نشر في بريطانيا

استفسار عن عربة الأطفال في الطائرة

كتكاته

12-12-2022 - 10:29 pm

السلام عليكم
اخواني استفسار صغير وهو هل مسموح اخذ عربية الاطفال معنا في الطائرة؟ هل يعتمد على حجمها ام من الاصل ممنوع؟؟ وقد سألت بعض الأقارب ومنهم من اخبرني عادي و بعضهم قالوا لا فاحترت صراحة ..
ومشكورين

التعليقات (9)

Hamad_Qatar

13-12-2022 - 01:31 am

المفروض تشحنونها وتاخذون وحده من عندهم مؤقته

القطري

13-12-2022 - 02:32 am

وعليكم السلام ورحمة الله وبركاته
ماتبون حد ايروح معاكم كمرشد سياحي

كتكاته

13-12-2022 - 03:33 am

Hamad_Qatar
هل هذه الخدمة ممكنة في الخطوط السعودية؟ باحاول استفسر اكثر.. مشكور على المساعدة الله يعطيك العافية اخوي..

كتكاته

13-12-2022 - 04:34 am

القطري
هلا اخوي القطري ههه بنفع مرشد سياحي
ان شاء الله تتيسر لك رحلة حلوة قريب.. تصدق اخوي اعرف هالشعور لاني من بعد سفرتي في 2005 ودي اسافر و خططت للسفر اكثر من مرة في 2006 و 2007 لكن هالسنتين جاءت ظروف قاهرة وصار حلمي اني اسافر ههه ,,
ان شاء الله باحاول استفسر عن النظام في الخطوط السعودية والله اني شايلة هم ولدي الله يحفظه لكن الله ييسر الرحلة وتكون رحلة حلوة يارب دعوااتكم

aber sabel

13-12-2022 - 05:35 am

كتكاته
وعليكم السلام ورحمة الله وبركاته
هلا فيج أختي كتكاته
أحنا أخذنا معانا العربه إلى باب الطيارة وأخذوها منا
وعطونا ورقة ولما وصلنا مطار هيثرو لقيناها جدامنا مع الجناط
حنا طبعا على الطيران الكويتي
عادي مسمووح ولا تحاتين
اخوج
عاابر سبيل

بكادلى

13-12-2022 - 06:36 am

السلام عليكم اشلونج اختي العزيزه كتكاته بالنسبه العربانه نفس كلام اخوي الغالي aber sabel فى ملاحظه اذا الطفل اقل من سنه لازم تحجزين سرير من الكوتر بالمطار انا صارت فينى بنتى الله يخليها يارب مولوده فى لندن بغيت احجز سرير لها قالو احنا حجزنا لها من المكتب الصحى الكويتى يوم رحت المطار الكونتر قال المكتب ماله شغل الحجز بالمطار فقط وسويت مشكله كبيره على السرير والحمدالله اخر شء توفر لى السرير بعد السب

aber sabel

13-12-2022 - 07:37 am

بكادلى
وعليكم السلام أخي العزيز والمبدع بيكادلي
بالنسبة لنا عمر المريضه شهرين وقالو لنا الكويتية ان الطفل يكون بحضن أمه مافي له مقعد وطوال الرحلة كان بحضن امه

النجلا

13-12-2022 - 08:38 am

شوفي ياقلبي اذا العربيه صغيره دخليها معاك للطياره واذا قالولك شحن ارفضي وقولي ابيها معاي انزل فيها من باب الطياره يحطونها بخزانه داخل الطياره مخصصه للعربيات ويعطونك كارت هذا بالخطوط السعوديه
اذا عربيتك كبيره ممكن تجيبينها لباب الطياره وياخذونها منك شحن

كتكاته

13-12-2022 - 09:39 am

aber sabel
مشكور اخوي عابر سبيل على التوضيح والله يعطيك العافية
اختي بكادلى ولدي عمره اكثر من سنة، مشكورة على المعلومات بصراحة اول مرة اعرف الله يعطيك العافية
هلا اختي النجلا بصراحة انا عندي عربيتين وحدة جتني هدية وكنت على اساس اخذها هي اكبر من اللي عندي والحين احترت مو عارفة اخذ اي وحدة فيهم الصغيرة ميزتها صغر حجمها والثانية فيها اوضاع انه ممكن ترجع ورا شكلي باستخير الله يعطيك العافية على الشرح ومشكورة اختي

بريطانيا المسافرون العرب

استفسار عن عربة الأطفال في الطائرة