السلام عليكم ورحمة الله وبركاته ،،،
شلونكم يا جماعة الخير .
عندي استفسار عن طيران الوطنية والخساره الي قطتنا على صخر .
انا حجزت عليها من شهر مارس حق شهر يونيو لفيينا لأنها دايركت وبدون ترانزيت وسعرها كان معقول .
وتفاجأنا بخسارتها بشهر ابريل وطبعاً فلوسنا راحت علينا ( 2000 دينار وزياده ) .
حاولنا الاتصال او الوصول اليهم ولكن مثل ما يقولون ( اقبض من دبش ) خط تليفونهم مافي احد يرد عليه والمكاتب مصكره لأن مافي موظفين ، ورسلت لهم ايميل 3 مرات على ايميلهم بس محد رد علينا .
سؤالي : هل حماية المستهلك لها دور في مثل هالشغلات ؟
يعني اقدر اروح اشتكي على شركة الوطنية للطيران عند حماية المستهلك ؟
مع العلم ان شركة الوطنية اخصمت مني مرتين اثناء الحجز بالنت ، بس الحمد لله رجعت فلوسي الزايده عندهم قبل خسارتهم بكم يوم ربي لك الحمد ، بس الحين باقي فلوس التذاكر وعددها 9 تداكر ، يعني بوق أشكره وعينك عينك .
افيدوني يا اهل الخبره شنو الحل ؟ وشنو أسوي ؟