حياك ياغالينا ...
عندك ( 8 أيام ) ... والأفضل تقسمها بذا الشكل :
يومين سلانجور ( فندق الصن واي لاقون )
ثلاثة أيام لنكاوي ( فندق الويستن )
ثلاثة أيام كوالا ( فندق الرويال شولان )
طريقة التنقلات :

• سلانجور - لنكاوي .. طيران لمدة 50 دقيقة
• لنكاوي - كوالا ... طيران لمدة 50 دقيقة

الجدول اليومي وأهم أماكن الزيارة .. نكتبه لك بعد أعتماد البرنامج والحجز بأذن الله

هلا اخوي وافي الله يجزاك خير وماقصرت وبالتوفيق ان شاء الله راح اعتمد المدن والفنادق وبعدين نرتب الجدول اليومي مشكور

شرايكم ليلتين سلانجور بعدين ليلتين لنكاوي بعدين ليلتين بينانج بعدين ليلتين كولا
وبعطيكم اسامي فنادق:-
الاحصنة الذهبيه سلانجور
صنواي لاقون لنكاوي
شانجريلا جولدن ساندس بياننج
بيكولو كولامبور

حياك ( نواف )
والله ماأنصحك ( كل يومين ) بمنطقة ... راح تتعب ياحبيبي
خل جدولك كما ذكرت لك ( يومين سلانجور - ثلاثة لنكاوي - ثلاثة كوالا )
بينانغ مافيها زود ... ولاتستحق العنوة بصراحة
والفنادق الأنسب :
سلانجور ( صن واي لاقون ) ... لنكاوي ( فرنجي باني ) ... كوالا ( الماريوت )

لابد انك تحذف يا لنكاوي يابينانغ مثل ما تفضل به مشرفنا وانا لو مكانك ابحط يوم سيلانجور علشان اريح من عناء السفر وبعدها ثلاث ايام في لنكاوي او بينانغ وبعدها اربع ايام كوالالمبور لاني وجدت ان كوالالمبور لايكفيها يومين احسب يوم جنتنق من كوالالمبور ويوم تلف فيه كوالالمبور والثالث تتسوق والرابع راجع للمطار

الله يجزاكم خير ان شاء الله بس بتعبكم شوي معاي.
شنو الافضل لنكاوي والا بيناننج لاني احترت والله وبخصوص حنا عايلة صغيرة شنو افضل لي. ويقولون سلانجور يوم كافي صحيح والا لا
وفندق الاحصنة شرايكم فيه شباب

انا مع الحبايب في سالفه ( بينانج - لنكاوي )انت عندك 8 ليالي .. فصعب عليك تجمع بين بينانج ولنكاوي
لازم تضحي بوحده منهم
# بالنسبه لي اميل الى اختيار لنكاوي ..
# بخصوص الجدول: اميل اكثر الى : ( كوالالمبور 3 ليالي ثم لنكاوي 4 ليالي ثم بوتراجايا او فندق المطار لمده ليله )
# بخصوص سؤالك عن فندق الاحصنه الذهبيه ( قولدن هورس ): ام بصراحه ما عندي الافاده المرجوه ، لان البعض يمدحون والبعض يذمون. عشان كذا ما اقدر احدد هل هو زين او لا. لكن اتوقع انه حلو ومافيه شي.
# اما سؤالك بخصوص سيلانجور هل تكفيها ليله واحده: اذا كانت هذه الليله اول الرحله ,, فمن وجهة نظري انها غير مجديه ( خساره فلوس وتعب على الفاضي >> من وجهة نظري ) .. فاذا قررت الدخول للمدينه فمن وجهة نظري ان تخصص لها ليلتين كحد ادنى. لكن اذا كانت سيلانجور او غيرها في آخر الرحله لمده ليله .. فأرى انه لا بأس.
موفق

مشكورة اختي وماقصرتي وعسى الله يتقبل صيامكم وقيامكم ان شاء الله