وعليكم السلام ورحمة الله وبركاته،،،،،
ارى اخوي ابو احمد انك تبيع الشقة افضل من الايجار لانة لن يكون هناك مصداقية في الايجار ، والبيع يكون اضمن لك ولفلوسك ، وخذ المبلغ كاملا اولا ، ومن ثم وقع على عقود البيع ....
وانتبة اغلب هذة الشركات معروفة بتلاعبها وعدم مصدقايتها .
تحياتي لك ... وعليكم السلام ورحمة الله وبركاته

أشكرك أخوي على النصيحة والله يوفقك
والمشكلة اني منتظر الرد بفارغ الصبر من أي واحد والموضوع له فترة ووصل عدد القراء 32 قارئ ولا أحد رد حتى لو بكلمة ماأعرف

اخوي ابو احمد انت قلت لاهل الخبرة وللاسف انا مو واحد منهم السموحة

أنا انصحك اخوي ابو أحمد , محاولة ايجاد الفرصة المناسبة للأستفادة من برنامج التايم شير , لكن لو تحدد بالضبط الشركة اللي انت مشترك فيها ؟ هل هي انترفال او RCI او غيرها من الشركات؟
لأن اغلب المشتركين خصوصا من الخليجيين , يشترك في مثل هذا البرنامج ولا يستفيد من مميزاته , وفي النهاية يحاول بيع اسبوعه او تأجيره !!!!!
تحياتي

أشكرك أخوي الكندي على الرد وماصار الا الخير
اخوي معجب الشركة هي RCI وياليت تفيدني بالمميزات والنصيحة بشكل عام
وشكرا لك

طيب شركة RCI لديها اكثر المنتجعات واكثرها شمولية , وانا مستغرب من استيائك لها , حقيقة انا ماسبق وتعاملت معهم , لكن اذكر ان فيه شخص من الشرقية سافر مع عائلته الى باريس عن طريق هذي الشركة واتوقع انهم ساكنين في شقق فلات اوتيل بجانب برج ايفل , وايضا في نفس السنة سافروا الى ماربيا عن طريق نفس الشركة , وكان سكنهم الاصلي في الاسكندرية.
مثلا اذا ودك تسكن في القاهرة تقدر تسكن في بيراميزا واللي في كثير من المواقع مصنف ضمن 5* , علما بأن انترفال لاتملك منتجع في القاهرة لأن كل منتجعاتها متركزة في شرم الشيخ والغردقة وطابا , وقس على ذلك في دول كثيرة.
تخيل اكثر من 3000 منتجع حول العالم , انت ماعليك الا انك تختار في الوقت اللي يناسبك وان شالله اذا كانت قوانين الشركة مرنة بتحصل حجز في الوقت والمكان اللي انت حددته , بشرط انك تقوم بالحجز قبل السفر بمدة كافية , خصوصا للمدن السياحية المشهورة.
واي استفسار انا حاضر .....
تحياتي

معجب
أشكرك ياريّس على النصيحة لكن بصراحة ودنا نبيع أو نأجّر لظروف معيّنة
وأشكرك مرة ثانية وماقصرت أخوي