان شاءالله

حياك الله ,, اخوي
بالنسبة للتفاصيل السكن ما اعرف الاسعار بضبط لاني سكنت في 2010الي 2011 وتعرف ممكن يكون في فرق
ولكن ممكن اني اوصلك بزميل لي تتواصل معاه بالتلفون او الواتس اب ,, وما راح يقصر معاك بإذن الله.
بالنسبة لسكن من الجامعه كل المدينة قريبه لبعض لانها مو كبيرة مره وبكذا المسافات قريبه الي نوعا ما .
بالنسبة للموضوع دراستك واهلك في البيت ما في مشكلة ان شاء الله
اذكر في عدة طلاب سعوديين شققهم جنب بعض وكانوا العوائل تزور بعض في اوقات الدراسه لزواجهم يعني مثل الحارة يسلون بعض
ان شاء الله تتيسر امورك ولا تشيل هم بحيل الله
اذا حاب اعطيك التلفون راح ارسله لك على الخاص وتتواصل معه .

شاكرلك اخوي سلطان
و جزاك الله خير
اي والله ياريت لو تعطيني رقمه
عشان ابي اعرف شنو الاماكن والاحياء الافضل للسكن