من ناحية فرنلدي فهو فرندلي
واما مستوى الجامعة والأسئلة الباقية ماعندي فكرة لكن انا حسب خبرتي بلندن احس مافي ذاك الفرق بين مستوى الجامعات البريطانية
الله يوفقك وغيري يفيدك اكثر

بعد إذن صاحب الموضوع
أخت mime
الله يذكرك بالخير أذكر قبل ثلاث سنوات أو أقل كنت متحمسه للبعثة ,,, أسأل الله الحي القيوم إنك توفقتي في أمور دراستك ..
وبما إنك خبيرة في بريطانيا ,, فبكل تأكيد مالنا غناة عنكم ..
ولذلك
حبيت أستفسر هل في بريطانيا جامعات تقبل 5 في الأيلس للبريسشنال كورس لتخصص القانون في الماستر ...
والشيء الاخير قد سمعتي جامعة وستمنستر في لندن ,, هل عندك خلفية عنها ..
وجزاك الله خير مقدماً ..

سيرفس15
عزيزتي اغلب الجامعات تاخذ خمسة حق البريسشنال,, لا وبعضها تاخذ اربعة ونص يعني ان شاء الله ماعندك مشكلة
وستمنستر معروفة جداً أصلاً تحسين نفسك تدرسين بالخليج من كثر الشعب الخليجي الي فيها ههه بس الجامعة قوية وحلوة وموقعها حلوو واذا حصل لك فيها فهي فرصة جيدة .. اعرف واحد يدرس فيها قانون وفي كثير يدرسون فيها بزنز
والف شكر على الدعاء والله يوفقك ويوفقنا جميع

الله يوفقك دوماً وأبداً ,, الله يسمع منك لي فترة قاعد أحوس أحد يقبلني بالخمسة في الآيلتس لكن كلها قبول مشروط حتى أحصل 5,5 في الأيلس لدخول البريسشنال ..
بعد إذانك هل من الممكن أتوصل للشخص اللي يدرس في وستمنستر قانون (( أتمنى ذلك لأني لي فترة أدور أحد يدرس فيها لكن ما حصلت ))
وجزاك الله كل خير ...

قصدك قبول الماستر مشروط؟؟؟ طبيعي يكون مشروط كل الجامعات تعطي ماستر مشروط لين تعدي البريسشنال بنجاح
ترى البريسشنال مايجي مشروط الا بالدفع يعني وضعك جداً تمام بس شكل الأمور ملتبسة عندك
ارجوا ان تبحث كويس .. مثلاً جامعة مدلسكس كان يدخلون بريسشنال من اربعة ونص بس لزيادة الطلب على البرنامج صار القبول من خمسة
قدم من جديد وانتبه للكلام حق الأوفر .. لأن زي ماذكرتلك البريسشنال مايجي مشروط
اما بالنسبة للشخص الي بوستمنسر للأسف صعب ان اطلب منه يتواصل مع شخص لا يعرفه ما أمون عليه كثير

الله يعطيك العافية وما قصرتي ...
لكن جاني قبول مشروط من جامعة كنت ,, لكنها تطلب 7 في الأيلس ..
وألحين أبحث عن جامعة تقبل أقل في الأيلس ..
اللي فهمته معنى قبول مشروط (( يعني لازم أجيب الدرجة المطلوبة في الأيلتس قبل بداية البرنامج الدارسي ))

سيرفس15
افضل طريقه لك انك تدخلي علي موقع الجامعه وتشوفي رئيس القسم وتكلمينه بالتلفون وتطلبي من قبول واذا شاف انو لغتك كويسه صدقيني علطول بيعيطك قبول ولا يناظر للأيلتس خاصه انك جبتي 5 يعني رح يتساعد معك
ايضا فيه عندك جامعة بريكستون فيها قانون وكويسه مره بس بعيده شوي عن لندن يعني ساعتين بالقطار راسليهم وشوفي
بالتوفيق انشالله

1. انتي تكلمتي مسبقاً عن البريسشنال كورس ماتكلمتي عن بداية الماستر

ياعزيزتي/عزيزي عاد مدري انتي بنت او ولد

انتي تكلمتي مسبقاً عن البريسشنال كورس ماتكلمتي عن بداية الماستر

دخول الماستر في جميع الجامعات البريطانية يتشرط الحصول على درجة لاتقل عن ستة ونص وهذا شي طبيعي جداً
موضوعك سهل جداً.. نص العالم ماجابت سبعة ولا ستة ونص.. العالم تدخل بريسشنال كورس وهو الكورس الانجليزي الأكاديمي الي تقدري تدخلينه في اغلب الجامعات البريطانية بدرجة ايلتس تبدأ من اربعة ونص او خمسة وبعد النجاح في الكورس تدخلين الماستر ويتحول قبولك من مشروط الا قبول غير مشروط
الكورس تكون مدته حسب الدرجة الي عندك بالايلتس.. مثلاً اذا بتدخلين الكورس بدرجة خمسة راح تدرسين 3 شهور.. اذا بتدخلين بدرجة خمسة ونص راح تدرسين شهرين.. واذا بتدخلين بدرجة ستة راح تدرسين اربعة اسابيع
شهادة البريسشنال تعتبر معادلة لايلتس وبالعكس راح تفيدك كثير لأنها تركز على دراسة البحوث واللغة الاكاديمية وعمل البرزنتيشن
انا ماجبت ستة ونص في الايلتس.. انا دخلت البريسشنال كورس بدرجة خمسة ونجحت فيه وكان قبولي مشروط بستة ونص ولكن بشكل مباشر لما نجحت تحول قبولي الى قبول غير مشروط وارسلوه على البيت ودرست الماستر..
انتي الحين اتركك من قبول الماستر المشروط هذا شي طبيعي.. انتي حاولي تسجلي في ا لبريسشنال كورس حق الجامعة الي جاك من قبول ماستر .. ولما تخلصين الكورس بنجاح تبدأين ماستر مباشرة
اتمنى تكوني فهمتي الوضع واذا مافهمتي راح اشرحلك اكثر

أحمد
تحية طيبة أخوي .. لاهنت يالغالي على تجاوبك وتفاعلك مع الموضوع وإن شاء الله بحاول أسوي هالحركة ممكن تمشي وتمشي أموري معها ,, والله يوفق ..
لكن هل جامعة بركستون معترف بها من التعليم العالي أو لا لأني دخلت موقعهم ولا حصلتها ..
وجزاك الله كل خير
وأشكر صاحب الموضوع ,, والله يوفقه دوماً ..
إختي memi
أنا ولد بس أبو بنتين الله يصلحهن يارب ..
وجزاك الله خير أخت غلى تفاعلك ...
المشكلة ماهي من عندي المشكلة من العمل اللي ضاغط علي عشان موضوع القبول .. وحتى نفسياً أرتاح من همه وأعرف وش أنا عليه ..
وأما من ناحية البريسشنال فاهمه تمام لكن أحتاج ترتيب أفكار وجزاك الله خير ما قصرتي رتبتي مخي شوي لأني محتاس بين الماستر والبريسشنال ..
أخر شيء بستفسر عنه ,,, هل بعد البرسشنال في إختبار ielts أو لا .
وجزاك الله خير أختي والله يوفقك دوماً وأبداً ..