كوكب الزهرة
25-12-2022 - 08:08 pm
السلام عليكم اخواني اعضاء المنتدى
اود الاستفسار عن طريقة الذهاب إلى مدينة جنتنق من كولا هل نطلب من السائق ان ينتظر ام متوفر سائقين في المنطقة لذهابنا لها الصباح والعودة المساء
وكذلك اود الاستفسار عن فندق بيكولو عن موقعة و نظافة الفندق وشكراً
واذا انتظر السايق معاكم كل ساعه اضافيه بعد الاربع ساعات الي سعرها 100 راح ياخذ 25 او 20 وانتم راح تطولون
فا لاتخلونه من وجهة نظري ينطركم
روحو تكسي بالعداد واعتقد يكلف 60 الى 80 من الصبح والعوده تكسي من فوق للعوده 100 وكاسروه علشان تاخذون اقل شوي
خل نحسبها اذا انتظركم التكسي .. اول اربع ساعات 100 رنقيت
واذا رحتو مثلا الساعه 10 الصبح وتبون تردون الساعه 6 راح تكون تكلفت التكسي تقريبا 200 رنقيت
وانا متأكد انكم راح تطلعون مو اقل من الساعه 8
انا ماجربتها نهائي .. لاني رحت بالباص السياحي وبالتل فريك وكان تكلفت الشخص اعتقد اذا ماخانتي الذاكره 36 تقريبا للشخص الواحد وماني متأكد لاني مادققت على المبلغ
بالعوده اخت التكسي بعد المفاصله 70 هذا بعد ما نشف ريقي
ممكن الاخوان الي جربوها لهم راي ثاني .. بخصوص الاتفاق بينكم وبين التكسي
تحياتي لك