أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
احبائنا في الكويت
فيه سوق عندكم معروف باسم سوق ابوميه فهل من الممكن تعطونا اسمه الحقيقي ونوع البظاعة الموجوده هناك ووصف لمكانه
واذا امكن تفيدوننا عن سبب تسميته بهالاسم
وشكراً
تلاقي محلات بو مية في سوق السالمية سيتي سنتر كذا محل يبيعون اغراض بو مية فلس مثل اقلام العاب قديمة للاطفال ربطات للشعر وامشاط ميداليات واواني بلاستيكسة وغيرها الكثير ......وفي بالمباركية عند سوق الخضرة وبعد بالسالمية عند سوق الذهب......
طيور الجنه والسالميه والمباركيه تقريبا كل مكان بضاعه صينيه تنفع للاطفال يدشون ياخذون عشرين لعبه ماتكلف دينارين ودفاتر اقلام العاب شباصات اواني منزليه بلاستك بانواعه مكياج مفارش ستيكرات كريمات شامبوات يعني كل مايطري بالبال بس اي كلام يعني يمشي الحال
شاكر ومقدر لكم جميعاً على تفاعلكم وجزاكم الله خير
طيب ياجماعة هل يكتب عليها اسم او كيف وضعها بصراحة انا كنت بالكويت قبل اسبوعين وتزرت المباركية بس وتمشيت هناك ولاشفت هذي المحلات بالعكس كانت البضاعة نفس سعر السوق
فياليت توصفون لنا اكثر عنها
والف الف شكر لكم جميعاً
علي ابونواف
مو مكتوب عليها ..
لما تروح أي سوق راح تلقاه ..
وإسأل أي أحد تصادفه يدلّك عليه ..
الأفضل هو طيور الجنة والمحلات اللي بسيتي سنتر السالمية والمباركية أكيد ..
.
miss kuwait
لما تروح أي سوق راح تلقاه ..
وإسأل أي أحد تصادفه يدلّك عليه ..
الأفضل هو طيور الجنة والمحلات اللي بسيتي سنتر السالمية والمباركية أكيد ..
.
شاكر لك اخوي بارك الله فيك بس بغيت استفسر منك لاهنت
طيور الجنة هذا اسم محل ووين بالضبط هل هو في المباركية
والف الف شكر على تواصلك
سوق المعلم مجمع كبير في محلات بو 100 .. بحولي بشارع توني
سيتي سنتر فيه محلات تبيع ب 100
المباركيه صوب محل البشوت اسمه السعيد اعتقد في دري تنزل تحت في محلات تبيع اكسسوارات بس مو 100
ولما تكمل جدام في جم محل ب 100
فحيحيل في محل شعبي كبير اسمه بازار في محلات تبيع ب 100 ولما تروح اهناك اسألهم عن محلات ثانيه ..
