نشر في بريطانيا

استفسار عن شقق فندية

ورد طايفي

09-02-2022 - 12:24 am

السلام عليكم ورحمة الله وبركاته
حبيت استفسر شو رايكم بالشقق الفندقية FOUNTAIN HOUSE APARTMENTS
وهل هي قريبه عن الاكسفورد ستريت يعني اذا سرت مشي كم دقيقه واوصل وشو الاماكن القريبه من الشقه واقدر اروح لها مشي؟؟
اتريا ردودكم وادريبكم مابتقصرون
ربي يحفظكم

التعليقات (9)

القطري

09-02-2022 - 03:36 am

وعليكم السلام ورحمة الله وبركاته
هلا وغلا باهل الشرق
الشقق تبعد 15 دقيقه مشي عن اكسفورد وادجول رود ومحطة لانكستر على الخط الأحمر مقابله للشقق على طول
هذي صوره توضيحيه ..
حرف A مكان الشقه وحرف B مكان اكسفورد وادجول رود

واي خدمه احنا في الخدمه

ورد طايفي

09-02-2022 - 04:37 am

تسلم اخويه القطري
بس حابه اعرف اكثر
شو الخدمه والنظافه والاشيا الثانيه؟

القطري

09-02-2022 - 05:38 am

دخلت موقع ادفايزر وشيكت على كتابة الي اسكنوا فيها ..
الموقع 5/5
النظافه 4/5
الغرف 3/5
بس فيه شغله قريتها وانتبهوا منها ..اللفت مايوصل كل الادوار ..بمعنى انه فيه ادوار أما تطلعون لها بالدرج او تنزلون لها بالدرج وبعدها تاخذون اللفت ..
مثلاُ بين الدور الأول والثاني فيه دور ولكن اتروحون له بالدرج ..
إذا عزمتوا على هالشقق اخذو الدور الي ايوقف فيه اللفت مباشره عشان سالفة الشناط
واي خدمه احنا في الخدمه

ورد طايفي

09-02-2022 - 06:39 am

ما تقصر اخويه القطري ويزاك الله خير
هل هالشقق فيها مكيفات؟؟
وبغيت اسالك اخويه بخصوص الشقق الفندقيه ف نفس الموقع والاسعار اتكون زينه واتكون فيها مكيفات
وكل عام وانتو بخير بمناسبة اليوم الوطني

القطري

09-02-2022 - 07:40 am

الله يجزي الجميع خير ان شاءالله
وابركها من ساعه إذا قدرنا انخدمكم بشي ..
بالنسبه للتكييف والدفايه فهي موجوده ..والنظافه 3 مرات اسبوعياً ..ومعدات المطبخ موجوده بالكامل والرسيبشن يوميا من الساعه 9 الصباح لين 10 فليل
وتسلمين على التهنئه والله ايدوم الأمن والأستقرار خصوصاً بعد الي صار في العراق وغيره

ورد طايفي

09-02-2022 - 08:41 am

هيه ماشاءالله اهل قطر كانو موجودين ف دبي وخصوصا ف منطقتنا جميرا
منوورين وربي
والحمدلله على نعمة الامن والامان
لا والله بخصوص الشقق محد خبرنا عنها اختي كانت ادور فالنت ولقت هالشقق وكلمتهم وقالولها ل20 يوم لغرفتين بيكون تقريبا 5000 باوند وهي حابه هالفندق

القطري

09-02-2022 - 09:42 am

5000 باوند !!!!
ليش ؟؟؟؟؟؟؟؟؟؟
واجد ؟؟؟

القطري

09-02-2022 - 10:43 am

شوفي هالشقق ..
http://www.central-london-apartments.com/leonard-rates.php
مكانها حلو ومصنفه 4 نجوم ..
كنت بسكن فيها ولكن غيرت رأيي في اخر لحظه بسبب ان احتمال ايكون معاي شناط واغراض واجد + بروحي فقررت اسكن قريب من محطة بادنغتون ولكن المره الجايه بسكن فيها ان شاءالله ..

ورد طايفي

09-02-2022 - 11:44 am

https://artravelers.com/p/re/219643
الردود ابد ماتسر عن هالشقق خاصه فالصفحه الثانيه

بريطانيا المسافرون العرب

استفسار عن شقق فندية