السلام عليكم ورحمة الله وبركاتة وعليكم السلام
1 : اجازتي في الصيف تبدأ في نهاية شهر سبعة ميلادي فهل هذا وقت مناسب لزيارة دبي .
مناسب جداَ
2 : كم يكفي من ايام لكي تكون رحلة ممتعة .
من 7 الي 10 ايام حسب ميزانيتك
3 : سأسافر بالطائرة ، فهل أستأجر سيارة أم التنقل عن طريق القطار والتكاسي يكفي .
انا راي استاجر سيارة
واهم من الايجار يكون عندك جهاز ملاحة
4 : هناك فكرة بأن اسكن في الشارقة - ارخص واهدأ ومحافظة أكثر - وأتردد على دبي ، فما رأيكم بها .
ما انحصك في هذا الشي لان راح تطلع يوميا الي دبي
والطريق مزدحم وراح يضيع وقتك ويومك
جرب المنطقة اللي عند الامارات مول
منطقة البرشا منطقة هادية وشقق جديده
5 : هل أحجز السكن من الآن أم أنتظر ، علماً بأنه بقي على السفر قرابة اربعة اشهر .
انتظر اتوقع راح تنزل عرووض الصيف والاسعار ومفاجات
انصحك بزيارة هذه الصفحة
فيها معلومات تستفيد منها
https://artravelers.com/p/re/279407
ان شالله استفدت من الاجوبه
وتوصلون بالسلامة ان شالله الله

جزاك الله خير اخوي : Aktd
ما قصرت وبيض الله وجهك ، استفدت كثيراً من أجوبتك .
وما نستغني عن باقي اخوننا الكرام .

هلا اخوي هداج
ماقصر اخونا Aktd فقد اعطاك كل شي بالتفصيل
وبالتوفيق

1. اهلين اخوي

1

اهلين اخوي

: اجازتي في الصيف تبدأ في نهاية شهر سبعة ميلادي فهل هذا وقت مناسب لزيارة دبي .
مناسب جداً من ناحية الاسعار فقط انا العام في شهر 7 كنت في دبي وكل شيء رخيص خصوصاً الفنادق كان بعضها مسوي عروض خياليه بس يا انك بتنحمس من الرطوبه والحر وبتتحسر على الاماكن اللي بتروح لها وتنحرم من الجلسه برى على البحر وفي الممشى بسبة الجو بس مثل ماقلت لك الاسواق والفنادق تكون مسويه عروض حلوه
منها كان فندق اتلنتس كان سعره في اليوم تقريباً 950 اعتقد مع الفطور
وفندق شيرتون اللي على شارع الشيخ زايد ب350
وفندق جراند حياة كان المطل تقريباً 750
هذي بعض العروض اللي اتذكرها
2 : كم يكفي من ايام لكي تكون رحلة ممتعة
من 7 الي 8 ايام تكفي
3 : سأسا فر بالطائرة ، فهل أستأجر سيارة أم التنقل عن طريق القطار والتكاسي يكفي .
بالنسبه لنا استأجرنا سيارة وكنا مرتاحين وكان معنا الخريطه الخاصه بدبي وكانت واضحه
اصلاً الديرة مرتبه بتضيع لك مرتين ثلاث بس اعتبرها من ضمن التمشية والباقي بتوصل له بسهوله بإذن الله
4 : هناك فكرة بأن اسكن في الشارقة - ارخص واهدأ ومحافظة أكثر - وأتردد على دبي ، فما رأيكم بها .
مثل ماقال اخونا الكريم مانصح ابد ماتسوى عليك المشاوير وكان قصدك الاسعار بتلقى عروض حلوه في هالوقت انصحك تشيك على موقع بوكينج ومكتبين ثلاثه سياحية ترى بتشوف فرق بالاسعار ولاتنسى تشوف عروض عرب لينك بدبي يمدحونها.
5 : هل أحجز السكن من الآن أم أنتظر ، علماً بأنه بقي على السفر قرابة اربعة اشهر .
اتوقع تحجز قبل اجازة الصيف بشيء بسيط علشان تلحق على العروض

شاكر مرورك اخوي الفارس

بارك الله فيك اخوي ( السحلية )
وفعلاً هذا الي مخوفني :
( بس يا انك بتنحمس من الرطوبه والحر وبتتحسر على الاماكن اللي بتروح لها وتنحرم من الجلسه برى على البحر وفي الممشى بسبة الجو )

دبي يكفيها أسبوع وبتزور فيها كل الأماكن الحلوه ..
واهم شي اسكن في دبي ..
وأحس ماتفرق اذا معك سياره او تاكسي لانه هالشي يعتمد ع حسب طلعاتكم
اذا تطلعوا من الصباح لليل خذوا لكم سياره اوفر ..,
وسفره موفقه

المده مناسبه والافضل لك السكن بالفنادق المتصله مباشره بالمولات في الصيف في دبي فندق ستي سنتر والماريوت متصل مع سوق حمر عين والعنوان متصل مع احدث مجمع دبي مول وفندق كمنسكي متصل بمول الامارات بها جميع الخدمات من تسوق وترفيه ومطاعم والاسعار مناسبه جدا في الصيف لا تحجز من الان لانه فيه عروض وخصومات على الطيران والفنادق

بسم الله الرحمن الرحيم
حياك الله أخوي هداج
وأتمنى لكم زياره موفقه و جميله لدبي دار الحي
بالنسبه لتوقيت رحلتكم فراح يكون في عز الصيف والرطوبه لكن الشيء هذا عام على الخليج كله وما منه مفر
مدة الزيارة من وجهة نظري من 5 إلى 7 أيام كافي جدا ما دام إنكم ناويين على دبي فقط
بالنسبه للسكن فهو يعتمد على عدد أفراد العائله .. فإذا كنتم أكثر من 4 فأنصحكم بأخذ شقه في منطقة البرشا لكن أنصحكم تحجوزن من بدري لأن الشقق هناك دائما فل فل في الصيف
بالنسبه لإيجار السياره فأعتقد إنه أفضل لكم علشان حرية التنقل ولأن الميترو ما يغطي جميع الاماكن والتاكسي يمكن ما يكفيكم ان كنتم كثير .. وهذا ما يلغي تجربة الميترو من باب التجربه
بالنسبه للسكن في الشارقه فهي فكره سائده عند الناس رغم إنها تجانب الحقيقه لأن في دبي هناك الكثير من الشقق الرخيصه و في أماكن مميزه كمان
وأنصحكم بما إنكم عائله أن تحجزون سكنكم في مناطق قريبه من المولات عشان إذا بغيتوا تتمشون او تقضّون أو تاكلون شي عالسريع يكون جنبكم مول يحوي كل هذي الاشياء
هذا اللي عندي واي خدمه مستعدين