الجوازات ما سألوا عن فندق او اي شي في ناس توصل وهي ما حجزت فندق وتخلي حجوزاتها من هناك
الوضع عادي اخوي
يعني اللي يبغى يروح ينزل عند اصحابه او اقاربه كيف ينزل
الله ييسر امرك وتكمل اشغالك وترجع بالسلامة ان شاء الله
هاي مزمز

himzmz
يعطيك العافية يالغالي ما قصرت.. جزاك الله خير

himzmz
يا اخوي بالله عندي سؤال بعد
في رسوم او اي شي تدفعه اذا وصلت المطار؟؟

ايه في شي لازم تدفعه من جيبك..لازم تدفعه الين يخرج من جيبك وهو جواز السفر الاخضر.
هو الشي الوحيد اللي تحتاجه بالمطار . اما الدراهم فما حولك احد.
كازامي

وعليكم السلام ورحمة الله
ما قصروا أخواني المبدعين جزاهم الله خير
بس حبيت أنبه على أمر وهو الشي الوحيد اللي تشترطه ماليزيا وتدقق عليه
وهو أن جوازك لازم يكون ساري المفعول لمدة 6 أشهر عالأقل من وقت دخولك الأراضي الماليزية
وغير كذا ما يسألون أبدا لا عن سكن ولا يطلبون مال بأي طريقة
موفق أخي الكريم ..

انا تو جاي من يومين الامور طيبة حتي الفيزا صارت بلاش و لا تعبي اوراق ستكر يلصقة بالجواز و خلصنا

ما قصرتوا و الله يالربع فيكم الخير
موفقين ان شاء الله

اخوي الكريم امورك سهالات بس عط الموظف جوازك وراح يسألك عن مده الاقامه في ماليزيا ويختم لك وتمشي
انا قبل فتره بسيطه كنت فيها ودخلتها هالمره بجوازي العراقي ونفس الامر بس ختم دخول وامورك طيبه
وبكل المرات الي دخلتها ما طلبوا شي مني او دفعت شي او سألوني عن حجوزات بس ختم
لاتنسى ان الجوازات الخليجيه لها قوه واحترام في شرق اسيا
بس شغله وحده جوازك اكثر من ست شهور وبمره من المرات رحنا ماليزيا وردينا وبعدها عرفنا ان واحد من الربع جوازه كويتي فيه اقل من ست شهور وقت الدخول
بس مادري هل طوفوه عادي ولا ما انتبهوا
بالتوفيق ان شاء الله وتروح وترجع بالسلامه